للي عنده خبره شباب ساعدوني رحم الله والدينكم انا عندي هوندا اكورد 2001 غيرت سيور المكينه من جنزير وطرمبه ماي وصوف وكل شي الخ . .. من قبل ماكانت تصرف بنزين ابد ومن غيرت ليها القطع صارت تشرب بنزين مو طبيعي والله ومانا عارف وش المشكله وسيارتي اربعه سلندر يعني حسيت فرق كبير في صرفيه البزين من قبل والحين وشباب تكفون ساعدوني والي عنده خبره لو يعرف وش المشكله اتمنى يفيدني باسرع وقت وتحياتي للجميع وشكرا . ..:(:(
قير عادي ولا اوتوماتيك؟؟؟؟
القير تماتيك يالغالي وياليت تفيدني وتحياتي
البواجي غيرها مع وزن الديلكو بالكمبيوتر وتضبط امورك باذن الله
لان عندك الديلكو هو اللي يوزع الشرارة ولابد كل 100000 كيلو تنوزن على الكمبيوتر
سؤالي هل فيه اي ملاحظات ثانية في المحرك او نقلات القير ؟؟؟؟؟؟؟
مشكور يالغالي . . .بالنسبه للبواجي ماكملوا شهر من غيرتهم واخدتهم اصليين والمكينه والقير الحمد لله مافيهم اي حاجه ماعندي الامشكله الصرفيه اليوم سالت واحد وقال لي يمكن الجنزير مشدود عليه بزياده فما ادري هل الجنزير له دخل
سيارتك سير تايمين وطبيعي يكون مشدود عليه لانه لو فلت بشكل بسيط بس جاب العيد في المكينة وراح تدمر تدمير مرعبا :)
بس تاكد من وزن الديلكو لانه في الغالب هو اللي يخلي السيارة تصرف بنزين لانه وزن الديلكو يعطي الشرارات في وقتها الصحيح وكذا ما يروح بنزين عبث وبكذا التورك يرجع ويصير كامل وما يحتاج تدعس بنزين كثير لاجل تمشي
وغير كذا هل فيه ملاحظات في المكينة او القير ؟؟؟؟؟؟؟؟؟؟؟؟
للمعلومية وشي مهم اخوي :
كل 100000 كيلو لازم توزن البلوف في الوكالة خصوصا اذا تسمع صوت طقطقة في المحرك
تسلم يالغالي وماقصرت ياخوي بكره بروح اوزن الديلكو وان شاء الله خير بس مافهمت سؤالك بالنسبه للمكينه والقير واسف تعبتك وياي يالغالي لني غشيم في هالشغلات وتحياتي لك بالتوفيق:)
حبيبي غير فلتر البنزين أو صفاية البنزين وعبي بنزين احمر , وان شاء الله تدعي لي
:cool:بسوي الي قلت لي عليه وان ضبطت لو ماضبطت بدعي لك من كل قلبي يالغالي يكفي مرورك على موضوعي وتحياتي . . . .
ياخوي ابيك تشيك على الحاجات ؟؟
لنبة اتشك شغاله + الربي ام كم عندك + ليات الهواء +اذا يمديك تفك بوجي شوفه لون اسود نفس
لمن تدعس بنزين تسمع زي الكهربه الزايده وله تكتم معاك وبعدين تفك
ونشالله نلقالك الحل
هلا اخوي تحياتي يعطيك العافيه يالغالي اللمبه مو شغاله والار بي ام تحت الواحد بالنسبه الى ليات الهواء كل شي تمام مافيها تنسيم والبواجي ماكملوا شهر من بدلتهم معى انه ماكان فيهم شي وبالنسبه حق دعسه البنزين كل شي تمام لا فيه تقطيع كهرب ولا تفتفه ابد ولا ادري وش السالفه والله اندمت يوم اغير السيور من هالمشكله الي صارت ومشكور على المرور وياليت تفيدني يالغالي وتحياتي لك . . .
الديلكو عندك هي في الصورة هذه ولاحظ الاسلاك اللي طالعة منها ورايحة للبواجي ووزن الديلكو هو اللي يعطي الشرارة الصحيحة في الوقت المناسب وبالتالي التورك يكون ممتاز
يعني التورك من تطلع سيارتك من المصنع هو 151 نيوتن متر
اذا فيه خلل في وقت الشرارة يصير 100 بل ينزل الى 80 لان الشرارة ماتجي في الوقت المناسب وبالتالي تضغط بنزين وتحس العزم ضعيف
هذه صورة الديلكو
http://store2.up-00.com/Nov10/Uxf98409.jpg
بس سؤالي عن المكينة والقير باوضحه بشكل ابسط
1- هل فيه صوت قرقعة في المكينة من الاعلى صوت قرقعة معدن عالية وليس صوت الشرار الخاص بالبواجي؟؟؟؟؟
2- اذا انت ماشي 20 على الغيار الاول كم يكون عداد الضغط عندك اذا انت ماشي شوي شوي ؟؟؟؟؟؟
حبيب قلبي مالك اله انك توديها اخصائي تنظيف بخاخات بس يكون عنده جهاز اختبار ضخ
حقن البخاخات
يفكلك البخاخات كله بره ويحطها على الجهاز تشوف كيف رذاذ البخاخات ==)احتمال
توسعة البراه البخاخات
ونشالله تلقي الحل .
هلا اخوي بلال اسف على التا اكون ماشي عشرين يوصل الضغط على رقم اثنين ولما يبدل النمره يظل تحت الواحد بشووووييعني ادا ظليت ماشي عشرين يصير الضغط تحت الواحد
هلا فيك تحياتي ياخوي رحت الى ميكانيكي قال لي بدل طرمبه البنزين وفلتر البنزين وسوي تصفيه بخاخات معى اني شاك بكلامه انا لنه من بدلت السيور صارت لي هالمشكله وتحياتي لك يالغالي
الله يكون في عونك ......
شوف ياخوي انت كيف سوالك اتنظيف الي سوالك ايها اكيد طروبه خارجيه ومع مادة تنظيف البخاخ ......
يقولون انه مشاكله كثيره
* احتمال مع اتنظيف توسعة ابرة البخاخ
( طيب ريح راسك وغير بخاخات قبل فتره اشتر واحد من خوياني طقم300 ريال بس مادري ايش نوعها)
شغل السياره عشر دقايق بدون مكيف وبدون مسجل او اي ملحقات تحتاج كهرب
واذا ماضبط معك اتجه لوزن الديلكوو مثل ماقالك بلال