لومار او جونسون لمن لدية معلومة بدون تحيز والتجربة ضرورية

قررت وبعد سنتين من شراء السيارة ان اركب فلم عازل لاتستغربون عادي :confused:
لومار او جونسون

وقد اقتنعن بهاتين الشركتين

الاشياء المهمة بالنسبة لي مع كم سوال

1 حرارة السيارة من الداخل اسيات وطبلون ويد القير والسكان

2 الروياء

3 شكل السيارة من الخارج

4 ان تعيش جو كويس بعيدا عن لمعة الشمش في الوجة


الاسئلة

س1 هل هناك فرق قبل وبعد يستاهل العنوة ام كلة كلام والنسبة كم لو سمحتوا ؟

س2 هل تعتيم اللون او تفتيحة لة علاقة بالعزل مثلا كلما زاد تعتيمة زاد عزلة ؟

س3 سوال لاهل الذوق فقط ماهو اللون المناسب للسيارة السوداء
1 العسلي
2 الفضي
3 الاسود
4 المخلوط

تكفون ترا تكفى تهز .........................
ولولا ضروف الوقت ما قلت تكفى

الموقع الشرقية الدمام

( التجربة )لاتبخلون علينا بدقيقة على الكيبورد

شكرا مقدما لكل من يدلو بدلوة

احسن شيء وبدون منافس ومجرب على سيارتين عندنا مدة 5 سنوات هو


IM V_cool

انا بتكلم عن جونسون وعن تجربه افلامه شو بتعئد بتهوس هوس ممتازه , اما ليومار ماجربته لاكن احد الزملاء مجربه على موتره ويمدحه , من الاخر الشركات كثيره عندك جونسون لومار لا كن انتبه من في كول فيه شكااوى منه واااجد وسلامتك يابعدى

اقتباس:

---

المشاركة الأصلية كتبت بواسطة حميد

انا بتكلم عن جونسون وعن تجربه افلامه شو بتعئد بتهوس هوس ممتازه , اما ليومار ماجربته لاكن احد الزملاء مجربه على موتره ويمدحه , من الاخر الشركات كثيره عندك جونسون لومار لا كن انتبه من في كول فيه شكااوى منه واااجد وسلامتك يابعدى

---

والدليل على الشكاوى استخدامة في طائرات الجيش الامريكي الحربية و السفن الفضائية

يا خوي والله بتتعب

كل واحد يقول هذي احسن و هذي ابعد عنها

كلهم تقريبا نفس بعض .. و حرارهـ شمسنا ماينفع معها شي

لا تتوقع انك لما تركبها راح تحس بفرق كبير

جونسون افضل من ناحيه التظليل والعزل الحراري
بس زيبارت عندهم الوااااان روعه :)
وكلها تنافس بعض
لومار > ما اعرفها

انا مجرب جونسون قمة الفشل والى الان متحسف على 1200 اللي حطيتها على تظليلتهم
ماتسوي 150 نفسها نفس الكوري ( مع انها امريكيه على كلامهم )

طبعا حاولت قبلها امر على لومار ولكنه كان فل ما يمديني ادخل السيارة لهم خلال نفس الاسبوع
وهذا اكبر دليل على نجاح منتجهم

اما جونسون في نفس اليوم ركبتها دخلتها المغرب وخلصت 10:30 الليل وهذي الحسنه الوحيدة لهم انجزوا عملهم في وقت مناسب

-
من واقع تجربة .. Zebart & Lumar أفضل شركتين في السوق ..
جونسون بصراحة ما سمعت عنها غير قبل فترة بسيطة يوم بدأت إعلاناتهم في الراديو ولا ماكنت أعرفها من قبل !!

بخصوص سؤالكـ عن الفرق في الحرارة .. بصراحة ما أشوفه هذاكـ الشي .. يعني من خلال تجربتي مع Zebart سابقاً و Lumar حالياً ..
نسبة الحرارة داخل السيارة اذا كانت واقفة ومقفلة تحت الشمس .. يمكن العزل يفيد بنسبة 30% حسب تقديري !!

طبعاً هذا لتظليل سيارتي أنا ( واجهة شفافه + أمامي راكب ومرافق 01 + خلفي 02 ) .. ومثل ما قلت لكـ أشوف إن الحرار خفت بنسبة 30% فقط !

يمكن لو استخدمت ألوان أثقل من 01 و 02 راح تكون النتيجة أفضل .. لكن ما تقدر تركبها قدام عشان المخالفات والهبل حق المرور !!

بخصوص الألوان .. فالمسألة ذوق .. أنا عن نفسي لو سيارتي سوداء بأفكر في اللون الأسود فقط ..

وفي الأول والأخير .. كل إنسان وله وجهة نظر .. ولو حبيت تاخذ بأراء الشباب في المنتدى راح تتوه وتضيع في الاختيار ..
فبرأيي .. إختار شركة موثوق فيها من الشركات القوية الموجودة في السوق .. وتوكل على الله ..

وبصراحة .. فاتكـ عرض Lumar في رمضان .. كان عندهم عرض بـ 888 ريال .. وضمانهم 10 سنوات ..
الحين لو تبغا تركب ع سيارتكـ أعتقد بتكلفكـ 1400 تقريباً إذا ماني غلطان !!

بالتوفيق ان شاء الله ..

أخوي خليها زي ماهي

عن تجربة في سيارتين لايوجد فرق ملاحظ

وجونسون قمممممممة الفششششل

أنا مع كلام أخوي MyStErIoUs-87
لكني لم اجرب LLUMAR ومركب ZIEBART
وبالفعل اذا كانت واقفة في ظل راح تحس بعزل
لا بأس به , واذا كانت تحت الشمس مباشرة
والله بتحصلها زي النار ولكن الفرق انه بعد
ماتشغل المكيف تبرد السيارة بسرعة

تحياتي

ليومار عن تجربة 3 سيارات وماشاء الله :cool:

جونسون ماخذ سمعه في الغربيه فقط وماعندهم سالفه !

وزيبارت تضليله سولارقارد

انا ارشح لومار

لومآر

اقتباس:

---

المشاركة الأصلية كتبت بواسطة الشيخ ليجند

والدليل على الشكاوى استخدامة في طائرات الجيش الامريكي الحربية و السفن الفضائية

---

ههههههه اي سفن فضائيه الله يصلحك:d

عزيزي انا مجرب لومار وبحكي لك كيف كانت تجربتي معاهم (باختصار) شديد
كنت مضلل من عندهم وطلبت منهم تضليل شفاف بس للزجاج الامامي,, وبيوم من الايام مريت عـ تفتيش وفكيتها بالراحه ما تطلبت اي جهد تحس انها تضليله ابو *** اي كلام و لا بعد مب شفافه ولو تبي صورتها لك.. وفوق هذا كله مخالفه ,,
^^ قبل لا تصير سالفة المرور كنت ماشي بالخط و ضربت حصى قدام واننشلخت القزازه .. والشركه كاتبه من مميزات التضليل انه القزاز ما يتكسر بهالسهوله وانا كنت ماشي 100 بس...
وبالنسبه للفلم عج علي وشكل السياره صار باهت ولا كاني مركب شي وتقشرت واذا ودك تشوفها ارسلك صوره ,, ورحت راجعتهم ولا استفدت ولا شي يعني ضمان مدري كم سنه بس اغراء للزبون
واضظريت اني افكها وفكيتها وتقشرت البويه وحالتي حاله
كله بسببهم ...
وانت لك الخيار حبيت بس اوضح لك تجربتي معهم ...
موفق ان شاء الله

اقتباس:

---

المشاركة الأصلية كتبت بواسطة silver wolf

عزيزي انا مجرب لومار وبحكي لك كيف كانت تجربتي معاهم (باختصار) شديد
كنت مضلل من عندهم وطلبت منهم تضليل شفاف بس للزجاج الامامي,, وبيوم من الايام مريت عـ تفتيش وفكيتها بالراحه ما تطلبت اي جهد تحس انها تضليله ابو *** اي كلام و لا بعد مب شفافه ولو تبي صورتها لك.. وفوق هذا كله مخالفه ,,
^^ قبل لا تصير سالفة المرور كنت ماشي بالخط و ضربت حصى قدام واننشلخت القزازه .. والشركه كاتبه من مميزات التضليل انه القزاز ما يتكسر بهالسهوله وانا كنت ماشي 100 بس...
وبالنسبه للفلم عج علي وشكل السياره صار باهت ولا كاني مركب شي وتقشرت واذا ودك تشوفها ارسلك صوره ,, ورحت راجعتهم ولا استفدت ولا شي يعني ضمان مدري كم سنه بس اغراء للزبون
واضظريت اني افكها وفكيتها وتقشرت البويه وحالتي حاله
كله بسببهم ...
وانت لك الخيار حبيت بس اوضح لك تجربتي معهم ...
موفق ان شاء الله

---

يعطيكـ العافيه على الطرح أخوي ..
أنا أحترم رأيكـ ووجهة نظركـ بكل تأكيد .. لكن أحب أعلق على كلامكـ وأقلكـ تأكد تماماً إنكـ أجحفت في حق لومار بهذا الوصف ..
أو على الأقل أشوف إن تعبيركـ كان مبالغ فيه شوية :rolleyes:

بأمانه .. التظليل من واقع تجربتي ماشاء الله أقيمه ممتاز عطفاً على النتيجة المرجوة منه ..
أولاً .. العزل الحراري موجود .. ثانياً نوع المادة اللاصقة أكثر من قوية وممتازة ومستخدمة على نطاق عالمي ..
وصعب جداً إنكـ تحدد أطراف التظليل حتى إلا إذا كنت تستخدم موس أو شفره حاده نوعاً ما !!

بخصوص الحصى وتكسير الزجاج .. فبكل بساطة التظليل ( يساعد ) على زيادة قوة تحمل الزجاج لكنه ما ( يمنع ) الكسور ..
ففي الأول والأخير هذا زجاج عادي وماهو مصفّح الله يعطيكـ العافيه ..
وإذا جيت تحسبها فيزيائياً .. فإنت كنت ماشي على 100 .. والحجر طاير من كفر السيارة اللي قدامكـ وماشي عكس إتجاهكـ ..
فقوة الإرتطام بتكون ماهي هينه .. وياما شفنا زجاج شاحنات اتكسر على خطوط السفر !!

وبخصوص الإصفرار وتقشّر التظليل والعج مثل ما وصفته .. أنا ولله الحمد والشكر ما حصل لي أي شي من هذا كله .. وطوال فترة إستخدامي
لتظليل Lumar التظليل الشفاف كان بلونه الطبيعي ولا تغير .. وبالعكس حافظ التظليل على لون القطع اللي مركب عليها بشكل أكثر من ممتاز ماشاء الله ..

وأخيراً .. بالنسبة لنقطة مخالفه .. فالموضوع إختياري الله يعطيكـ العافيه .. يعني انت تقدر تتحكم بدرجة التظليل وتقدر تختار سواءً 01
وتمشي بشكل نظامي .. أو تدعس لكـ من 02 وانت ماشي وتكون مخالف ;)

عموماً .. هذا رأيي بكل صراحة .. ومازلت أحترم كل الأراء المخالفه .. حبيت بس أوضح بعض النقاط من خلال تجربي ..

بالتوفيق للجميع يارب ..

عزيزي سلفر انت تتكلم عن حماية الوجهيه والا التظليل ؟

لان التظليل يركب من داخل كيف ضرب فيه العج وبهت ؟

انا شخصيا لي 3سنين مركبه وماشاء الله تبارك الله لايعلى عليه غير السيارات الثانيه الي مركب لها

انا مجرب جنسون على سيارتي السابقه كان مره ممتاز وماشكيت منه انا مستغرب من بعض الاعضاء يذمون فيه لكن تصويتي لجونسون بحكم التجربه اما لومار مااقدر افيدك فيه لاني ماجربته يمكن يكون افضل من جونسون الله اعلم وبالتوفيق

جونسون أنا مركبه من سنه فقط.. ما شاء الله.. حلاوة,, تظليل ممتاز.. عمل متقن.. و أخذ تركيبها ساعتين وأنا واقف عندهم بس والله الشغل يرضيك صح وفقط بـ 1200 ريال ومعي الفاتورة لو بغيت أحطها لك حطيتها.. معي أكورد 2009 ما شاء الله لون فاتح وما رضيت أعتم زيادة علشان المرور أفندي.. بس الحقيقة يعزل الحرارة.. وما تلقى أي مشاكل في عملية التركيب يعني لا يفك ولا يلف ولا يجعد وغسل ومسح سيارتك ولو بالبخار وما يتأثر لأن الشغل صح..
لكن عيب جونسون الحقيقة إنه موجود بالغربية فقط وما هو موجود بكل المناطق.. وهذا أتوقع ما هو عيب تصنيعي أو فني..
جونسون حقيقة يريح البال ..
أما باقي الشركات ما جربتهم ولا أعرف عنهم أو أسعارهم..

^^^

موجود جونسون في الشرقية بس ماحد معطيه وجه

جونسون اخذه شهرته في الغربيه فقط

ليومار افضل منه

اقتباس:

---

المشاركة الأصلية كتبت بواسطة MyStErIoUs-87

يعطيكـ العافيه على الطرح أخوي ..
أنا أحترم رأيكـ ووجهة نظركـ بكل تأكيد .. لكن أحب أعلق على كلامكـ وأقلكـ تأكد تماماً إنكـ أجحفت في حق لومار بهذا الوصف ..
أو على الأقل أشوف إن تعبيركـ كان مبالغ فيه شوية :rolleyes:
بأمانه .. التظليل من واقع تجربتي ماشاء الله أقيمه ممتاز عطفاً على النتيجة المرجوة منه ..
أولاً .. العزل الحراري موجود .. ثانياً نوع المادة اللاصقة أكثر من قوية وممتازة ومستخدمة على نطاق عالمي ..
وصعب جداً إنكـ تحدد أطراف التظليل حتى إلا إذا كنت تستخدم موس أو شفره حاده نوعاً ما !!
بخصوص الحصى وتكسير الزجاج .. فبكل بساطة التظليل ( يساعد ) على زيادة قوة تحمل الزجاج لكنه ما ( يمنع ) الكسور ..
ففي الأول والأخير هذا زجاج عادي وماهو مصفّح الله يعطيكـ العافيه ..
وإذا جيت تحسبها فيزيائياً .. فإنت كنت ماشي على 100 .. والحجر طاير من كفر السيارة اللي قدامكـ وماشي عكس إتجاهكـ ..
فقوة الإرتطام بتكون ماهي هينه .. وياما شفنا زجاج شاحنات اتكسر على خطوط السفر !!
وبخصوص الإصفرار وتقشّر التظليل والعج مثل ما وصفته .. أنا ولله الحمد والشكر ما حصل لي أي شي من هذا كله .. وطوال فترة إستخدامي
لتظليل Lumar التظليل الشفاف كان بلونه الطبيعي ولا تغير .. وبالعكس حافظ التظليل على لون القطع اللي مركب عليها بشكل أكثر من ممتاز ماشاء الله ..
وأخيراً .. بالنسبة لنقطة مخالفه .. فالموضوع إختياري الله يعطيكـ العافيه .. يعني انت تقدر تتحكم بدرجة التظليل وتقدر تختار سواءً 01
وتمشي بشكل نظامي .. أو تدعس لكـ من 02 وانت ماشي وتكون مخالف ;)
عموماً .. هذا رأيي بكل صراحة .. ومازلت أحترم كل الأراء المخالفه .. حبيت بس أوضح بعض النقاط من خلال تجربي ..
بالتوفيق للجميع يارب ..

---

هلا فيك اخوي ..
بالنسبه للتضليل طيب اذا كان ممتاز اتوقع المفترض انه ما ينفك بهالسهوله والله العظيم بس من طرف المفتاح وطلعت معي التضليله وروح جرب بس مالي شغل اذا انفكت عليك .. :d
انا اتكلم بس عن الزجاج الامامي اما الي بالجنب ما قالو لي شي عنه المرور
مع اني كنت منبه للشركه اني ابي الامامي شفاف بس الشفاف الي عندهم ما طلع مثل ما توقعته يعني انا كنت ماشي بطريقة نظاميه ..
وبالنسبه للعج والاصفرار انا ما اقصد التضليل انا اقصد الحمايه الي بقدمة السياره ..
بدور لك صور ان شاء الله قبل لا افك الحمايه و صوره للشلخ بعد ..

اقتباس:

---

المشاركة الأصلية كتبت بواسطة meshoo

عزيزي سلفر انت تتكلم عن حماية الوجهيه والا التظليل ؟
لان التظليل يركب من داخل كيف ضرب فيه العج وبهت ؟
انا شخصيا لي 3سنين مركبه وماشاء الله تبارك الله لايعلى عليه غير السيارات الثانيه الي مركب لها

---

لالا اقصد الحمايه الوجهيه ..
اما عاد تضليله يضرب فيها عج من داخل !! :d ,,,

اقتباس:

---

المشاركة الأصلية كتبت بواسطة silver wolf

لالا اقصد الحمايه الوجهيه ..
اما عاد تضليله يضرب فيها عج من داخل !! :d ,,,

---

الله يهديك الرجال يتكلم عن التظليل وانت لحست مخنا :d

ع العموم حماية الوجهيه ماقد جربتها

اقتباس:

---

المشاركة الأصلية كتبت بواسطة silver wolf

هلا فيك اخوي ..
بالنسبه للتضليل طيب اذا كان ممتاز اتوقع المفترض انه ما ينفك بهالسهوله والله العظيم بس من طرف المفتاح وطلعت معي التضليله وروح جرب بس مالي شغل اذا انفكت عليك .. :d
انا اتكلم بس عن الزجاج الامامي اما الي بالجنب ما قالو لي شي عنه المرور
مع اني كنت منبه للشركه اني ابي الامامي شفاف بس الشفاف الي عندهم ما طلع مثل ما توقعته يعني انا كنت ماشي بطريقة نظاميه ..
وبالنسبه للعج والاصفرار انا ما اقصد التضليل انا اقصد الحمايه الي بقدمة السياره ..
بدور لك صور ان شاء الله قبل لا افك الحمايه و صوره للشلخ بعد ..

---

هلا أخوي ..
بالنسبة للتظليل وإنه يطلع بسهولة .. فوالله ما لاحظت أي شي .. يعني تحسست أطراف التظليل بأظافيري وحسيت إنه قوة اللصق أوكي ..
لكن بأمانه ما جربت أستخدم أي أداة حادة .. وحتى وإن كان ينفتح بمفتاح أو غيره .. فأطراف التظليل عادة مع أقصى حدود وأطراف
الشباكـ أو الواجهة .. وصعب أي شي يوصل لهذا المكان ويأثر على التظليل ( في الوضع الطبيعي ) .. إلى إذا عندكـ أطفال ويحبوا التقشير هذا وضع ثاني :d

بخصوص لون التظليل الشفاف .. فوالله ما أدري يمكن هم ما فهموا عليكـ أو حصل خطأ معين .. وركبوا لكـ لون غير الشفاف ..
أنا سيارتي ركبت عليها تظليل شفاف والحمدلله اللون مثل لون الزجاج ما فرق عنه شي ..

بس أتوقع لون تظليل الجوانب اللي انت مختاره خصوصاً الخلفي ثقيل نوعاً ما .. فالسيارة من الداخل صار ما يدخل لها ضوء كثير ..
وبالتالي اللي يشوفها من قدام يحس إن فيها تظليل .. بينما هي مافيها شي ..

( مثال : إذا سيارتكـ من الداخل لونها فاتح .. أبيض أو بيج مثلاً .. ممكن تركب تظليل 02 وتعدي من عند المرور بدون مشاكل
لكن لو سيارتكـ سوداء أو بني من الداخل وركبت 01 صدقني في مواقف كثيرة راح تنظلم والمرور راح يعتبروه مخالف بالرغم من انه نظامي :eek:)

<<< إسأل مجرب :rolleyes:

بالنسبة للحماية الخارجية .. بأمانه صعب أحكم لأن فترة إستخدامي كانت قصيرة جداً .. بعدها السيارة راحت في حال سبيلها ..
والآن أنا مركب تظليل فقط بدون حماية ..

عموماً .. رأيي أولاً وأخيرا .. حتى لو شحنت السيارة لليابان ولا أمريكا وظللتها في أفضل مصنع على مستوى العالم ..
أعتقد التظليل راح ينعدم تحت شمسنا اللي ما ترحم هذا أولاً .. والشي الثاني بسبب سوء إستخدامنا وأطفالنا الله يحفظهم ..






بالتوفيق للجميع يارب ..