كل واحد عنده أكورد 2009 يجي ويمحط نصيحته لاخوكم ( اللون ياعالم اللون )

السلام عليكم ..


أخواني .. أنا عاشق للأكورد من زمان لكن ماكتب لي الله اني اقتنيها ابد .. :(
جربت كل السيارات الا هالسياره اللي احبها في الله :d

المهم .. انا ناوي هاليومين اخذ اكورد فل ابشن 2009 ان شاء الله ..
لكن بصراحه اللون محيرني .. رحت للوكاله وشفت الالوان

اعجبني ملك الالوان ( الأسود ) وأعجبني ايضا الابيض لكن الاسود اكثر ( اااه يالاسود )

افتريت في كل المواقع والنت ومنتديات السيارات ومن ضمنها هالمنتدى .. واستنتجت ان الاغلبيه
متفقين ان الاسود رائع لكنهم يقولون مايصلح .. ليش مايصلح ماني عارف .. عشان الحر يعني ؟؟
والله عندي يهون الحر بس النظره جناااااااان ؟...

وفي ناس يمدخون اللؤلؤي .. وش اللؤلؤي ؟؟ هل هو الابيض ؟؟
اللي عنده صوره يورينا او تكرمتوا ..

ابغة نصيحتكم ياشباب .. ابغى نصيحتكم الصادقه تكفون .. مع العلم اني متيم بالاسود <<--- يمديكم على الملاحظه ؟:d


وابغى نصايح ثانيه بخصوص السياره وقطع الغيار .. وش اكثر شي استهلاكي بالسياره ؟

وبالنسبه للوكالة هل تطول اجراءاتهم لأني ناوي اشتري كاش وانا ابشتريها من الخبر ( انا من الخفجي )

هلا بك اخوي خفجاوي منور المنتدى بأنضماكم معنا <<متعوب عليها:d

الصراحه من ناحية الالوان انا من وجهة نظري ان اللون العنابي والابيض << هيبه ;)

واللون الي تشوفه عاجبك خذه

الله يبارك لك

ومن ناحية قطع الغيار واستهلاك السياره ان شاءالله الشباب يفيدونك

ومبرووك مقدماً:):cool:

ومنور مره ثانيه يا غالي ,,,

تحياتي لك ,,

اخوك :: فيوزات رحيمه

سلام عليكم صباح الخير

انا يا اخوي العزيز انصحك بي الون الاسود بس لزم تغسل كل ثلاثه ايام

والله ان الاسود وبصراحه اذا تغسل يلفت الانظار

واعذرني يا اخوي ما عندي صور تحباتي للجميع

أنا من وجهت نظري اللون العنابي واللؤلؤي

اسوووووووووووووووووود
وادعي على من ظلمك;)

كأن الاسود عليها سيارة ثانية

مع كل عيوب الاسود

الاسود ذوووووووووووووووق

كل التوفيق لك

حبيبي خذلك يا أسود ياعودي وفي النهايـــة النـــاس اذواقهم تختلف انت خذ اللي يعجبك

عليكم السلام والرحمة والأكرام

مسألة الألوان مزاجات وأذواق

لاكن من رأئي الشخصي بالترتيب :

1- الرمادي
2- العنابي
3- الذهبي
4- الأسود
5 - الفضي
6- الؤلؤي

لو كان موديل 2006/2007 أقولك لاتفكر في غير الؤلؤي

لاكن على الشكل الاخير لاحظت الؤلؤي مو حلو

الله يوفقك ومبروك مقدما

انا كنت محتار مثلك ،،

الأسود مو سالفة حر .. سالفة أي خدش يبــان عليه وشف مواضيع اللي معهم أسود .. لكن يبقى ملك الألوان لكن بـ تتعب معاه كثييير ،،

العنابي نفس الشي ،،


اللؤلؤي له هيبه .. وانا اخذته وماندمت أبد ،، اللؤلؤي هو نفسه اللي تقول أبيض ،،

وبالنهاية الرأي رايك ،،

خذ اسود وتوكل على ربك ومبرووووك مقدما :)

اهلين اخوي انا اقول الاسووود <<ملكـ الالوان>>
شوف البوم الصور الخاص بي
فيه صور لسيارتي
http://www.hondaarabia.com/club/album.php?albumid=356

اولاً مبروك مقدماً
شوف يااخي انا معاي اكورد لونها اسود والله انها متعبتني توديها المغسلة
تلاقيها اليوم الثاني وسخة هذا غير الخدوش الي تبان فيها (لــــــكن)
انا ما اخذت هاللون الى حباً فيه
ونصيحتي لك خذ اللون الي يعجبك لا تاخذ لون ثاني وبعدين في يوم من الايام توقف عندك سياره لونها انت كان ودك تاخذه وتندم وتقول اه ياليتني اخذت هاللون وتحياتي لك .

هذا لون سيارتي اللؤلؤي والله لون حلو واغسله مره بالاسبوع وخله وبكيفك انت
http://www.hondaarabia.com/club/pict...pictureid=3804

اول شي مبروك اخوي والله يعينك على اختيار اللون بس انا ماانصحك بالون الاسود هو صح حلو بس يقولون والله العاالم يجذب الحراااره ونت شف مصلحتك وين والله يوفقك

الاسود حلو بس لك وقت تنضفة كل يوم:d

انا احب الر مادي غامج:cool:

لحظة أنا كأني طلعت خارج الموضوع
أنا أشتريت لون أبيض لؤلؤي رهيب أنسب شي لجو الخليج ولك حرية الأختيار.

الي في بالكــــ خذهـــ ولا تشاور أحد (( لو في مليون عيب ))

عشان بكرا ما تندمــــ

الابيض مطلع شكل الاكورد

انا مثلك اخوي كنت بس محتار بين لونين الفضي والرمادي غامق وكنت ميال للفضي بس في الاخير خذت الرمادي غامق وكلما شفت الفضي اتندم بس اهم شي ان كلهم داخليهم مو بيج ولا تخشيب لاني مااحب الخشبي اما النيكل طابع رياضي

وعندك اربع الوان الى خمس
العنابي لانه توه جديد
والرمادي لانه يغلب عليه الطابع الرياضي
والفضي كمان مثل الرمادي
والاسود ملك الالوان
مع ان هالاربعه الوان ماعدا الفضي تبهذلك بالنظافه وتضيق صدرك حتى لو كنت لابس خاتم يبين لما يحك بالبودي
واللؤلي رسمي ومرغوب لما تنوي تبيع
والذهبي ميزته داخل مع البيج

(الأسود وبس)
:A6rb.Com_26:

ماشاء الله

:o والله انا مع الون العودي (عنابي )
مررره روعه
وبالذات على الفل بيطلع جنان
ولو فيه عنابي على الكوبية كان اخذته بس مافيه الا احمر:(
وتر الون هذا مايجي الا على 2009
وتر لمعته ولقته زي الاسود

اخووي الون اللى عاجبك وداخل مزاجك خذه عشان ما تتحسف بعدين
وانا افضل اللون العنابي لانه لون جديد وروعه على السياره واللون الثاني اسود بس يبغى تغسيل واذا تبي نصيحتي اذا خذيت لون غامق غسله في الليل عشان الشمس مع الصابون والحراره ما تلعب في لون السياره

السلام عليكم اخوي اولاً الف الف مبروك
والله يعطيك خيرها ويكفيك شرها
نصيحتي لك والله اني انصحك من تجربه
انا كان عندي اكورد ابيض 2004
وبعدين بعتها وشريت اكورد اسود 2006
لاحظت فرق كبير صراحه الابيض كان شكله احلى ولا يحتاج غسيل بأستمرار والاهم من هذا كله انه كان في عز الصيف مايمسك حراره والمكيف يثلج على طول ولمعة السياره ومنظرها ماتغير الين بعتها
اما الاسود كان شكل السياره لما تتغسل خيالي
ولكن تلاحظ اثار مسح الفوط والخدوش
واكثر شي متعب فيه انه يمسك الحراره من برا وتوصل للداخل حتى لو وقفتها في الضل والمكيف يبرد لكن مو على طول وداخليتها تكون مسخنه شوي
وغير كذا انه يفقد لمعته ومنظره في اقل من سنتين مع اني كنت مسويله حمايه من زيبارت ومجددها مرتين لكن مافيه فايده
على العموم انا اتمنى لك الخير وماقصدي اني اخرب عليك لو كنت معزم
لكن الابيض مريح وتستمتع فيه مده اكثر
والله يوفقك
اتمنى ردي مايضايقك انت وبقية الاعضاء

اول شي مبروك ثاني شي ياخي الاسود اذا غسلة السيارة تصبرلها شوي ولاهي متوسخه

وثاني شي الاسود يمتص الحراره واما الؤلؤي هو الابيض بس مضاف عليه الؤلؤي

والي تشوفه خذه بس حافض على السياراة

السلام عليــــــــــــــــكم


أنا مطلع قبل شهر تقريبا ,,, أســــــــــــــــــود ,,, :cool:

وهوا صحيح يتعبك بالغســــــــــــــــــيل لكن لووون ولاكل الألوان ,,, :mad:

والنــــــــــــــــــاس أذواق ,,, ;)

الابيض هو ملك الألوان صدقني بتدوخ وتحتار وفي الأخير مالك الا الابيض
والدليل شف الهوندا اللي من سنتين بس بتحصل الابيض هو اللي محافظ على لمعته ومنظره:cool:
وفي الاخير الناس أذواااااااااق