ناوي أغيرها من كونها و لونها :p
السلام عليكم ،،،
يعطيكم العافيـة شباب ،، عيدكم مبارك و كل عام و أنتم بخيــر ،،،
[ame]http://www.youtube.com/watch?v=Klhky0b-EyA[/ame]
من قبل فترة صابني حادث في الصدام الأمامي للسيارة ، كانت صدمة قويـة وشكلي مجبور اني ادخلها للورشة :mad:
بس قلت مرة وحدة الصدام الخلفي بعد اعدله ( مطعوج على اليمين و فيه ثقبين من مسمارين ، كيف دخل المسمارين الله و اعلم هع )
طبعا الصدام الأمام الضربة الي جته أثرت على الجسر شوي ، و صار الكبوت زايح شوي جهة اليسار ، المهم انا سعرتها عند الورش تعدل الصدام الأمام و تعديل الإزاحة الي صارت بسبب الصدمـة و تزبيطها كلها بـ 1200 ريال ، مي مشكلة بالنسبة لي لأن التأمين بيعطيني حول الـ 3410 ريال
فهذي 1200 ريال راحت على الصدام الأمامي
طبعا الصدمة أثرت على النور الأمامي الأيمن تأثير بسييييييييييييييييييييييييييييييييييييييييت جدا جدا ( الزجاج الداخلي انكسر في جزء بسييييييييييييييط ) لكن النور شغال و ما يبين اصلا انه مكسور ،،
فاحتمال ما أغير النور ،، بس أحتاج أسوي تنظيف للنورين لأن أحس أن الضوء الي يطلع منهم ضعيف مررررة ، علما بأن البطارية أوكي بس بسبب الغبار و العج الي صاب النورين اتكون الإضاءة خفيفة ، فسؤالي الأول هو
وين مكان في الشرقية يسوي تلميع للنورين ، و بكم السعر تقريبا ؟؟؟
الشي الثاني الي راح اسويه هو تعديل الصدام الخلفي و باب السائق ،،
بالنسبة للصدام الخلفي قالوا لي ان بعدلوه بـ 300 ريال ، هل اتشوفوا ان السعر مناسب ؟
و بالتسبة للباب ، حصل له ضربة ما ادري كيف ، بس المهم ان بعدلوه بـ 400 ريال ، سألته ليش أغلى ، قال لأن بفك الباب و عفسه !!
عموما هذي 700 ريال و عندي من قبل 1200 ريال على الصدام الأمامي و تضبيطه
صار صافي الي صرفته بـ 1900 ريال
الي عنده فكرة عن أفضل الورش في تركيا الصناعية الي بالقطيف أو اي ورشة اتكون ممتازة في الشرقية لا يبخل علينا الله لا يهينكم ..
و عندي الاسطاب الخلفي مكسور ( الاسطاب مش الي جاي على الشنطة ، لا الاسطاب الخلفي الجانبي ) سألت عنه في الوكالة بـ 350 ريال تقريبا أصلي ، و التجاري بـ 150 ريال تقريبا ،، سؤالي ،،
هل يفرق الاسطاب الاصلي عن التجاري ولا لأ ؟؟
ثالث شي ،،، عندي في السيارة صوووت مزعج لما أمر على مطبة و لا بكس و انا بسرعه عادي يطلع صوووت في الكفر الخلفي الي على اليسار ، قالوا لي ان صوت البيرنق ،، قلت مرة وحدة اغيره ،،
احد عنده فكره عن سعره ؟؟
شي اخير بعد ،، الدركسون ،، يطلع لي صوت مزعج لمن ألف السكان و السيارة مصفطة مثلا ، أو توني مشغلنها و الف يطلع لي صوت حنحنة و زي الي ( يجيّم ) السكان لما ألفه ،، وش مشكلتـــه و كم يكلف تصليحه ؟؟
اخر شي ـ، بطارية السايرة رحت قست قوتها طلع لازم أغيرها ،،
وش ((((( أفضل بطاريـة )))))) من ايسي دلكو تنصحوني بـها للهوندا أكورد 2005 أربعة سلندر ؟؟
عذرا على الإطالة و يعطيكم العافيـــة :)