رجااااء اللي عنده اكورد يدخل هنا...لااااهنتم..

السلام عليكم..

بصراحه انا من متااابعين هالمنتدى المتالق بمواضيعه ونشاط اعضائه المميزين..

ويشرفني كتابة موضوعي والتسجيل بين اخواني..

انا بصراحه كانت عندي سيارتي السابقه ماكسيما 2001 وناوي ابيعها لانها تقريبا انتهت كثرت خراباتها وحتى القير على وشك انه يخبط..

طبعا انا الماكسيما عاااجبتني من ناحيه الرساوه والقوه والتحمل والى الحين ماااشيه 382 الف كم.. طبعا لان دوامي يوميا من الخبر الى الجبيل يعني يوميا لازم تمشي السياره 180 كم مشوار الدوام وزياده عليها بعض المشاوير اليوميه..طبعا غير مشاوير الويكند وروحات الرياض لاهلي..

<< لاتكثر سوااالف..!!

المهم اللي بغيت اعرفه هل الاكورد تتحمل المشاوير والكرف وكيفها في الخط مريحه ولا لا..؟

وكيفها من ناحيه المكيف والرساوه وقطع الغيار..؟

وانا بصراحه اشوف اغلب الاعضاء يشتكون من خرابات وغلاء قطع الغيار..

يعني بغيت مميزات وعيوووب الاكوورد..؟

لان انا شفت لي اكورد 2008 ماشيه 16 الف فل اربع سلندر بس الى الان مدري اخذها ولا لا..

ارائكم تهمني..واسف عالاطاله..

اخوكم...ابوشمس

حياااااااااااااك ربي ابو شمس نورت المنتدى
نصيحة لا تفوتك الاكورد والله رساوة وكرف وتصبر معك مكيف روعة وبتجمد بس الراحة نص ونص اما عن قطع الغيار
ترا 8 و 9 ارخص من الموديلات اللي قبل وما تفرق كثير عن باقي السيارات
اعقلها وتوكل ولا تنسى صلاة الاستخارة

الاكورد والاريونـــــ

^

ملوكــ الخط

استخر وخذ الاكورد انا معي 2008 الحين ماشية حدود 76000 مطلعها رمضان الي راح والموتر ما عليه كلام مع اني اكلت حفر ومطبات وبلاوي لكن والله الي شاهد على كلامي ما اشتكيت من الموتر وكل الي سويته فيه غيرت فلتر الهوا مرتين وغيرت الفحمات مرتين بس اما الرساوة فالموتر ما عليه كلام رساوة ما شاء الله وقطع الغيار يعني غالية شوي لكن ما تحتاج شي باذن الله وبالنسبة للمكيف فهو ثلج ولله الحمد ومادام المكسيما عاشت معك الى الان ما شاء الله عليك باذن الله الاكورد بتعيش معك دبل المدة وانت مرتاح
وفي النهاية استخر والي يكتبه الله فيه خير

بالنسبه للاكورد ماعليهـا كلام
بس قطعها اغلى من تويوتـا

وبالنسبه للاكورد اللي انت شفتها
نصيحه افحصها بالوكـاله قبل لا تشتريهــا

ياحبيبي انا سيارتي 2008لها الحين سنة وخمسة اشهر ماشية الى الآن111500>>في الاسبوع تقريبا 1600كلم
من القنفذة الى القويعية؟....تخيلوالله ماشتكيت من اي شئ >>>الابعض الاشياء البسيطة زي
ماقالopen windowفحمات وفلتر وسيفون وزيت
وماشالله رساوة بالخط ولاازعاج ولاشئ
ولون البودي لسا ماتغير وكذلك الصدام الامامي
واحد من الشباب مطلع كامري والله اللون تغير بتاع الصدام صار اسود
والمقاعد تفككت
انا انصحك بقووووووووووة ليس تعصبا ولكن للراحة حدود
انك تاخذها طبعا بعد الفحص
انا معك قطع الغيار شوي غالية لكن حط القطعة وانساها سنة سنتين عادي
والاختيار الاول والاخير لك وبالتوفيق

افحصها واا كويسة خذها وانت مغمض
تقبل مروري

والله يا الاكورد اللي معي مسكينه مافي اللا تمسك خطوط

وتاكل في المطبات

والصلات على النبي الى الان ما طلع شي

وما وديتها الوكاله اللا صيانة 100 الف

افضل شي لاقناع الشخص ضرب مثال


( ولد عمي معه اكورد 2005 فل اسبوعيا رايح جاي من الحفر الى الرياض والله لو معه موتر ثاني يمديه خبط

مايعرف الا 200 ولله الحمد ماشتكت من شي ابد وللمعلوميه الان ماشيه 250 الف )

الاكورد وبس لك خالص تحياتي

الاكورد ماعليها كلام ممتازه جدا وراسيه ما شاء الله وعمليه

بس اذا بتنزل من 6 سلندر على 4 سلندر تراها صعبه بتحس بفرق جااامد

جرب السياره قبل تشتريها

اتوكل على الله انا صار لها معي سنة وشهر الحمدالله ماصارت معاي مشاكل إلاقبل يومين صوت في الكفر زي القماشات بس فحصته مافيه شي وباقي الأمور تمام مع المحافظة.
2008اكورد

الاكورد ماشالله بالخط الله يحفظها لي ولجميع ملاك هوندا
وبالصراحه خذها وانت مغمض
يكفيك انها ياباني
وانا اللي عندي 2009 كوبيه<< بصراحه معطيتني حقي وزود بالخط وبالمدينه وبالردميات

ما اقول غير هذا النصيب وانكتب اشتري هنادي
تقبل عبوووووووري

الاكورد هي الملكة في الخط وفي غيره
اشترها ولا تبالي

بصراااااااااااااااااااحه احرجتوووووووووني بردووودكم وكلامكم الجميل..

وانشالله ربي يكتب اللي فيه الخير وافحصها في الوكاله للاحتياط..

بس اتوقع اللي شفتها انها سبشل...

يعني وش رايكم بالسبشل كويسه ولا ادور الفل احسن..؟

ترا الأكورد من ناحية التحمل ماعليها كلام ممتازة بس تبي تتعبك في العزم (بطه)

وخذ لك فل كامل أفضل ولاتنسى صلاة الأستخارة والله يكتب الي فيه الخير

اخوي انا كنت افكر باخذ 2008 بس بعد ماشفت بعضها الصدام اللي ينفك من الاطراف قلت حط بجيبك العشرين الف وخذ مستعمل واخذت اكورد 2007 4 سليندر لولوي شبيسل بس مركب لها جنوط و جلد وكشافات ماشيه 36000 كم ب60000 ريال والحمد لله انا الحين اداوم من الظهران الى راس تنوره والى بقيق احيانا والحال وحده انزل الرياض كل شهر عند الاهل والحمد لله السياره من احسن ما يكون ادوس ال140 و180 ماتفرق او ما تحس والرساوه ما شاء الله ولا تسمع حنه للمكينه و مركبها مريح اما من ناحية قطع الغيار صحيح غالية شوي بس حط القطعة وانسى منها والسياره ما تهربد او لها اصوات الا الهواء بس عادي شغل المسجل وطبعا المكيف 100% انا كان معي مازدا زووم 2003 والله اني حسيت بفرق كبيرررر اقول توكل على الله وخذ الموتر تراه طيب والله يوفقك ان شاءالله