اهل الخبره بالاكورد من ناحية الحنوط والنظافه والتلميع يدخل ويجاوب على اسئلتي

السلام عليكم..انا عندي كم سؤال وابي اجوبه عليهم
السؤال الاول...:
انا عندي اكورد 2006 سياحي بتنده ومركب عليهم جنوط مقاس 16 تجاري ماخذهم من الريض ب 2500 ريال.....(طبعا مو انا اللي مركبهم راعيها مركبهم فيها قبل ما يبيع السياره) وسألته عنهم وقال انم تجاري...
سؤالي::::هو:)
ما هو الفرق بين الاصلي والتجاري وهل يؤثر على اداء السياره..وهل التأثير كبير ام صغير...
وسمعة ان الجنوط ما يصلح تمشي فيهم بالشتاء والامطار(بالنسبة للتجاريه) هل هذا صحيح لانه راعي السياره قالي اذا ودي اشتري الطيس منه لانهم الى الان موجودين معه...؟ وهل تنصحوني اخذ الطيس وكم اقوله عن سعرهم..؟

السؤال الثاني:
تغسيل السياره والاهتام فيها..يعني ابي نصائح بسيطه كم مره اغسل السياره..وهل غسيل المغسله افضل والا احط لي عامل عند البيت....ومتى اغسلها لاني سمعة ان التغسيل مع حرارة الشمس يمكن يطير البويه....؟؟ واذا وديت السياره المغسله....ويش اسوي غسيل كامل والا خارجي..وهل اغسل المكينه والا لا (لاني اول ما فتحت الكبوت شفت غبار في كل مكان حتى على المكينه)...؟؟؟ واللي من سكان الشرقيه وش افضل مغسلة سيارات بالخبر او الثقبه؟؟؟

السؤال الثالث:
شنو افضل ملمع حق الجنوط والكفرات..... وكم سعره تقريبا ووين احصله...؟؟؟؟
وكذلك سعر الملمع اللي حق الطبلون والاشياء الداخليه بالسياره وكم سعره..؟؟؟
وشكرا ( اللي يهمني الحين غسيل السياره لاني اليوم او باكر ناوي اوديها المغسله فياريت تعجلون بالاجوبه)

افضل ملمع للجنوط : في ملمع مثل الرغوة ترشها على الجنوط وتنتظر حوالي 30 ثانية لين تروح الرغوة وتغسلهم والله تشوفهم كانهم مراية

وافضل ملمع للكفرات : مجوايرز وفي انواع حسب استخدامك في رغوة و في رش و في مثل علبة الشامبو بنفسجية بس طبعا كلهم شركة مجوايرز

وافضل ملمع للطبلون : مجواير علبة حمراء , او العلبة الي فيها قطع مثل الكلينكس


افضل تلميع بودي : Bmw او مجوايرز لكن المشكلة في المجوايرز متعب

وش دعوووووووووووووووووه<<<<<:d حساوي بحت
عدد المشاهدات للموضوع 41 والردود 1
يعني ما حد فيكم يلمع جنوطه وكفراته:eek:
طيب على الاقل كلمة ما ادري ما اعرف,,,,,كلمه ولو جبر خاطر;)

ماعندي خبره

بس الي اعرفه ان تلميع الكفرات يقصر عمرهم

وما ادري:d

بالنسبه للمغسله اذا انت في الدمام روح حق مغسلة الجزيره الي مقابل بنده على الملك فهد خلف فندق عرش بلقيس

واذا انت بالخبر فيه مغلسه ناسي اسمها بالعقربيه وصفها سلمك الله خلف المستشفى الي بالعقربيه على نفس الشارع التجاري الي وسط العقربيه :)

بالنسبة للغسيل أكيد الشي لا زاد عن حده انقلب ضده يعني لا تعدمها بالغسيل ولا تتركها تغبر وتنعدم عليك البويه تروح لمعتها هذا شي الشي الثاني الغسيل الكامل احسن بدون شك من الخارجي فقط
وغسيل المكينه والله اذا هي مغبره غسلها يكون احسن بس مو دايم كل ما تغسل السياره تغسل المكينه ....

وإذا تبي مغسله تمام وممتازوه مغسله الأوزون مقابل بوابه اسكان الخبر العام العسكري نهايه شارع الرياض وأنت متجه للاسكان ...

اقتباس:

---

ما هو الفرق بين الاصلي والتجاري وهل يؤثر على اداء السياره..وهل التأثير كبير ام صغير...

---

هذا أصلي الجنط بأكثر من 1500 ريال ، وذاك تجاري الطقم إن كثر بألف وخمس مية ..
يا أخي سمعت تهويل لموضوع الجنط التجاري وإنه ينكسر ويروح وطي ويعدم ويرج ويخرب .... الخ
قالوا عنه بلاوي ..
أنا ركبته ولي سنتين .. السيارة داهكها أكثر من 85 ألف كلها سفريات وبسرعات لا تقل عن الـ 160 كم ، لا حسيت برجه ولا بحذفه ولا انكسر رغم إني قالب أكوردي ونيت ..
بعدين وأنا أخوك الأصلي ينكسر إذا أكلت فيه مطب جامد لو إنه حديد مو كروم ، ويرج إذا طبيت لك بترصيص أبو يمن تعبان ، ويتغير لونه إن غسلته بكلوركس :d
---------------------

اقتباس:

---

تغسيل السياره والاهتام فيها..يعني ابي نصائح بسيطه كم مره اغسل السياره..وهل غسيل المغسله افضل والا احط لي عامل عند البيت....ومتى اغسلها لاني سمعة ان التغسيل مع حرارة الشمس يمكن يطير البويه....؟؟ واذا وديت السياره المغسله....ويش اسوي غسيل كامل والا خارجي..وهل اغسل المكينه والا لا (لاني اول ما فتحت الكبوت شفت غبار في كل مكان حتى على المكينه)...؟؟؟

---

سنتين أغسلها يوميا على يد عامل بنغلاديشي أعطيه بالشهر 50 ريال وكارفه كرف ، كل يوم يغسل من برا وجوه ، لكن شرطي عليه لا يجي يزعجني ( فكوا باب بابا ) الا بعد العشاء ، لأن البوية تتأثر من الغسيل بالنهار لكن مو خلال كم يوم ، تقدر تقول بعد اربع خمس سنين ، أما الغسيل اليومي فما أذكر إن عندنا سيارة تأثرت منه على مدى عمري الذي يمتد لـ 27 عاما ( كتب الرقم غلط وقلبها وبعدين عدلها )
وبالنسبة لغسيل المكينة ، لما أخذت الأكورد جديدة من الوكالة سألتهم لأني عانيت من كابريس اس اس كانت معي ، كان محرم علي تغسيل المكينة ، لكن في الاكورد قالوا غسل ولا يهمك ، لكن عن نفسي ، اخليه ينفض اللي تحت الكبوت بالهواء ، لأنه بصراحة ضغط الموية وهي تندفع من البستم يطير العامل ، يعني بيأثر على القطع البلاستيكية والجلد اللي عند المكينة مع مرور الوقت ، لكن خله بالهواء ينفض الغبار ، بعدين تغسل المكينة يعني كل يوم ، اليوم لو غسلتها بكره توسخت ، بالذات في أجوائنا المغبرة ..
أتمنى إني أفدتك أخوي ..
وبالنسبة للملمعات ما قد استعملتها بالأكورد لكن استعملتها بغير الاكورد وما انصح فيها لأني ألاحظ إن الطبلون لو تعلم على التلميع تدلع :d ويصير يقول هل من مزيد .. وتلقاه بعد فترة بدأ ينشف مثل جلد العجوز ، وبعدين تتفطر اطرافه :( وتصير علوم

مشكووورين يا اخوووان على الردود
وصحيح انها جت متأخره...بس ان تصل متأخرا خيرا من لا تصل...
و بصراحه يا انسان كيف ووفيت.......وينك من زماااااااااااااااااان...!!!!!

http://www.fadhaa.info/up/uploads/1265183700.gif

مسااااء الخيررر ع الجميــع والله الشباااب ما قصرووااا معاااك .... وخااااصـــة ( أكـــورد البحــرين )
عطــاك المفيــد والباقي فيهم الخير والبركــة

أمــا بالنسبة للجنــوط تراهااا ما تصلح التجاااري على حسب علمي إنها لا سمح الله مع الحرارة تنكسر من الداخل والله أعلم سوى نفسه مفتي:d وهذي اللي عندي ...

تحيـــاتـــــي لــك ...

هلا بك اخوي

بس حبيت اعطيك نصيحة بالنسبة للغسيل , لاتخلي عامل يسلها لك بالشهر لاني صراحة ماوثق فيه وخصوصا اذا كان لون سيارتك غامق بيعدمها لك وتخيل بعد انها غسل 1000000 سياره قبل سيارتك وما معه الا سفنجه وحده يغسل بها الصيج والكفرات والبدي يعني بالعربي كلها حصيااان ووبتمشخ بويتك.
(غسلها في مغسله على الاقل مرتين بالاسبوع او مره مو مشكله ) اضمن لك واحسن لك


وان كان على ملمع الكفرات لاتحاول تستخدمه كل يوم لانه ينقص عمر الكفرات على قولت الاعضاء وهذا شي معروف (استخدمه وقت الكشخه ;))

واما بالنسبه لملمع الطبلون من ناحيتي بااااااايخ مره لانها يعدم الطبلون مع الشمس وبعد فتره طويله راح تكتشف ان طبلونك متشعر يعني على وشك او بداية التكسر .

وان كان على غسيل المكينه دام انها على قولتك مغبره لاتغسلها الا مره وحده وبعدها بس هوا لان مو زين غسيل المكينه الزايد.

والله يعطيك خيرها ويكفيك شرها

تحياتي

والله الشباب ما قصرو كفو ووفو الله يعطيهم العافية

انا أقترح عليك انك تغسل السيارة بنفسك

تقبل تحياتي