نرجوا من الاخوة الكرام بعد إذن الادارة وضع اسماء للورش المتخصصة في الهودندا اكورد حسب مدن المملكة ونرجوا وضع التجربة مع الورشة. ويمنع وضع الدعايات. ولكم جزيل الشكر.
عرض للطباعة
نرجوا من الاخوة الكرام بعد إذن الادارة وضع اسماء للورش المتخصصة في الهودندا اكورد حسب مدن المملكة ونرجوا وضع التجربة مع الورشة. ويمنع وضع الدعايات. ولكم جزيل الشكر.
اموري في السيارة اعدلها باللين والرفق بنفسي او اعدلها في الوكالة
لم ارى في ورش الصناعية غير العنف والسوء
اذا اردت تصليح شيء خربوا اشياء كثيرة
لما كنت صغير وتخرجت من الثانوي رحت اشتغلت ميكانيكي باحد تلك الورش بحكم ان السيارات لدي هواية وايضا فرصة لتجميع المال لاجل الجامعة
كل شيء عشوائي ولا يهمنا
جتني فرصة وتوظفت في قسم الميكانيكا بشركة فورد توكيلات الجزيرة والمهندسين الامريكان كانوا يعلمونا اشلون الاشياء تشتغل لاجل نعرف نصلح لكن في الورش نخمن اذا تصلح مضبوط واذا لا معناه نروح للخطوة اللي بعدها لكن في فورد وبمهندسين امريكان كانوا بالثري دي يعلمونا كل شي كيف يشتغل وايش الاعطال اللي تنتج منها وكلنا يكون معنا ورقة وقلم وقت المحاضرة وبعده محاضرة تطبيقية
علشان كذا اللي اعرفه اصلحه بنفسي واللي يكون غريب علي اصلحه وانا مرتاح في الوكالة وماشاء الله الوكالة اسعار شغل اليد رخيصة مقارنة بتويوتا وفورد
يكفي وزن البلوف 250 لللاربع سلندر والزيت ب 110 مع السيفون ويعبون لك موية ويربطون لك تحت وينظفون صح ويكفي ان شغلهم مدربين عليه يعني انا يوم جيت اغير الفحمات رحت بالعمد وغيرت عندهم لاجل اشوف اذا فيه شي غريب ولا لا وفعلا طلع فيه شي غريب وهو انه فيه وزنية تسويها في الجلنط وفيه طريقة تتاكد منها تحت وراني اياها الفني
جربت ورش هوندا بالرياض لما استعملت السيفيك مثل ورشة المنصورة ورشة الجنوب ورش هوندا الصناعية القديمة غالبهم يعرفني بسبة السيفيك وكلهم شغلهم اعوذ بالله
اللي تعرفه سويه بنفسك واللي ما تعرفه خلي الوكالة تسويه نصيحة
اقتباس:
المشاركة الأصلية كتبت بواسطة بلال العلمي
ليش دائمآ تعقدون المواضيع !!!!!!
الرجال سأل عن ورش مضبوطة وأنتوا فتحتوا له موضوع طويل عريض
وبعدين مش كل الناس تعرف تشتغل بنفسها على السيارة
وأتفق مع أياد ، مش كل شي الوكالة
قبل ماصبرني على الوكالة ودلاخة بعض الموظفين الا الضمان
انا غلطة حصلت في الصيانة وأنا موجود عندهم لكن ماحبيت أذكرها قبل وخلني أفيدك
( تغيير زيت القير )
طبعآ ننصح الكل يعملها في الصيانة علشان غرض واحد بس وهو لأي خطأ تتحملها الوكالة مع وجود مايثبت وكلنا عارفين القير وطلعاته
الغلطة كانت : الأخ الحبيب نزل الزيت وجاء وقت التعبئة
1- المحقان < مادري وش أسمة بالعربية مضبوط لكنه معروف ونسميه محقان الزيت : المهم صغير وغير مطابق لفتحة القير
الحبيب صب زيت القير وأنا على راسة ( علبة كاملة صارت على أرض الصيانة )
طيب مادام من البداية والمحقان مايركب ليش تكمل ،، المهم حصل كلام بسيط بيني وبينه ونقاش حلو ولاتفكرون مضاربة وهواش بل كلام حلو وبأسلوب وراح جاب علبة جديدة ويتحمل سعرها هو .
وصب الزيت وتأكدت تمام انه مش ناقص وماقصر حس أنه غلطان وراح غسل الماكينة والدوام مخلص وبكل أمانة الرجال ماشاء الله قمة بالأخلاق
يعني مش كل شي الوكالة ..
مثال ثاني .. حبيبنا وأفضل أنه يجي ويكمل السالفة يقولك في الصيانة تحرك وطلع منهم الا الحرارة مرتفعة قبل مايبتعد كثير عن الصيانة وطلع الأخوان بالصيانة ناسين يعبون زيت للماكينة
أغلاطهم كثيرة وبعدين مانفعهم في الصيانة والأمور سهالات عندهم الا شغلة فك وركب مثل مانعرف الصيانة ماتصلح وعلى طول بدل بجديد يعني وين الخبرة
مانطول مع اعتذاري لصاحب الموضوع بالمداخلة الغلط :)
ورشة الجنوب في صناعية أم الحمام
ركبت عندهم سنترلوك ( تجاري ) للبابين الأماميين منذ حوالي 5 شهور وإلى الآن شغالين والحمدلله.
وغيرت عندهم لمبة نمر الجير ، وخربت بعد أسبوع تقريباً ، واعتقد المشكلة من كهربة سيارتي.
ورشه جنوب هوندا في الصناعية القديمة الرياض واهم اصلن كانو شغالين بالوكالة وتقبلو مروري
كلش إلا هالورشه يوم وديت لهم السيارة وفيها صوت بالمكيف قال لي الباكستاني صديق ما في معلوم روح وكالة وسوي فهس كمبيوترررررراقتباس:
المشاركة الأصلية كتبت بواسطة عشقي لسيارتي
اخوي يالمباشر
كانت معي سيفيك لفترة وشفت شغل الورش
كانت حرارتها ترتفع ودخلتها ورشة وسويت كل الامور الطبيعية اللي يقولونها مثل تغيير الموية وتسييخ الرديتر و تغيير نوع الزيت في النهاية وبعد الصرفية هذه قالوا لازم تمسح الراس وتشتري وجيه راس
وسويتها ومع ذلك فيه حرارة هي طبعا عين لكن بكل بساطة دفعوني والحرارة مرتفعة دفعوني فلوس التركيب والفك والمخرطة وحقي راح بكل بساطة
لو الوكالة اقول الحرارة مرتفعة بيعطونك تشخيص واضح بحيث اذا ما انحلت المشكلة تعفى من الدفع وهذا اللي ميز الوكالة
وعندك مثلا شي ثاني تغيير الفحمات يالمباشر انت اعتقد غيرت فحماتك برة هل سووا لك وزنية للجلنط ؟؟؟ هل عرفوا اصلا من وين يتسوى وزنية للجلنط ؟
اخوي المباشر الورش اللي برة القى معهم العنف في شغلهم وفيه امور كثيرة ما يحتاج فيها عنف مثلا لما تجي تصلح الفرامل عندهم اشوفهم معهم شواكيش علشان يرجعون البستم للداخل وهي الشغلة مسمار تربطه بحديدة وتدف البستم داخل والورش العادية تضربه بشاكوش
ما عمري شفت نظافة في اي ورشة من ورش هوندا واللي دايم الاحظه اني اصلح شي ولاجل يفكون ويصلحون الشي القى معه اشياء كثيرة خربت
ما انكر يالمباشر الوكالة عندهم اخطاء بس يتحملون الاخطاء هذه وانا لو مكان خويك كان قلت ابي مكينة جديدة لان المكينة خلاص تاكلت
يعني اللي صار لخويك من التاكل ما يصير الا بعد 5 -6 سنوات
كونه الحرارة ترتفع بسبب نقص الزيت شوف الاحتكاك والحرارة مع بعض تخلي الشنابر تتاكل يعني شغلة شهور وتنعدم الشنابر
بس هم يتحملون كل شي ولا ما فيه شي كامل غير الله سبحانه
اقتباس:
المشاركة الأصلية كتبت بواسطة ملك مملكة جدة
فني الصيانة في الوكالة ما يعرف الا اللي في سيارتك بس وما يعرف الا اللي علموه المهندسين اليابانيين بس
يعني لو تقول له فلتر رياضي ما يعرف ولو تقول له عن امور التزويد ما يدري هو اللي يعرفه اشلون يصلح سيارتك واشلون يغير القطعة بسلاسة وبنظافة وبس غير كذا في شيء غير شغله ابد ما يعرف
انا عندي الفرفر الايمن يبي له تعديل ورش بويه
نصحوني شباب بورشة الوفاء الي على بداية الدايري الجنوبي
وان شاء الله ابي اروح لهم