مشاركة ساخنة وقعت لي مع شركة عبدالله هاشم
السلام عليكم ورحمه الله وبركاته ...
هذي قصتي مع الشركة الذي تحتكر السياره المسماة بــ هواند
باختصار شديد لان مالكم بالطويله ياشباب انا شريت سيارة هواند اكورد مديل 2006 وللاسف كان وقتها تغير في الشكل وللاسف ان المديل هذا اكثر مافيه عيوبه المصنعية منها صوت وانت تمشي كن الموتر هايلكس او ولد عمه ومشكله بالفرامل والانوار ومع ذلك رضيت بهذا النصيب الذي لايرغبه اي شخص ومع ذلك كنت اتابع في الصيانه التي في طريق خريص الى ان مشيت 120000 تقريباً مع العلم بأن السيارة لايوجد بها اي شي يجعل الوكالة تأخذا مبالغ مره 500 ريال ومره 300 وعلى ذا الحال حتى كانت الطامه الكبر( طبعاً)انا ماشي على التشيك هذا عشان خوفي من ان يحصل اي شي للمكينه او القير .
حصل ماخفت منه والقير جاب العيد وعند مراجعة الصيانه بداء التجارب على السياره كنها فار تجارب والمهدسين يقولون انهم مايعرفون المشكلة الي في السيارة ويقولون احنى ماعرفنا وش الخراب ولا حتى السبب لكن فيه حل قلت هات وش الحل قال توضيب القير والله انا ما اعجبني الكلام قلت كم يكلف قالو من التسعة وفوق حسبي الله عليهم طبعاً انا قلت لا وقلت ابي مدير الصيانة وليت مارحت له قام يتكلم باسلوب استهزاء وسخريه وكان الاسلوب يقهر ليت مارحت له وقال المدير هذا نفس كلام الصيانه وانا اتصلت على الشركة في جدة ابي اشوف الفايدة حقت المواضبه على التشييك واهتمامي في الصيانه وللاسف مثل مدير الصيانه الموجود في فرع خريص بمدينة الرياض الكلاممممم طويل وكلة يقهر مايخافون الله حسبي الله ونعم الوكيل فيهم انا اخر شي قمت بهذا العمل واتمنى من اي شخص لدية نفس المشكل هذي في سيارة هواند يتواصل معي على هذا الايميل Nayoufy@hotmail.com لاني والله ماراح اسكت والسبب ان الشي هذا ماله غير تفسير واحد وهو ان المشكلة هذي ( عيب مصنعي ) وهذا التفسير دليله ان المهندس يقول والله انا مادري وش في القير ولا اعرف السبب . طبعاً انا متأكد فيه غيري عنده نفس المشكلة ارجوكم ياشباب خلونا نوقف هذا الاستهتار بالناس واستغلالهم والاستهتار.
انا بالنسبة لي والله والله ما اسكت لاني لو ما اخذت حقي من الشركة راح اخذ حقي من مدير الصيانة بايصال كل ماحدث معي في الصيانة الى المركز الرئيسي بدبي اواليابان لاني راح اتواصل مع اليابان بكتابة شكوى وارسلها بالايميل باللغة الانجليزية وانا او هم ..
ارجوكم انشر على من تعرف لعلها تصل لمسؤل من الشركة أو الى صاحب الحلال(محمد هاشم) اتوقع لو عرف بالموضوع والتلاعب الي حاصل ماسكت لكن للاسف مسافر وعجزت اوصل له .هذي بختصار والمعذر على الاطاله المدة في مراجعة الصيانه 3شهور تقريباً
منتدى حبايب هواند تكفون ابي فزعتكم معي وابي اقتراحاتكم
ردوووووووووود ساخننننننننه
بسم الله الرحمن الرحيم
أخي الكريم أرجو أن تشرح جميع الأمور الناقصة (الحلقة المفقودة)! أنت بكلامك تظهر وكأنما سيارتك لاتزال جديدة وأن المشكلة غير متوقعة! بينما أنت مشيت بها 120000 يعني لو كان مشيك بالمتوسط سنوياً 30000 فأنت استخدمتها أربعة سنوات! يعني أول نقطة السيارة مو جديدة.
(الحلقة المفقودة ) مافهمت وش تقصد يالغاااااالي.
الشي الثاني انا ادري ان السيارة موووو جديدة واسمحلي اوجه لك سؤال لو فرضنا ان السيارة جديدة انا وش حاجتي بالصيانة بمعنى انا اول ما اشتري السيارة ليش اروح التشييك وادفع مبلغ وقدرة والسيارة جديدة الجواب اذا ما كان يخطر على بالك فهو عشان لو حصل عطل في احد محركات السيارة لاقدر الله يتحملون الصيانة وخاصة اذا كان بدون سبب مني او من استخدامي .
((ثانياً قلت في موضوعك أن الأكورد 2006 كلها مشاكل وعيوب مصنعية وهذا الكلام (مغلوط)! لأن الأكورد 2006 أقل بكثير مشاكلها من غيرها،))
الجواب
لوتسمح لي انا احترمك قبل ان احترم رايك ورايك هذا على العين والراس بس عندي طلب انت ارجع اقرا الكلمات الذي كتبتها في الفقرة السابقة ولكي اوضح لك الكلام متناقض انت تقول كلامي
غلط وبعدين تقول ان العيوب اقل من غيرها يا اخي وعزيزي انا وغيري من الاشخاص ليش نتحمل اخطاء غيرنا مع العلم ان من حق اي شخص يدفع مبلغ وقدره على اساس امتلاك سيارة من حقه ان لايتحمل اخطاء غيره مهما قل هذا الخطاء او كبر انا وغيري من الناس لو ان هذي الشركة المحترمه تكرمت باعطاء السيارة هديه
لي ولغير ففي هذه اللحظه اكون انسان وقح لو طالبت باي شي سوا كان عيب في التصنيع او غير ذلك.اما بالعيوب المصنعيه فهي على سبيل المثال 1_ لي الدركسون 2_ الفرامل 3_ صوت الهواء عند المشي بسبب الجلب 4_ صوت الطرب الذي يخرج من المكيف وهو طوووووووط.لا بعد ازيدك من الشعر بيت الشخص الهاوي بقتنا هوندا علية البعد عن السته سرندل لان القير هنا انواع الخراب بشهادة الكثير وغيرررررهاااكثير وحتى لو مافيه غيرها فهذا الشي لايرضاه اي عميل .
( مشكلة الفرامل أنا معك بها، وربما مشاكل بسيطة جداً أخرى.)
الجواب
دقق في كلامك ارجووووك لاتناقض نفسك ولاتزعل من كلامي
أما بشأن القير سأكون واقعياً معك، أنا أعرف أحد مدراء الصيانة في هوندا،
الجواب
(((لاتعليق))) والسبب هو توقعي انك احد الاشخاص الممثلين للشركة وهذا الشي اتمنى انه صحيح تدري ليش لاني اتمنى ان نصل لحل يرضي الجميع واذا لم يكن التوقع صحيح فانا اعتذر عن توقعي الخاطئ ومع ذلك قل لي من تعرف لاني اريد ان يناقشني في المشكلة التي اعاني منها والسبب راجع لهم.
والحقيقة أن خراب القير بالأكورد 2003-2007 إلى الآن لم يصنف كعيب مصنعي وعدد المتضررين قليل جداً (أو من يلجؤون للوكالة)، بينما القير في الموديل القديم 98-2002 يكاد يصنف كعيب مصنعي، بالمقابل كم عدد ملاك هوندا الذين لم يتضرروا أبداً من القير!
(كلام جميل جدا)ً (((والحقيقة أن خراب القير بالأكورد 2003-2007 إلى الآن لم يصنف كعيب)))
الجوووووواب
عزيزي انا احد المتضررين من هذا الشي فماذا اسميه هل يليق ان اسمية دعابة من شركة هوندا او مزحه منهم وبعدين تقول الى الان لم يصنف كعيب احب ان اوجه هذا السؤال من هو الشخص الذي يصنف وصل الشي هذا الى مرحله العيب وعلى اي اساس يتم التصنيف اعتقد ان التصنيف راح يكون وصل لمرحلة العيب اذا صار مديل 2020م وعسى بعد ارجوك استحمل هذا الكلام وانا مستعد ومتقبل ردودك حتى لو كانت ضدي.
النقطة الأهم أن ضمان سيارتك 60000 فقط وأنت ماشي ضعف المسافة ومن أخبرك أن ضمان القير مدى الحياة فكلامه خطأ 100%!! وإلا كان كل ملاك السيارات في العالم صلحوا سياراتهم على الضمان!، مدى الحياة لو كان عيب مصنعي فقط، كما حصل بالكابرس بفترة معينة (أظن ببداية الشكل الجديد).
الجواب
انا ماقلت مدى الحياة وارجع الى القصة وتمعن فيها فانا لم اقل هذا الكلام . تصدق بعد ان الضمان ماقل لي ان القير راح يخرب بعد انتها الضمان عشان اروح ابيعها قبل الانتهاء.
ارجوك لاتمثل عن سيارات اخرى غير هوندا لا تنسى الامثله على سيارة هوندا كثيره وماله داعي تروح تشرح عن كابرس ..
النقطه المهمه المهندس بكل براءه واستغراب يقول لا اعلم ما المشكلة ولا السبب الذي يجعل القير بهذا الشكل لا ومن زين التعامل قاعد يجرب كل مره يطلع بتجربه ويقول يمكن نغير كذا ونشوف ممكن
يكون سبب المشكله لا بعد يقول جرب الموتراسبوع وارجع لي اذا ماراحت المشكلة ويوم رجعت قال اجل احتمال يكون كذا ويقول المره هذي جرب الموتر شهر وبعدها يوم رجعت يقول والله انا ماعرف ويقول مالك الا التوضيب بالله انا داخل على شركة لها اسمها المعتبر او ورشه بالصناعية اصحى معي ارجوك حاول تفسر لي وش يعني هذا الكلام من المهندس ؟؟
الآن سنأتي للأهم كيف قيادتك للسيارة،؟
الجواب
والله انا محافظ على السيارة اكثرمن نفسي وانا حلفت لك وماني ملزوم باني احلف سيارتي ما عمري اعطيتها واحد يسوقها لا لا انا حتى لم اعطيها احد يشغلها وهذا الكلام ترا بدون مبالغه وربي شاهد على كلامي ماعدا بالوكالة وهذا غصب عني ؟؟ انا محافظ على السيارة لا وبعد كل شي يتم تغيره من قطع الغير الخاص بالوكالة اصلي ومن عندهم تصدق حتى المساحات مرتين غيرتها عندهم والزيت دايم عندهم ياخي وش تبي اكثر من كذا محافظة
لي صديق كل كم يوم يقاوم مع واحد خرب عليه القير على الـ70000!،
تم الاجابة في الفقر السابقة
أيضاً سمعت عن شخص تجاوز الـ60000 مباشرة وانضرب القير فعرضوا بالوكالة أن يصلحوه على الضمان، وبعد أن فتح القير بوكس وجدوا به رمل!! يعني الرجال كان يطعس فا!! رفضوا الإصلاح بالطبع!
الجواب
تصدق انا جالس اقرأ التعليق فقره فقره وبعد الوصول لهذا المقطع تصدق تبسمت سبحان الله مايخرب الا القير ياخي العزيز بلاش مدح في شركة ماهي محل المدح وبعدين هذا الشخص فلوسه حلال وانا حرام ليش مايفتحون القير واذا السبب مني انا مستعد ولكن بعد ان يثبتوا لي ان العطل مني .
راح اكمل الرد في رساله الثانية