شباب ارتفعت الحراره سياره

السلام عليكم
كيف الحال
شباب سلمكم الله اليوم الظهر وانا جاي من سفر رقيت (القديه ) اللى هي مدخل الرياض من الغرب
كنت راقيها مسرع المهم ما جيت في نص المسافه الطلعه الا الحراره قبل h بشوي وهديت ونزلت ويوم وصلت البيت في الرياض فتحت الكبوت ولا المويه الرديتر مليانه يعني ما نقصت على الخط حق المطاره اللى هي الاحتياط حقت الرديتر وشوف فيه زيت ( مطشم ) يعني زيت موسخ او جاي على الليات والمكينه وكنه زيت قير لونه ما يل للأحمر وطفيت لين بردة السياره وشيكت على الرديتر وما نقص والزيت المكينه ما نقص
يا ليت اللى عنده حل او احد قد جااه المشكله وانشاء الله تكون بعيده عنكم المشاكل
فياليت احد يعطيني حل او يوصفلي ورشه حلوه
واسف على الاطاله والله يعطيكم العافيه

http://hondaarabia.com/club/showthread.php?t=15235

ارتفاع الحرارة مع المشي امر نادر جدا في الاكورد وكون فيه زيت طفح مع الحرارة فهذا شي طبيعي في الاكورد اما زيت القير او المكينة بس دام الموية ما نزلت ولا قلت اتوقع انه مجرد كيس كان مغطي الرديتر من الامام ومنع الهواء او ان الطرمبة صار فيها شي

بالنسبة للزيت لا تخاف وطبيعي عبي الزيوت اللي راحت

بالنسبة للطرمبة تقدر تتاكد بانك تفتح غطاء االرديتر وتدعس بنزين بقوة وتشوف اذا الموية انفجرت وطارت لفوق معناه الطرمبة سليمة اما اذا انفجار الموية ضعيف او معدوم فهنا تكون مشكلة طرمبة

مشكلة الحرارة في الاكورد 2003 الى 2010 نادر جدا فاتمنى تشيك الان وترد علينا

بالنسبة للحرارة حاول تغير موية الرديتر لا يغرك لونه قد يكون مادة التبريد الي فيه قد انتهت صلاحيته لأنه قد ارتفعت معي في السفر وغيرته في بنشر جركلين بـ30 ريال وما عاد ارتفعت الى يومك .
أما باالنسبه للزيت اذا لونه احمر قديكون زيت الدركسون شيك على علبة الدركسون وعلى الليات تبعه.

حصن موترك يالغآلي , هذا أهم شي , عيون النآس والله مآترحم , وبعدهآ شوف المشكله زي مآقآلو الشبآب

بلف الحرارة إذا خرب مايخلي المويه تخش على المكينه وهذا البلف موجود في كوع الماء .

غير بلف وبإذن الله تروح المشكلة

الله لا يهينكم وما قصرتو على الردود
الحمد لله اليوم رحت عليه كم مشوار والحراره ما ارتفعت بس ما يمنع من التشييك على السياره بس يا ليت اللي يعرف ورشه حلوه ما يبخل علينا

يمكن يوم طلعت مع الطلعه وشطفت واحد صكك عين :d

طبعا عين مؤقته ...

انا كم مره اطلع مع الطلعه ولا اناظر انبير الحراره ..

ممكن طبيعيه

ورشة في ام الحمامه شغله تمام ..<< مجربه ..

ورشة 20 ..

وانت على طريق العروبة خش مع طريق تركي الاول متجه للتحليه ..

اول اشاره سيدددددهـ

اول مخرج خشش معه ..

نهاية الورشة تحصل ورشه قدامك مع اللفه مكتوب ورشة 20

عليك السلام وحمة الله وبركاته
المشكلة بسيطة وهي ان مروحة السيارة تطفي وتشتغل بس الحل ماتقدر لم تتعطل المروحة عن العمل بعده غير المروحة الخربانه وترجع السيارة طبيعية

طبيعي لاتغير ولا تروح ورشه الجو حار اذا ماسك خط الموتر ساخن وانت عطيته حنه ضروري بيرتفع الجو نار ياشيخ انا مشبك المراوح دايركت والمن اجي خط بلظهر وادز والله ترتفع وبعد كم مشوار اخليها بين زحمت سيارات الظهر ترتفع واذا مشيت تنزل والظاهر ان مويت الئديتر عندك حمرا او مصديه واو موية ايسي ديلكو تكون فيها نسبه من الزيت وفورت للقربه مع الهوا تفرقت على المكينه حتى لو مانقص الئديتر القربه بها مويت سابقه بنسبه بسيطه والله يعين قبل كم يوم مافيه هوا يعني زين ماتتفجر المكاين مو تفور بس