عرض للطباعة
السلام عليكم اخواني
الموضوع ومافيه اني عرضت سيارتي اكورد 2009 فل جلد ماشاء الله تبارك الله خاليه من الرش والسمكرة والحكات
لون لولي ابيض ماشيه 53 الف مركب لها شاشه مكلفتني 4000 ريال
المهم سيمت ب73,500 الف
هل هذا السعر طيب يعني ابيع واتوكل على الله لأني ابي سياره دفع رباعي كبيره ولا ممكن تجيب اكثر
شاكر لكم
وعليكم السلام
ممتاز السعر
بس لو انك بايعها بدون الشاشه كان افضل !
يسلمو ميشو
صراحه كل شي ركبته على السياره من شاشه واصطبات ليد وزنون كلها بخليها في السياره
وبعطيه شاشة بلدها واصطبات بلدها مع البيعه
انا اشوف لو تفك كل شي ركبته وتركب قطع الوكالة وتبيع قطعك بتطلع انت الكسبان صدقني
ممتاز الله يوفقك
بس زي ماقالو الاخوان فك الشاشة وبيعها لحالها تكسب زيادة افضل لك
طلع الشاشة والاكسسوارات حقك
والا احسبها مع البيعة لانها ماجت عليها من الوكالة
والله يوفقك
السعر قليل انا محصلها على 81 الف الاسبوع اللي راح ...
واشتريت بسعر غالي اذا تب نصيحتي اصبر عليها وراح تجيب لك .
وعليكم السلام
الأسعار من قبل أسبوع تقريبا وإلى الأن مرتفعه بالحراج وخاصه الياباني تجيب لك أكثر
اخوي بتجيب لك اكثر بالرررررراحة
صدقني بتجيب لك حول ال80 اصبر بس
الأولات الروابح بيع وتوكل على الله ...
اصبر عليها شوي
ومن رائي ان تفك الاكسسورات مو عشان السعر وبس بعد فيه ناس تحب السيارة شد بلدها >> انا واحد منهم
بالتوفيق والله يكتب لكـ الي فيه الخير
ترى لو خليت السيارة بوكالتها تجيب لك اكثر ان شاء الله
في أبها لقيت أكورد 2008 وطالب فيها 73 الف وجابت له 69 ألف
وماشيه 200 ألف تقريبآ
يعني لو فكيت الاصطبات والشاشة راح تبيعها بـ حول 80 ألف -ان شاء الله- وانت مغمض
السعر قليل نسبيا 2009 حقها شي و 75,500 والهوندا معروفه تمسك سعرها خاصتا اذا كانت نظيفة ولعلمك السيدان مرغوبه مو زي الكوبيه اذا حقتك كانت كوبيه صح تسوى ال70 الف , وبالنسبة للاشياء الي مركبها زي ما قالو الشباب فكها وبيعها قطاعي أحسلك تجبلك قيمة غير حقت السيارة , والله يشفلك الي فيه الخير
تقبل مروري .....
الله يعطيكم العافيه
فعلآ جاني واحد ودفع 75 الف بس انا ماني متأكد من صدقه لكن لاحظت انه في ناس زادت على السومه
وهذا ألي حيرني وحسيت انه السياره راح تجيب اكثر بأذن الله
لو تفك الشاشه والأغراض حق الوكاله وتبيعهم
طيب شوف انت حطلها سعر فرضنا 75 أو 76 وجاك واحد وقلك لا انا ابغاها باقل من كذا قلو عادي افك الشاشه والاسطبات وأرجعلك حقت الوكالة إش قلت إذا قلك لا , قلو خلاص خذها بقيمتها أنا صارف عالسياره
وان شاالله اكون افدتك .....
خليها مثل ماطلعتها من الوكاله
عشان الناس اللي بيشترون يبغونها شد بلدها
لأن مثل ماتعرف مبلغ 73 أو 75 الف
مبلغ مو شويا
والله يوفقك
ما شاء الله الاخوان ما قصروا معك ابد
بس احب ازيد عليهم حاجة وهي لاتنسى انك تستخير قبل البيعة والله يكتب اللي فيه الخير لك
قالو لك الشباب رجعها شد بلدها و انا واحد من معارفي معه اكورد فل 2009 زيك ماشيه 80الف مسيومه ب 82 الف ريال ما عدل عليها شد بلدها