السلام عليكم اجمعين
:)
لي فترة وانا على هالحالة من التفكير الكثييرر
ابي مشورتكم بين اكورد 2009 ماشي 31 الف فيه دقات على الكبوت والكفر ممسوح
اللون اسود
بـ 62 الف
ولا اشتري كرولا 2010 كررررت جديد تحت يدي بـ 58 قير تماتيك واغلب الميزات فيها سيدي ووو الخ :(
وهل الاكورد الي ذكرته تخش في ضمان الوكالة ولا كيف؟؟
اقعنوني ياشباب والله توهقت من جد يعني الاكورد ممكن تخدم اكثر من الكرولا الي بشتريها ؟؟
ايضا اتمنى رابط الموضوع الي يقول طريقة تحويل الاكورد السياحي الى الاسبشل ضروري لاني بحثت عنه مالقيته :(
وش نوع الاكورد ., !!!
ثانيا .,
كيف مااشيه 31 والكفرات ممسوحه .,
شكله رااعي تفحيطـ., !!!
:aa_bye:
و عليكم السلام ورحمة الله وبركاته
والله بصراحة من راي اذا الأكورد سياحي انصحك تاخذ الكوريلا :cool:
أأيد انك تاخذ الكوريلا افضل من الأكورد للأن باين عيلها راعيها مهايطي ( الكفرات ممسوحه و الموتر ماشي 31 الف)
من رأي تاخذ الكوكو اضمن لك لا سيمى انت راح تفكها على ايدك :cool:
اوووووووووووه 2009 و 31 الف وكفرات ممسوحة ؟!!!
وييييييييييييييييييييييييييييين لا وفيه دقات لا لا اصبر شوي ودورلك اكورد ثاني اذا كنت ناوي الاكورد
ولا تستعجل بشراء السيارة اذا مونون بين الكورولا والاكورد فانا ارشحلك الاكورد بس مو حقت هذا شكله راعي تفحيط
خذ الكرورلا وانت مطمئن لانها جديده كرت على قولتك
تاخذ الاكورد فقط اذا كنت تبيها كرت والا مستعمل نظيف مو ماشيه 31 والكفرات ممسحه
تحياتي
اسف انسيت ماقلكم
الاكورد الي قلت لكم عليها اسبشل ومقاعد جلد طبعا اكيد صاحبها مركب عليها مقاعد جلد
انا خايف من كذا ياشباب ان راعيها حق تفحيط الله يستر
^^^^
خلاص ابعد عنهااا
اتوقع تلقى اكورادات 2008ب62
وانظف من هذه بس ممشاها كثيير
انا من رأيي اخذ الكورلا جديده على يدك احسن من تاخذ سياره موضامنها
والله يوفقك ومبروك مقدما...:)
انا ما انصحك لا بالاكورد هذي ولا الكرولا
دور لك اكورد غير هذي
لأني مجرب الكرولا والله ما تسوى
أإخوووي في أكورداتــــ كثير في معارض النسيمـــــ
مو لازمـ هذي وبســـــ ونصيحهـ الكرولا زينهـ وعمليهـ بس صغيرهــ
أدنى حأإدث رحت ملحــ (( اللهـ لا يقولهـ ))
طيب فيهـ أكورداتــ 2007 فل كاملــ لؤلؤي بــ 50 نضيفهـ بكل ما تعنيهـ الكلامهــ
شأإيفهأإ في معارض النسيمـ صأإفهأإ ورأى بعض سودأ ولؤلؤي وألوان كثيررررهـــ
واللهـ مأإ فيهأإ ولا طقهـــ وعلى الشرررطـ
خذهأإ وشخصـ فيهأإ وخلفيتهأإ خقق
غير كذأإ فيهأإ قووووهـــ
للمعلوميهـ كرولا عزمهأإ بأإأإأإيخـ منــ جـــد
وغير كذأإ أإجي مع اللفهـ طأإير
قسم باللهـ تعطيني الشنطهـ تنكس سريع سريع
الاكورد فيهأإ أنظمهـ يحبهأإ قلبكــ
دور لك اكورد ثانية في 65 الف نظيفة وممشاها حلو
ازين لك
ترا الكورولا عادية مرة وصغيره
وفكر في كامري سياحي جديد حول 60 قير اوتو
انا عندي اكورد 2008 ماشيه 35ألف كفراتها كفرات الوكاله مو ممسوحه شكله من حد راعي تفحيط
خذ اكوورد سياحي ولا تاخذ كورولا < نصيحة
ودور لك اكورد ثاني وان شاء الله تحصل طلبك
أنا أرشح لك
أكورد 2007
والله راح ترتاح
وراح تحصلها نظيف مره وخذ فل جلد وفلها ووسع صدرك
والله ماتستاهل كورلا
انصحك بالاستخاره فقط
لا الاكورد الي تتكلم عنها ولا الغوريلا >>دربلي هسا اقصد الكوريلا
شف لكـ اكورد مستعمله استعمال خفيف ونظيفه بتحصل سواء من الجيل الجديد او القديم
ونصيحة ابعد عن الكوريلا ماتسوى وازيدكـ من الشعر بيت اعرف واحد شغال في عبداللطيف جميل يقول لي الياريس والكوريلا الجيل الجديد فيها عيب مصنعي با الهيكل
والله يكتب لكـ الي فيه الخير
بما اني استأجرت كوريلا وجلست معي شهرين
اعتبرها من افشل سيارات تويوتا من ناحية الامان
ايضا من عيوبها سقفها مره نازل اذكر دايما لما اركب يطيح عقالي :d
ههههههههه
اسعدتني والله ردودكم ياشباب
انا راح اصور لكم الكفر واحطه لكم هنا اليوم ان شا ءالله
الشي الثاني الشباب الي قالوا لي اشتري 2007
المشكلة الي خلتني ماشتري 2007 هي اسعار قطعها غاااااالية مقارنة بـ 2008 وانت طالع
وايضا يكون ممشاها كثير وماتدخل الضمان
لاني رحت للوكالة وسويت مقاارنة طلع اسعار 2007 مختلفة كليا عن 2008 و2009 و2010
هذا السبب الي خلاني ماشتريها بصراحة
طيب هل فيه معارض سواء بالشفا او النسيم تنصحوني بخصوص 2008
ايضا سؤال وش مزايا الضمان ؟ بالنسبة للهوندا
وايضا عشان يحسبون الضمان للسيارة هل تكون عند 100 الف كيلو او خمس سنوات؟؟
شوف معارض النسيم فيها مكتب بنك المعلومات
اطبع برنت ب25 ريال يطلع لك كل الاكوردات الموجوده في المعارض
سواء في الشفا او النسيم ويظهر لك ارقام المعارض وورقة يعطيك اياها الموضف فيها كروكي للمعارض
__________
اذكر معرض السلام في معارض الشفا
عندهم اكوردات واجد ويختارون سيارات نظيفه
يعطيك الف عافية حبيبي
بس اصلا بدون بنك المعلومات انا حست معارص النسيم حوسة ودورت ومالقيت الي في بالي
لو تعرف رقم المعرض ارسله لي لاهنت
لاني بعيييييد جدا عن معارض الشفاا
وعلى فكرة انا قد طبعت برنت بسيارات كانت في بالي وكلفني خمسين ريال ونصفها كلها كذب
شباب هذي هي الصور كما قلت لكم بالمرفق
عى فكرة تقريبا كفرة واحدة ممسوحة ام الباقي فباقي فيها شدة على ماظن
ولاحظوا ياشباب الجنط شوفوا كيف تقول جات عليها ضربة قوية
وبرضه شوف الخدش الي على الكبوت
اعذروني على رداءة التصوير فهذا الموجود واللهِ
اطيب تحية
ابعد عنها و الله ابعد
انا من الصور ما ارتحت الها ابد ......
يعني مافيه الا الاكورد هذي المستعمله ..!!!!!
دور وتحصل انظف منها وبقيمة حلوة :)
اوما تحط خيارين ع اكورد مستعمله وحدهـ.. وكوريلا فا معليشششششش
الزبدة دور وتحصل اكورد نظيفه .. لان مستحيل تقارن الاكورد بالكوريلا ..
:)