عرض للطباعة
السلام عليكم ورحمه الله وبركاته
انا رحت عند جيوشلد وسويت عندهم عازل حراري للقزاز مع حمايه للشمعات والكشافات والمرايا والشغل ماشاء الله ممتاز والتعامل انضا كذلك
بس ابي رايكم في عازل الضجيج الي يسوونه شركه جيوشلد هل احد منكم جربه واللي جربه ياريت يعلمنا مميزاته وعيوبه لان الشغل فيه فك مراتب والواحد صرحه يخاف على سياره من التركيب بعد كذا ممكن يكون فيه اصوات او مشكله في كهرب المراتب او غيره من المشاكل
ياليت احد يفيدنا من اللي جربوا العازل
ودمتم
يا شباب هل عازل الضجيج ... يخفف ازعاج العزل الارضي للأكورد ..؟؟؟
وهل يأثر على كهرب او مسامير السيارة وتبدا تتهرقل ؟؟؟؟
هل لو ادبل عازل الضجيج هل راح الاقي فرق ؟؟؟
وشكرا لكم
اخوي انا من الناس اللي ركبوا عازل الضجيج في جيوشلد وبكل صراحة ولا عليا من احد لم احس بأي تغير في الصوت :protest: واي احد يبقى يجرب سيارتة بسيارتي التي تم تركيب عازل الضجيج انا مستعد يواعدني وانا اقابلة بالشرقية , علماً ان هناك كيبل مقعد السائق الاتوماتيك المكبس لواير تحريك المقعد تم كسرة عند فك الكراسي ولم الاحظ ذلك الا من فترة قصيرة , وهناك ايضا الكنبة للمقعد الخلفي للسيارة تم تكسير الكلبسات التي تثبت المقعد وانا صادق بكلامي وسيارتي 2011 ,بصراحة انا لم اوفق معاهم , علماً ان اتفاق تركيب (عاززل ضجيج + حماية للواجه + تظليل )اتضح لي ان حماية الواجه تم ارسال السيارة مع بنغالي الى احد الشركات المتعاملة معها :confused: وتم ارسال سيارتي اليها ولم تتم الموافقة من قبلي ,, بالتوفق
جيوشيلد شركة فاشلة ونصابه وكثيرين يشتكون منهم بمنتدى تويوتا
ماراح تستفيد اي شي اذا سويته
ههههههههههههههههههههههههههههههه هذولي يحطونه بالارضية ويقولون 80 ... ويقارنونه بــ بالمرسديس والبي ام ...
الالمان يلغمون ام السيارة عوازل + قوة وصلابة ومتانة الحديد والزجاج والتصميم هي ما تزيد العزل الارضي ولا يهون الكفر
لا قينا جلوشيلد بكرة بيطلعون عازل هواء بلاستيك تلفه به السيارة كاملة ويعزل عن الهواء
انا الصراحه ما انصحك أبدا اتوقع مب فارق. ولو فرق بيكون الفرق بسيط ما يسوى تخاطر وتفك المراتب والأرضية وخصوصا لو كانت مراتبك كهربائيه هذا رأيي :)
انا مركبه عن قوشيلد و ولا شي تغير
بس خسارة فلوس
ركبته عند جيوشيلد
الفوائد
1-فرش الارضيه تعفط ولارجع مثل ماكان
2-عزل 0% ولم يختلف شي
3-رمية 400 ريال في النار
الناتج/انزرفت وانا مستانس :d
النصيحه/لاتسوي عزل ارضيه نهائي
اقتباس:
المشاركة الأصلية كتبت بواسطة خلووود1233
انا دفعوني 500 ريال النصابين
تحياتي للجميع
اضم صوتي للاخوان انا ركبته وما فيه اي فرق كلامهم غير والواقع شي ثاني لا تقط افلوسك على شي سرااااااب
تم تركيب عاااااااااااازل الارضيه مثل مايقولون..
وبصراحه ما استفدت منه الا ان الغبار مايمسك بالسياره وتقدر تنظفها بسهوله..
اما عازل للصوت ومدري وشششو هذي اقولها لكـ خيطي بيطي لاعزل ولاهم يحزنون..
عازل الارضية :: هو البلاستيك الي يركبونه تحت المراتب عشان الفرشات لا تتوصخ ولسهولة تنظيفها ...
عازل الضجيج او عازل الصوت :: هو الياف تركيب تحت الفرشة عشان تقلل من ازعاج الطريق وتعزل جزء من الصوت ...
انا اشوف تركيب كفرات مناسبة ولينة افضل من تركيب عازل الضجيج لان فيه فك وتركيب المراتب وقد لا ترا نتائج مرضية