مشكلة كراسي المكينه بالسيفيك .. صور وفيديو
بسم الله الرحمن الرحيم ..
اول شي السلام عليكم ورحمة الله وبركاته ... :cool:
اليوم جايب لك موضوع مهم وكثــير يسألون عنه
من شهر تقريبا او اكثر شوي وانا اسمع صووووت حول المكينه :confused:
وبعد كم اسبووع صار في هزه ورجه بالسياره :confused:
رجه قووويه يعني وخاصه لما تحط السياره بـالريوس قلق مو طبيعي كأنك راكب ددسن
وكل يووم اقول ياولد بروح اصلح السياره اليوم :d.. ولا اصلحها ولا شي :d
المووهيم:d
اليوم صحيت بدري<<--- احلف :d
وقلت والله ياولد مالك داعي اذا مارحت اليوم تشوف وش سالفة الرجه ذي
والله واروووح
قلت في البدايه بصور لك الرجه والصوت فيديو اول ماشتغل السياره
الصوت من برا
[ame=http://www.youtube.com/watch?v=qXyHSGBmcHg]YouTube - ‫من الكبوت‬‎[/ame]
الصوت من جوا وبيكون واضح مع الدعسه
[ame=http://www.youtube.com/watch?v=SbzNA-LZedQ]YouTube - ‫من جوا السياره‬‎[/ame]
طبعا رحت لورشة السبيع ... صناعية الدمام ( الخضريه )
واللي دلني عليها اخوي عثمان ( o-k-r ) :cool:
وللمعلوميه هذي ثاني مره اروح للورشه هذي شغلهم مره اوكيه ماشاء الله تبارك الله :rolleyes:
وازعجت والديهم انا صديق عثمان :d عشان يرخصون السعر
وفعلا انطلت عليهم الحيله :d فشكرا جزيلا يا عثمان :cool:
المهم لما رحت للورشه قلت لهم هااااه عرفتوني :d قالوا ايه صديق عثمااان :d
قلت طيب اجل تعالوا شوفوا وش هالرجه
واول ماسمع الصووت قال لي كرسي المكينه عندك مكسوووور :confused:
ويرفع المكينه شوي بالعفريته والا فعلا الكرسي مكسوور وهذي صورته
http://store2.up-00.com/Nov10/Saq88817.jpg
وهذي صوره اوضح
http://store2.up-00.com/Nov10/Iuh88818.jpg
المهم قال لي انقز جيب كرسي مكينه يمين من محل الفجر اللي جنب في كووول
وفعلا رحت وعلى سألت ان السعر حق الكرسي بـ 750 ريال
لكن في محل الفجر لقيته بـ 650 وعطانياه بعد الخصم بـ 530 ريال :rolleyes:
صراحه اسعارهم مرررره اوكيه
و
هذي صور للكرسي الجديد
http://store2.up-00.com/Nov10/h6D83327.jpg
وهذي صوره ثانيه
http://store2.up-00.com/Nov10/PR083327.jpg
رحت للورشه مره ثانيه وعطيتهم الكرسي وفك لي الكرسي القديم وصورته لكم وشوووفو كيف مكسووور
http://store2.up-00.com/Nov10/wTJ88818.jpg
وطبعا ركب الكرسي الجديد وهذي الصوره بعد ماخلص الشغل
http://store2.up-00.com/Nov10/ZMY83327.jpg
والحمد لله الصوووت والرجه راحوا وانتهت المشكله ولله الحمد :rolleyes:
الشغله كااامله كلفت 680 ريال :cool:
وشغل العمال مره مرتب ماشاء الله
اي استفسار انا موجود ان شاء الله
وللمعلوميه رااابع مره اكتب الموضوع وكل ماسويت اعتمد الموضوع تطلع لي مشكله :mad:
اخوكم البروفسور
خالد