منبة سرعة 120 !!!

السلام عليكم يالربع ،، عساكم بخير

بصراحة تراني طفشت من صوت منبة سرعة 120//
انا سيارتي سيفيك 2006

بس موديل 2008 وطالع تغير نظام صوت المنبة الي وميض 120

يالربع

شي طريقة او حل اقدر اغير المنبة الى وميض 120 نفس موديل 2008-09

ومشكورين:rolleyes:

والله أخوي ما أعتفد أن فيه طريقه تخلي منبه السرعه بدون صوت

وصدقت أخوي
أنا عندي سيفيك 2008 ولمن أعدي 120 ما شاء الله ما يطلع صوت

بس أن شاء الله الأعضاء راح يفيدوك

فك الطبلون وشيل المنبه والا حط عليه صمغ عشان ما تسمع له حس

اااااااااه .. كم افتقدناك ياصوت منبه السرعه .. لقد آلمنــــي فرااااااقك
وكم أشتاااااااااااااق لسماعك .. لقد كنت دائما ماتنبهني على ضبط نفسي .. ودائما ماتوبخني
عند تجاوزي للسرعه المحدده .. لقد كنت حريصا جدا علـــي وتتمنى ان لايصيبني مكروه
دائما ماكنت تذكرني بأن هنالك من ينتظرون عودتي بفارغ الصبر .. لقد تعمدوا ازالتك عن مركبتي الجديده
ولكنهم لن ولن يستطيعوا ازالتك عن فكري ومخيلتي .. شكرا لكل ماقدمته لي وتأكد بأن صوتك الشجي والذي كان لايكل
ولا يمل عن نصحي لم يذهب عمله سدى ولم يذهب صداه أدراج الرياح .. بل سأتذكره كلما ربطت حزام الأمان

صديقك المخلص - الســـائق الوقائي :)

والله في حل بس مكلف اشتري طبلون 2008 وريح راسك ...

^^^^

السالفه مو سالفة طبلون

برمجة الكمبيوتر غير

:)

ماابي اتفلسف لاني ماعرف في السيفيك

لكن ممكن تروح اقرب تشليح من منطقتك وتجرب عنده طبلون جديد

ملاحظه (اذا الكمبيوتر نفسه ولا يختلف من 06 عن 08 فــ ان شاء الله انه يركب)

تحياتي

lambo ياشيخ وربي انك قدوه كل الشكر لك على ما سطرت اناملك من درر ذهبيه اتمنى لك التوفيق اخوي ولو فيه عدد للشكر بشكرك 10000000000000000 مره
اخوك اكووورد مجنونه

السلام عليكم اخواني الأعزاء
انا عندي هوندا سيفك 2007 يعني ماتفرق شي عن 2006
بالسبه الى الأخ اللي منزعج من الصوت انت تبي تلغيه او تبي تعمل الشياره مثل موديل 2009
ادا تبي تلغي الصوت شوف تحت الدركسون راح تلاقي واير اسود هدا موصل الى جهاز الأندار الداخلي بمجرد نك تفصله الصوت راح ينلغي وعلى فكره ادا فصلت السلك ونسيت الأنوار شغاله ماراح يطلع لك صوت تنبيه
واي استفسار انا جاهز

وبالتوفيق

وين مكان الواير الاسود اخوي سر البحار لاني مالقيت اي شي تحت الدركسون
ومشكووووور

ياشباب قطع الاسلاك بدون سابق خبره ممكن تضر بسيارتك بدون ماتدري

الافضل عرض السياره على مختصين بهذي الامور

:)

وأفضــل الأفضلين هو تركـ المنبه يرن .. لاتقطيع ولا مختــصين ولاغيره
البــعض منا ماخذ مقلب بالفنيين اللي بشارع الزينه .. اقطع يدي اذا ماكانوا عليميه
وبدون شهـــادات .. كل شيء الا انظمه الــسلامه فهي خطوط حمراء لا يعبث بها بتاتا البته
:)