سويت حادث بسيط وسيارتي هوندا اكورد فل كامل v6 والتامين التعاونية شامل افيدوني

السلام عليكم


سيارتي هوندا اكورد فل كامل 6 سلندر 2016


قدر الله علي اليوم وسويت حادث بسيط وجت بالصدام الخلفي راجع ريوس وجا واحد بلفه وصدمني من الخلف






السيارة اجار منتهي بالتمليك من البنك الاهلي والتامين التعاونية "شامل"


من ضمن شروط التامين مايشمل اذا كنت عاكس سير لاني راجع ريوس بشارع خدمه وجا واحد من لفه


انا عاكس سير والا !


الشي الثاني التامين يشملني بالتصليح كامل والا ادفع رسوم!


وتنصحوني ادخل السيارة وكالة والا ادخلها افضل ورشه بصناعيات الرياض


لاني السيارة توي مطلعها شهر 2 توها م كملت 6 شهور




واذا دخلتها وكالة يعطوني سيارة بديلة والا لا !

واقدر السيارة بشيخ معارض والا وكاله!


ياليت اللي عنده خبره يفيدني في هالشي اذا م عليكم امر

الحمدلله على السلامة ومعوض خير .
بالنسبة لك عاكس سير او لا هذا حسب تقرير نجم وش كاتب عن الحادث .
وتقرير نجم هو اللي يبنى عليه طريقة التصليح اذا يغطيه التأمين الشامل يتصلح على حسابهم ولا تدفع شي والتقدير يكون بالوكالة النظام أتوقع آخر ثلاث موديلات تقديراتها وكالة.

لكن لازم تعرف حقك وقرى شروط العقد في التميلك حتى تضمن حقك لانهم يلعبون كثير.


ومعوض خير يا رب.