تكفون يا أهل الخبره ... افزعولي

السلام عليكم ورحمة الله وبركاته ...


خلونا ندخل بالموضوع على طول وبدون فلسفه ..


الموضوع ومافيه .. اني لاحظت عداد البنزين مرات يزيد من نفسه ومرات ينقص لدرجه ان في مره من المرات كان البنزين تحت النص وفجأه وصل لل E مباشره من غير استئذان:d ..

وولعت اللمبه وعلى طول رحت عبيت بنزين .. أنا لما جيت أعبي طفيت السياره من باب السلامه .. <<-- صاير موظف في أرامكو:d .. وقلت أكيد لما أشغل راح تطفى اللمبه وتفاجأت أن اللمبه ماطفت وان العداد ما تحرك .. مشيت وبعد كم دقيقه كذا بدا يتحرك ببطئ الى أن وصل الى حده الطبيعي .. ومو أول مره تصير لي صارت لي غيره لكن هذي جامده ... حتى صرت أخاف ان السياره مافيها بنزين والعداد يكذب .. وللعلم ان المشكله صارت لي هنا في أبها .. فأنا قلت في البدايه يمكن علشان وضع السياره مرات تكون طالعه جبل ومرات نازله ومرات مايله فقلت يمكن البنزين يتحرك في التانكي فما يقيس العداد مضبوط لكن الدعوه باخت ..:d وصار النقص والزياده جامده ...:(

قلت خلوني أسأل الشباب قبل لا أوديها الوكاله ان شاء الله تكون سلامات ..

وأعذروني على الأطاله:o

انا صراحه ما ادري وش السبب

لاكن قد صارت لي الحركه هذي يوم كان معي كريسيدا

هع هع

وان شاء الله يفيدونك الشباب

المشكله في طرمبة البنزين يبيلها تغير

ويمكن العوامة خربانة

بصراحه نفس المشكله لكن مااعتقد انها مشكله اذا هي تنحل بمجرد دقايق

مااطفي اذا عبيت البانزين ويرتفع بعد شوي مسافه ( هنود حنا ههههههه اما بعد شوي مسافه حلفت مااغيرها )

اتوقع الحرارة لها دور واغلب السيارات توجه هالمشكلة لكن ماشافو خلاف

اذا تبي تسمع شوري براحتك واذا تبي تسمع راي الاخوان فهم براحتك

على فكرة انا 2006

وعموماًَ متابع لو جد جديد

اتوقع من العوامه او من الامبير .. و الاقرب انه من العوامه

رح للوكاله و ان شاء الله بيصلحونها على الضمان

انا لله وان اليه راجعون ..

مالي الا الصبر أسبوعين واذا رجعت الشرقيه ان شاء الله أروح الوكاله ..

السلام عليكم ....
اخي الكريم امتلك سيفيك موديل 2002 و اعاني من نفس المشكلة ....و كأنك تتحدث عن سيارتي ولكن سألت الوكالة وأجابوا 90% من المشكلة منو طلمبة البنزين....
ارجو اذا توصلت للسبب ان تخبرني...
تحياتي.

والله ياخوي وليد أنا حاليا مسافر وبرجع ان شاء الله نهاية الأسبوع الجاي .. فأول ماأوصل راح أروح الوكاله وأرد لكم خبر بأذن الله ,,