تجربتي لمشكله في الأكورد 2011

السلام عليكم
كل عام وانتم بخير
حصلت عندي مشكله بسيارتي الاكورد 2011 وحبيت انقل لكم الفايده
شغلت السياره شوي ولعت لمبة البطاريه 😂😂 المهم مشيت بالسياره وبنص الطريق ولعت لمبه مانع الانزلاق وغيرها لمبات بالطبلون ولعت وصارت الامبيرات تلعب طالعه نازله وشوي السياره تطفي وتشتغل من حالها وانا بالطريق واول محطه اوق فيها وانادي الكهربائي ونفك الكبوت وشوي وتطفي واشغل ولا مادق سلف سوينالها اشتراك واشتغلت بس نفس المشكله قالي ابو يمن هاذا الدينمو شكله المهم وقفتها ع جمب ودقيت على واحد من الشباب وقالي في كهربائي متنقل ويجيك لحدك طبعا في جده الكلا ذا دقيت عليه وجاني بعد ساعه وانا اكلمه بالجوال قبل لايكشف على السياره قلتله على المشكله وقالي انا معي هوندا 2007 وصارت معي نفس مشكلتك هاذا الدينمو 😂😂😂
المهم رحت لقطع الغيار بني مالك السعر الدينمو قالولي الاصلي ب 2800 😡😡😡 المهم قالي الي بقطع الغيار في رقم تشليح اخذته منه ودقيت وكلمني وقال فيه دينمو مستعمل اصلي ب650 ريال ورحت لتشليح وفكه لي من سياره مصدومه واخذته ودقيت ع الكهربائي وركبه لي وذحين الحمدلله السياره زي الفل 😇
ادري طولت عليكم بس حبيت انقلكم تجربتي وتستفيدو منها لو احد منكم حصلت له ذي المشكله
وتقبلو فائق احترامي وتقديري اخوكم نايف الجهني
ولو احد فيكم يبغى رقم الكهربائي يرسلي خاص طبعا الرجل بجده وماعنده ورشه بس حلاته يجيك لحد سيارتك وسعره حلو