السلام عليكم
طبعا حبيت اشارككم بمشكله حصلت لي وتم حلها
ليستفيد منها الاخوان في المنتدي
http://t3.gstatic.com/images?q=tbn:A...P6W2hxSsJ_9vC2
طبعا ياأخوان
انا ارتفعت على حراره السياره ولكن مو مع المشي
فقط في فتره الانتظار أو الزحمه توصل فوق النص وأعلى درجه ارتفعت فيها وصلت لثلاث ارباع وكل هذا والمراوح ماشتغلت
تشتغل اذا دعست بنزين شوي وعديت الضغط على 2.5
انا طبعا شكيت بقلب المروحه أو حساس تشغيل المراوح واستبعدت اللديتر واللي فيه كله
لاني اشوف القربه الصغيره فيها موويه ومليانه ( وهذي كل المصاااااايب منها ) وهي القربه اللي بالجهه اليمين وممدود منها غطا الديتر
قررت اقتلع جذور المشكله لانها ضايقتني مع الانتظار علطول ارتفاع في الحراره ومع المشي طبيعيه
حتا قطعت فيها اكثر من 15000 كم وفيها نفس المشكله
طبعا وديتها كهرباائي ممتاز كشف على المراوح والحساسات كلها سليمه
وطلع الخلل ميكانيكي
اما من اللديتر او بلف الحراره
ووديتها ميكانيكي
وشرحت المشكله
وطلب بلف حراره وسعره بالوكاله 215 ريال
وحساس تشغيل مراوح لديتر ( طبعا لازم طلبيه من دبي يجي بعد 3 اسابيع )
والحمد لله صلحت السياره بدوون هذي القطع
كل البلااااا والمشاااااكل من القربه الصغيره
اللي الداخلي طاح داخل القربه
وطبعا لما يحتاج الديتر سحب مويه كان القربه فاضيه لان اللي طايح بالداااخل
وطبعا الزااايد يطلع برااا
حتا نقص موية الديتر اكثر من علبه ونص من علب الموية المقطره
وهنا المشكله
ان سبب ارتفاع الحراره هو نقص موية الديتر
وعبيت علبه ونص والحمد لله أول ماوصلت الحراره نص اشتغلت المراوح طبيعي
وسبب عملها انه مافي مويه تلمس الحساس كانت مرره قليله وماتكفي للقراءه الصحيحه وتشغيل المراروح وطبعا اللي الصغير ثبته بالقربه عشان مايسوي هالحركه مررره ثانية
والحمد لله على نهاية المشكله
طبعا انا خفت ان يكون راس المكينه تضرر اثر الارتفاعات المتعدده لدرجه الحراره
وشغلت السياره وخليتها فتره
وفتحت غطاء الديتر وانتطرت شوي والحمد لله لم تظهر فقاعات على فتحه غطا ءاللديتر
و الحمد لله الان كل شي يعمل والمراوح تعمل على اكمل وجه
عااارف اني طولت بالكلام
بس حبيت اسرد التفاصيل لعل من يقرأيستفيد
