مشكلة كراسي المكينه بالسيفيك .. صور وفيديو

بسم الله الرحمن الرحيم ..
اول شي السلام عليكم ورحمة الله وبركاته ... :cool:
اليوم جايب لك موضوع مهم وكثــير يسألون عنه
من شهر تقريبا او اكثر شوي وانا اسمع صووووت حول المكينه :confused:

وبعد كم اسبووع صار في هزه ورجه بالسياره :confused:

رجه قووويه يعني وخاصه لما تحط السياره بـالريوس قلق مو طبيعي كأنك راكب ددسن
وكل يووم اقول ياولد بروح اصلح السياره اليوم :d.. ولا اصلحها ولا شي :d

المووهيم:d

اليوم صحيت بدري<<--- احلف :d

وقلت والله ياولد مالك داعي اذا مارحت اليوم تشوف وش سالفة الرجه ذي

والله واروووح

قلت في البدايه بصور لك الرجه والصوت فيديو اول ماشتغل السياره
الصوت من برا
[ame=http://www.youtube.com/watch?v=qXyHSGBmcHg]YouTube - &#x202b;من الكبوت&#x202c;&lrm;[/ame]
الصوت من جوا وبيكون واضح مع الدعسه
[ame=http://www.youtube.com/watch?v=SbzNA-LZedQ]YouTube - &#x202b;من جوا السياره&#x202c;&lrm;[/ame]

طبعا رحت لورشة السبيع ... صناعية الدمام ( الخضريه )
واللي دلني عليها اخوي عثمان ( o-k-r ) :cool:
وللمعلوميه هذي ثاني مره اروح للورشه هذي شغلهم مره اوكيه ماشاء الله تبارك الله :rolleyes:
وازعجت والديهم انا صديق عثمان :d عشان يرخصون السعر
وفعلا انطلت عليهم الحيله :d فشكرا جزيلا يا عثمان :cool:

المهم لما رحت للورشه قلت لهم هااااه عرفتوني :d قالوا ايه صديق عثمااان :d

قلت طيب اجل تعالوا شوفوا وش هالرجه

واول ماسمع الصووت قال لي كرسي المكينه عندك مكسوووور :confused:

ويرفع المكينه شوي بالعفريته والا فعلا الكرسي مكسوور وهذي صورته

http://store2.up-00.com/Nov10/Saq88817.jpg

وهذي صوره اوضح

http://store2.up-00.com/Nov10/Iuh88818.jpg

المهم قال لي انقز جيب كرسي مكينه يمين من محل الفجر اللي جنب في كووول
وفعلا رحت وعلى سألت ان السعر حق الكرسي بـ 750 ريال
لكن في محل الفجر لقيته بـ 650 وعطانياه بعد الخصم بـ 530 ريال :rolleyes:

صراحه اسعارهم مرررره اوكيه
و
هذي صور للكرسي الجديد

http://store2.up-00.com/Nov10/h6D83327.jpg

وهذي صوره ثانيه

http://store2.up-00.com/Nov10/PR083327.jpg

رحت للورشه مره ثانيه وعطيتهم الكرسي وفك لي الكرسي القديم وصورته لكم وشوووفو كيف مكسووور

http://store2.up-00.com/Nov10/wTJ88818.jpg

وطبعا ركب الكرسي الجديد وهذي الصوره بعد ماخلص الشغل

http://store2.up-00.com/Nov10/ZMY83327.jpg

والحمد لله الصوووت والرجه راحوا وانتهت المشكله ولله الحمد :rolleyes:
الشغله كااامله كلفت 680 ريال :cool:
وشغل العمال مره مرتب ماشاء الله
اي استفسار انا موجود ان شاء الله


وللمعلوميه رااابع مره اكتب الموضوع وكل ماسويت اعتمد الموضوع تطلع لي مشكله :mad:

اخوكم البروفسور

خالد

صراااحه احيييك على مشااركتك

وهذااا بسبب اساااااسي لهل السيفيكاااات

يعطيييك العااااااااافيه

الحمدلله على سلامة الموتر بس عندي ملاحظه الأسعار ألي أنت حطيتها للكرسي غاليه مرررررره
يعني ابغى أعرف ألي يقول لك 700 ريالا وش يحس فيه
بعدين بسعر ألي انت شريته 530 ريالا هذا سعر الوكاله
أما أنا شريته من النعماني 460 ريالا
وتقرير ولا اروع بتوفيق أخوووي.

أهلين اخوي تذكرني ,,,, مشكووور على التعليق ,,


مراااحب اخوي عاشق سيفيك ,,

صراحه انا على اللي سألت قالوا لي 750 بكل مكاان بس مارحت النعماني :(خخخخ حسافه

يالله يارجال اهم شي انه راح الصوت الحمد لله :cool:

ومشكووور ياصديقي

انا سويتها في الوكاله وطلعت علي اكثر من 1000 مع شغل اليد :mad:

والله ياخوي الوكاله اضمن ...

لكن انا سويتها والحمد لله مانقدت على شغلهم بشي .,,, قبل لا تصلح اي مشكله بسيارتك اسأل ,,

ترا اللي يصلحون في الوكاله عمال مو آلات ,,, يعني نفس اللي يشتغلون بالورش برا

عموما الله يعوضك وهذا انت الحين تدري كم تكلف يعني لا سمح الله ثاني مره لا تصلح بالوكاله الا شي مررره مهم ولا حد يعرف يصلحه غير الوكاله

تحياتي

اشوف فايز وشمس يقولون لي واحد كله يجي ومسوي ازعاج ههههههههههههه

هذا انت اجل هاا:d

هههههههههههههه

صراحة ما شاء الله .. كويس منها من 2006 الى الان دوبها بدات ترج .. ماشاء الله تبارك الله..

انا الحقيقة من الان ورجة اكلت مخي خاصة مع المكيف .. وزيك كل يووم اتكاسل عن حل المشكلة :d

مراحب عزيزي،،،

موضوعك وايد ممتاز وان شاء الله يستفيد منه الجميع،،،

بس عندي استفسار،،،

وش نوع الرجه اللي كانت في سيارتك قبل لا تبدل الكرسي،،

أنا معي مشكلة رجة بسيطة لما ابدل من nالى d

ونفس الشي لما يغير الجير من 1 الى 2

وسويت فحص للكراسي بس يقولوا سليمة،،،

هل يمكن يكون الكرسي خربان من الداخل لآنه شكلة الخارجي ما فيه اي مشكلة ...

تقبل مروري يمكن طولت عليك

انا اكلت مطب بسرعة عالية قبل فترة ومن يومها حتى الكرسى الى انا راكب عليه يرجب كل شئ يرج ههههه بس رجة خفيفة جدآ ما اعرف المشكلة

ما شاء الله ,,, الموضوع مرتب جدا

أنا أذكر صارت لي المشكله من قبل و وديت السياره للوكاله و غيروا الكرسي على الضمان يعني ما دفعت شي
و الحمد لله كملت 70 الف كم و لا عادت لي المشكله و لا طلعت عندي أصوات

خخخخخ عثمااان تشوف انت :rolleyes: اهم شي عرفوني ماعلي منك :d

TATTOO لا تقول كل يوم كل يوم ترا بعدين يصير الصوت مررره واضح ومزعج

خخخ Wazd الله يعينك رح شيك طيب لا تهمل

ولد الديره ماشاء الله على الضمااان اضمن

ألسلام عليكم جميعاً.
في البدايه احب ان اهنيكم على اختياركم لسيارة هوندا سيفك لانها سياره ممتازه ومتينه و لا تحب تصليحات كثيره مثل السيارات الامريكيه. اما مشكلة كرسي المكينه فهي مشكله اساسها الجو الحار جداً الي يؤثر على التركيبة الكيميائيه للمطاط المستخدم بالاضافه الى الطسات الكثيره في الشوارع.

مشكور اخي البرفسور على هذا التقرير الاكثر من رائع