مارحت التجمع +سيارتي تضررت من حادث كان راح يصير+بغيت اتهاوش+عوائـل ..

السلام عليكم ورحمة اللـه

كيف الحال ؟

الحمدلله على كل حال

والحمدلله إنها جت على كذا

الزبده بقول لكم سالفـه وابيكم تنصفونـي فيهـا ...

طبعااا شاء القدر ولله الحمد

إني وانا رايح التجمـع إلي ماحضرتـه

لأن الأخ سيف ما يرد على جوالـه

طبعااا انا طلعت بعد العشاء تقريبا من الجبيل

وابي الحق على الشباب

الحمدلله وصلت إلى العزيزيـه ...

على خط العزيزيـه عند مقهـى اوليـه ..

طلع علي جيـب من اليمين إلى اليسار

وانا ماشي تقريبـا 120 إلى 110

انا بصراحه ما انتبـهـت إلا الجيب قدامي صار باليسار يبي يرجع فوق تحـت

إلي صار

إني لفيت الأكورد يساار

بأقوى قوة في الدنيـا

طبعا يوم جيت ارجعها يسـار

مالك امل ياحبيبـي

وزحفت فيني زحفـه إنمـا إيـه

الغريب في الأمر إني تشهـد

المهم مشت السياره يمكن حدود300 متر

وطلعت على اليمين فوق زي التلـه زي الردميـه زي الهضبـه

<<<<خلاص وصلت المعلومـه

إلي صار يا اخوانـي

كل السيارات وقفـت

انا الحمدلله نزلت من السياره

السياره ماجاها شي بالبدي إلا شق بمقدار 50 سم في الرفرف الخلفي

ماشفتـه إلا بعد ماحركت

لكن متى حركت

انا نزلت ولحقت راعي الجيب برجلي

<<<<سوبر مان على غفلـه

هو ياجماعـه كأنه ماسوا شـي

وكان يبي يكمل يأخذ فوق تحت

نزلت ولحقته قبل ما يروح لأن السيارات الجايـه خلته يوقـف ...

لحقت عليه وقلت له إنزل

وانا معصب مررررره مررررره وقول مررره من هنا لبكره

والحمدلله مامديت يدي عليـه ... قلت له انتظر ابي المرور

قال اقول لك وخر

والناس إلي وقفوا

يقولون عوائـل

طيـب وإذا عوائـل انا شسوي لك

عوائـل

خلاص اوكيـه انا بأخذ جمس ابوي موديل 89 وبأخذ امي معـي واحد الناس بسيارتهم

واقول و الله عوائـل

اقسم بالله العظيم إنقهرت والناس يحسبوني بتهااوش معـه

والمشكلـه هو ينافخ علي

مسوي فيها قدام زوجتـه وعيالـه

لكـن وين بتروح منـي

وعيا يوقف ولا حتى جاء يشوف السياره ولا قال لي سلامآت ولا حتى خفف علي وعلى الفجعـه إلي سبب لي اياهااا

الله يفجعـه يارب في اهلـه يارب

انا مظلوم ومن حقي ادعي عليـه ولا راح اسامحه

لأنه حاول يمد يده علي وهددني بالعقال بطريقـه إني اصغر منـه وماعطاني احترام

وحتى لو كنت انا معصب انا من حقي لكن هو كذا معصب

وإلي غابني اكثـر

الناس والشباب يقولون خله يروح عوائـل

هذا مو منطـق عوائل وما ادري ايش ويسوي كذاا

المهم انا خذيت

رقم اللوحـه

وطلعت الأكورد من التلـه بمساعدة الشباب ...

وبدات المشاكل الحين

بنشر الكفر الأمامي اليسار

السياره صارت تحذف يمين بشكل مو معقول

ولا ادري وش فيها ...

ومن قوة الحذفـه مارجعت الجبيل

إلا والكفر الأيمن ممسوح من الطرف

طبعا بلغت عليه الدوريات وقعد بالعزيزيه إلى 12 الليل

إلى ماجائت الدوريـه لأني تبهذلت شووي

المهم عطوني ورقة اسّعر السياره من المعارض

وانا عطيتهم رقم لوحة السياره واشتكيت عليه

او راح اشتكي عليه رسميا بعد مايجيبونـه عن طريق رقم لوحتـه

ورجعت الجبيل ولا قابلت الشباب ومابغيت اقابلهم للأبد

والحمدلله إنها جت على كذا والشارع لا فيه لمبات ولا رصيف الحمدلله ياارب

ولكن هالشخص والله ما اخليـه

فجعنـي

خوفني

بغى يقلبني

وهو السبب في كل ذا

ولا اعتذر وفوق كذا ينافخ علي

والأدهى و الأمر

اقول له وقف ابي المرور يجي

ويروح يعني هرب

ياشباب إلي ابيـه منكم

وش راح يصير كيف يرجع حقي منـه


وإلي انا سويته صح

والناس إلي قاعدين يقولون عوائل يعني هم ماشافوا إلي صار

وإنه هو طلع علي والسبب في كل ذا

ويقولون عوائل ؟

انا راح اراجع مرور الثقبه يوم السبت ويوم الأحد عشان اعطيهم ورقة التسعيره

ولن تفلت من سهام الليل ياراعي الجيب

والله يوريك يوم اسود يارب


شباب لا احد يقول لي
جت على كذا وخلاص

انا ابي مشورتكم وحبيت اقول لكم إلي صار معي

ـآ‘إلله يعيـنك آخوٍوٍي .. وآ‘لله ياخذ حقك منه

شكلك يا فيصل من الغبنه حطيت الموضوع ثلاث مرات

هونها تهون ياالخوي
بس قل حسبي الله ونعم الوكيل فيه
وتجيه ان شاء الله في الصميم
ربك ما يضيع حق احد
ودعوة المظلوم مستجابه

نظام المرور طالما ما صار بينك وبينه اي احتكاك مالك حق

:d يسمونها انتبه لمفاجأت الطريق :d

الحمد لله على السلامه

الحمدلله ع السلامه ,,

وفي الحديد ولا فيك ...

عارف لو محلك كان فرشته قدام اهله ولا عليا من احد ,,,

لو تنزل حرمته لاافرشها :mad:

والعيال اخطفهم << فين شوفت الفيلم دا :rolleyes:

مرتين صارلي نفس الموقف حقك ,,,

مرره دخل عليا راعي فورد معاه اهله وجا بيطلعني الرصيف ,,

وفوق ذا كله نازل بالعقال:a098: وقاعد يسب ويلعن !!!

لكن في الاخير تركته ,, عشان الناس يقولوا عوائل وعيب عليك !!!

ونفس الشي واحد خال زي الدولاب دخل عليا وصدمني ( ولا كانو صار شي )ونزلتله مشي مع الزحمه وفكيت الباب حق سيارته والا اتفاجئ ان معاه اهله ,,

الحاصل ان كلهم غلطانيين وعينهم قويه ,,,

يمكن مايبغوا يتفشلوا قدام المدام :d

اتخيل ينفرش ويرجع البيت عيونه مزرقه ومحمره :d

فشلـــه ياخي خخخخخخخـ

ايش تتوقع حرمته تقوله خخخخخخخخخـ

اتاريني متزوجه واحد خيخه :rolleyes: وديني بيت اهلي :eek:

والله لو انه اعتذر كان سامحته لكن زي مايقولوا :

شين وقوي عين

لاتسكت عن حقك ابدا ابدا

لاتسكت مررره حقك ,,

وادعي اليوم جمعه ,,

شباب

المرور واقف معـي حتى لو ماصار احتكاك

انا طالبتـه يوقف ويجي المرور

بس رفض وقاعد ينافخ

عندي رقم لوحة سيارته وعطيتها المرور
وقالوا خلاص راح نجيبـه حتى لو ماصار احتكاك لأنك طالبته إنه يوقف ورفض ..


وبالنسبه للموضوع حطيته ثلاث مرات

ما ادري وش فيه كل ما احطه يقول لي خطاء في الصفحه ما دريت إنه إنحط


والله ثم والله ثم والله

انا فاضي إلى 2/10/2010

واللـه لأترصد له لو ما سوا شي المرور وفادني وخذا حقـي منـه


انا مسكت اعصابي ولامديت يدي عليه

لكن خير إن شاء الله

وهذا هي يابنك دريم

لو اعتذر لو حسسني بغلطه لو هداني شووي

لا نزل ينااافخ-يعني إني قدام المدام و بناته -

يارب يارب بذاا الوقت يااارب إني دعيت عليه من قبل فأستجب دعوتي
واحتفظ بالدعوه إلي دعيتها عليه بيني وبين ربي

الحمد لله على السلامه

والقانون لا يحمل المغفلين

وهذا الشخص مغفل وجاهل ومعليك منه ان كان لك حق خذه منه ولا تسامحه ابد
بس اهم شى انك متدعى عليه ولا على عايلته

والحمد الله على السلامه

وتقبل تحياتى

والله اعرف كم واحد

راحت سيارتهم تشاليح

والسبب ماشي بخطه ويطلع واحد يحده

وتروح السياره وإلي حده مايفكر يوقف ولا شي


لا هالمره ماراح اسكت

ياكثر إلي سكت لهم

هنود -سواقين- ناس يحكون السياره (بس يعتذرون)-

انا مره كنت ماشي 150 بالخط اليسار
وطلع لي راعي كامري بغى يقلبني عمدا يحدني
ماطلعت وإضطريت اطلع على الكتف واصدم مرايتـه

وفي الأخير قال للمرور هو ماشي كتف ولاف علي

وصلحت مرايتـه

ما ادري على اي نظام

طبعا كان معه عائلـه وراعي المرور متعاطف معـه

الحمد لله عالسلامه
والله ييسر لك امرك ان شاء الله ...
:rolleyes:

كويس انك مامديت يدك عليه

كان انقلب السحر على الساحر

ولاتبقي مكان لاتروحه روح شرطة وروح مرور

وروح الامارة واشتكي لكل اللي لهم مسؤولية

واللي اعرفه انه اذا ماسار احتكاك معاه مالك شي بحكم اختصاصي

لكن يمكن يحولوكم للشرطة وربك يفرجها

واذا على العائلة ماعليك فيهم انتا ماتقربهم بس

والسواق تتفاهم معاهـ

انا كنت في جدة وواحد دقني وراح الله لا يوفقه وكنت مشغوول جدا وقتها

والحادث سار الظهر وانتظرت لين بعد العشا والحمار لى ماجا

لكن الله لايوفقه ولا يلحقه خير ياااارب بحق اليوم الفضيل هذا

اقتباس:

---

المشاركة الأصلية كتبت بواسطة saken

نظام المرور طالما ما صار بينك وبينه اي احتكاك مالك حق

:d يسمونها انتبه لمفاجأت الطريق :d

---

كلامك سليم 100 %
ترى مع المرور مافيه شي اسمه شكوى
يعني بالعربي مع نفسك يقولولك
ف لاتفتكر صارت لك بس انت الوحيد
انا ياما صارتي مثل هالمشاكل
ف طول بالك يالخوي وكل شي ماراح يروح هدر
لازم يجيه يوم يصر له مثل ماسواه فيك

اولا حمد لله على سلامتك يا اخ فيصل والله اني حاسس بحرقتك اخوي بس ماعليك يبو تعال مكه عندنا وشوف انواع الحد الي على كييفك المشكله صارلي موقف مثلك بس في الخط السريع وكان للاسف معي امي الله يحفظها وزي كذا راعي اكسنت في بزارين ويتعدا من الخط الاصفر والا الله يدقني والحقه والوالده تقولي خلاص وصارت تبكي ودعت عليا الله المستعاان الله لايوفقو ذاك الي رمى عليا المهم بسببو والله ثم والله قكرت اني تاني يوم اروح ابيع السياره واشتريلي جمس حوض واوريهم هذولي الي يحد ومايعتذر ولايسلم حتى اااااااااه على العمووم حبيبي ماصار الا كل خيير روح المرور وشوف وش يصير معك واذا حسيت انو ما عندهم سالفه وهم اكييد كذا طول بالك وطنش ياعم تحيااتي لك

سبحان الله امس صار لي زيك
ماسك الايسر وفي حالي شوي الا راعي بانوراما خش علي يبي يلحق المديور
قسم بالله اني بغيت اطير موتره
والله ستر وخرت عنه بصدفه الحمدلله

شكلك جديد على الاشياء هذي ومن كثر منت معصب زر enterضاغطه كثير
هههههههههههههههههههههههههههههههههههههههههههههه
ياخوي انا مرت عليه هذي الاشياء بالهبل وعاد مره كنت معصب ومع اهلي ويصقط عليه راعي جيب انفنتي وادعس فرامل لدرجة اني وصلت للمكينه<<<<قوووووووووووووية
المهم وانا مو في وعيي رجعت قفلت عليه وسط الشارع ونزلت له قام نزل من سيارته نزلت فيه سب ولعن قدام الناس رجع واحد وقف يقولي استهدي بالله ياخوي قول لا اله الا الله وانا دمي يغلي والرجال من قوة الربشه واقف مكانه وصار يقول بس لا تسب لو سمحت
رجعت سيارتي والوالده قامت تقولي انت مجنون توقف كذا تعرف بعد شوي اش سويت
قعدت اضحك لاني افتكرت منظر الرجال المربوش و متصلب مكانه
ههههههههههههههههههههههههههههههههههههههههههههههه
وبعدها قاعد اقول اش الجنان الي سويته بس صراحه موقف يعصب وفي نفس الوقت يضحك
خذها بصدر رحب تصير كثير اهم شي انت ما صار فيك شي.

اخى الكريم : الحمد لله على السلامه وماتشوف شر , حبيبي لاتترك حقك خذه من عيونه ووالله الذى لا اله الى هو لو سارلى مثل موقفك
لالحقه وانزله من السياره وافقع وجه وجه والعن ابو الطيب فيه , بعد ما اخلص ادور على الى قال عوائل واسحب بوجهه الزفلت الين مايقول عزاب , سلمات واذا عنده عائله اسلم على راسه والله لادوسه هو وعائلته وش التخلف ذا الى يخلى الواحد يتنازل عن حقه مقابل كلمت عوائل , صحيح عندنا ناس في مجتمعنا ودك تمحيهم من الوجود لتفكيرهم السطحى الغبي
تقبلو مرورى منغبن
قال ايش قال عوائل ؟

اقتباس:

---

المشاركة الأصلية كتبت بواسطة حميد

اخى الكريم : الحمد لله على السلامه وماتشوف شر , حبيبي لاتترك حقك خذه من عيونه ووالله الذى لا اله الى هو لو سارلى مثل موقفك
لالحقه وانزله من السياره وافقع وجه وجه والعن ابو الطيب فيه , بعد ما اخلص ادور على الى قال عوائل واسحب بوجهه الزفلت الين مايقول عزاب , سلمات واذا عنده عائله اسلم على راسه والله لادوسه هو وعائلته وش التخلف ذا الى يخلى الواحد يتنازل عن حقه مقابل كلمت عوائل , صحيح عندنا ناس في مجتمعنا ودك تمحيهم من الوجود لتفكيرهم السطحى الغبي
تقبلو مرورى منغبن
قال ايش قال عوائل ؟

---

يا ابو الشباب لا تشعللها نحن نبغى الرجال يروق ويهدي نفسه مدام ما جا شي جامد ديتها وزن اذرعه والحمدلله
شكلك متفرج على فلم اكشن جااااااااااامد
مو كفاية الرجال كسر الكيبورد وهو يكتب الموضوع
روح اشرب عصير ليمون وهدي اعصابك والله يعوضك خير.

ياشباب انا والله اضغظ انتر ولا يطلع لي الموضوع

وحذفت المواضيع إلي كررتهـا

هذا اولا

<<<<تراك قروشت ام ام الجهات الحكوميـه في المملكـه امس لا تقروش المنتدى بعـد:mad:

انا ماراح اخليـه صار في احتكاك وإلا ما صآآآر

يانااس انا والله فاهم كل شي

وإن هذا مقدر ومكتوب

لكن إلي يغبنك اكثر الرجال نزل يناافخ ويرفع صوتـه ويقول لي:-

اقول لك بتمشي وإلا لا وهو ينزل العقال من راسـه

وستين واحد قدامي ويقولون عوائـل

عوائـل والله لا انت ولا عائلتك ولا سيارتك تسوى ظفررجلي الصغيـر مقابل حياتي وروحي إلي بغت تروح ..وسيارتي ..

لكـن انا وراك ورقم لوحتك عندي والله ثم والله لأجيبه ياشباب ..وإذا جاء انا راح اعرف كيف ارجع حقي منـه

مو مسألة فلوس والسياره

السياره هذي هي واقفه عند الباب مافيها شي إلا اشياء تتصلح وانت واقف

بس زحفتي ولو في لمبة لو في جلسة عائله ودخلت فيها خصوصا إن المكان فيه ناس يقعدون ويكشتون

وش كان انا فيه الحيـن ؟

هالأشكال ما راح اخليها تعيش على كيفها

<<<امممممششش يا خويي الوليد بن طلال:d

اقسم بالله لو مكانك يايجلدني يا اجلده يبوي انا مايهمني اذا صدمت اولا اللي يقهرني اللي يجيك غلطان ورافع خشمه وهياط ؟؟

هذا هي

طيب ياخي اوكيـه

افرض انا معصب وزعلان ورافع صوتي

طيب ياخي انت غلطان انت السبب

ليه تنافخ ليه ترفع خشمك


لو مديت يدي

كل شي راح يرجع ضدي

طيب ياخي انزل ابتسم لي قول لي اذكر ربـك ..

عسا سيارتك ماتعورت اهم شي انت مافيك شي

لكن للأسف وربي ناس بدون ذوق ولا حسن تصرف

ودي اوصي خطيب الجمعـه اليوم يتوصى فيه بالدعاوي الزينـه :)

ههههههههههههههه طيب خلنا في المهم وش سويت في سيارتك > بعدين موديل كم هيه ؟؟ >> يرحم امك لاتقولي 2010

^

السياره موديلها 2005 ملمعها وحاط استوب توت على الكفرات :d

<<<<يعني كوشخه يقول لك :p


السياره ماجاهاا اضرار جامده بس الحذفـه مره جامده

تفك الدركسون

تأخذ يمين سلام سلام

ادخلها منعطفات بس افك يدي وهي تقوم بالباقي :p

اتمنـى من الأخوه الدكاتره الميكانيكيييـن التدخل العاجل في هذه الحاله الطارئـه ومراجعه الأمرحتى لا تتفاقم الحاله

اشوووووا بغيت انجلط .. دامها 2005 سآمح الرجال >> بينجلد خخخخخخخخ

والله لو مامعي سياره ما راح اسامحه :d

لو تسامحه لاتعرفني ولا اعرفك >> خويك على غفله هههههههه

المهم شلون تبي تجيبه ترا الشرطه ماوراهم الا الدجه دام سيارتك ماتضررت ولا جاء احتكاك بينكم رآح يقولون لك وبكل بفخر


سقهآ ..