خريطة تركيب سير هوندا سيفيك 2006

السلام عليكم ورحمة الله وبركاته

بدون مقدمات وذلك لأني لاأتقن كتابتها

إشتريت سير هوندا سيفيك 2006 أصلي من محل قطع غيار موثوق فيه بس المشكلة إنه ماجاء معاه خريطة طريقة التركيب وكل مارحت ورشة قالوا مانعرف نركبه بدون خريطة
والمصيبة إني في الطائف وماعندنا وكالة هوندا علشان تغيره لي أو تبيع لي السير بالخريطة
الأصلية فياليت اللي يقدر يدبرها لي مايبخل عليه

ولكم مني جزيل الشكر والتقدير

موضوع آخر متعلق بنفس الموضوع
اليوم رحت لورشة وقالي بيغير السير بدون خريطة ويوم فك السير القديم لاحظ إن السير الجديد أطول من السير القديم وتوقعت إن السير اللي إشتريته حق أكورد وبنفس اللحظة دقيت على قطع غيار عبدالله هاشم وقالي إن السير القديم اللي فكه الفني حق بلده عشان كذا يجي قصير والسير الجديد اللي معايه أصلي حق هوندا سيفيك 2006 ولكن ماراح يقدر الفني يركبه بدون الخريطة اللي تجي مع السير الاصلي من قطع غيار عبدالله هاشم وعلمت الفني بالكلام هذا وقالي مستحيل يركبه وهو أطول من القديم ورحت نزلت مكة عند عبدالله هاشم وأعطاني نفس السير الجديد اللي عندي وقالي إن الفني مايقدر يركبه بدون الخريطة اللي تجي مع السير الاصلي وحاولت إنه يعطيني الخريطة وقالي ما أقدر أفك الكيس وأصورها لك
(أنا أسألكم ياأهل الخبرة هل فيه أحد قد صادفته المشكلة هذي وهل فعلاً إن السير اللي يجي من البلد أقصر من السير اللي يشترى من السوق)وإلا إن السيفيك حقتي أمريكي لأني دورت في كل محلات قطع الغيار سير زي حقي القديم وما حصلت ؟؟

صباح الخير عزيزي،،،

بما ان السير القديم مازال حول المكينة حاول تحدد الوضع الصحيح اللي راكب فيه السير القديم،، وارسمة في ورقة،،،

بعد ذلك قم بازالة السير القديم بس لازم تضغط على شداد السير لازالة القديم وتركيب الجديد بعد بنفس الطريقة،،

بس اعتقد راح تواجة صعوبة في تركيب السير لان مساحة كبوت السيفيك ضيقة،،


وبالتوفيق،،

وبفيدوك بقية الاعضاء

تقبل مروري:)

هذه الخريطة إذا كانت تهمك :d لكن صدقني ماراح تفهمها!.

http://www.corsportusa.com/store/cat...tbelt01civ.jpg


انا عن نفسي غيرت السير بدون خريطة ولا يحزنون, هو المفترض يكون فيه خريطة مسار السير لكن لو اتبعت السير وطريقة إتجاهه بالمسار راح تعرف بدون خريطة لأن فيه جهة خشنه وجهه نعامه وراح تعرف وين كل منها راح يروح له!..


كل إلي تحتاجه هو مفك طويل عشان ترخي احد البكرات ويطلع معك السير بدون فك اي مسمار انتبه لهذه النقطة..

البكره الخشنه السير يمر من فوقها والبكره الناعمه يمر السير من تحتها هاذي طريقة التركيب