انوي تعديلات بعض الاشياء ابي ارائكم
السلام عليكم
اخواني ابي اركب بعض الاشياء بسيارتي الاكورد 2012 ابي نصايحكم
لقيت محل بحايل شكله كويس مع انه ما فيه الا هو الظاهر
قالي الجناح مع الرش ب 300 ويقول انه يبي ياخذ رقم اللون من عند الباب ويرشه على نفس اللون .
هل السعر مناسب وطريقتة صحيحة ولا لا ؟
وتجليد التندة اسود ب 250 ريال
واذا ابيه فايبر كربون اسود ب 500 ريال
الفايبر كربون شكله عادي ماهو اصلي
خط نيكل على الجوانب ب 150 ريال
وفيه خط ورا على الشنطة ب 150 وفيه ب 100
وسالته عن تركيب انوار تحت عن الرجلين حقت السواق والراكب وانوار على الابواب حق السيارة متصله ب 450 ريال
وسالته عنده عزل حراري قالي بوه ب300 امريكي و 150 كوري
والاصطبات يحط عليهن تجليد لون مطفي عشان يصير كانه اسود ب 80 ريال
وسالتة عن شكمان اخليه اكسسوار بس
بس ماعنده والنسافات بعد
والحساسات ودي اركب قدام وخلف بس ما عنده
عاد وش رايكم بالاسعار والافكار
تنصحوني اجزم ولا اصبر شوي علما ان اللي يركبهن سعودي ومن الحجاز
عاد تكفون انصحوني وارشدوني انا عليمي بالسياراة وودي اضبط
اذا فيه افكار زيادة لا تبخلون علي
وبالنسبة للعزل اسويه بهالمحل ولا اروح للحونسون وغيره \
