شباب ابغى مساعدتكم تكفوووووووووووون
سيارتي أكورد 2002 الاسبوع الماضي رحت فيها مشواريين للدمام ولما اوصل ال 140 ترتفع الحراره ولما انزل عن ال 140 تنخفض الحراره :confused::confused::confused:
طبعا لما بردت السياره لقيت الماي ناقص شوي وعبيتها
وش تنصحوني فيه ؟؟؟
العله من ايش ؟؟؟؟
الماي
او
تحتاج الى تغير الزيت
شيك على الرديتر , ممكن يكون فيه تهريب
والأفضل توديها لورشة يشيك عليها
1-شيك على الرديتر من التهريب او التنسيم وشيك ايضا على الليات طبعا عن محل رديترات
2- تأكد من عمل مراوح التبريد
3- اذا الرديتر مافيه عيب والماء ينقص منه بشكل مستمر او وانت واقف بالسياره فجأة ترتفع الحرارة شوف طرمبة الماء يمكن خربانه
4- اذا الرديتر والمراوح والطرمبه مافيهم عيب والسيارة مثل ماتقول كل ما اسرعت زادت الحراره فيكون السبب (للأسف) رأس المكينه
لكن ان شاء الله المشكله صغيره
السلام عليكم
نفس المشكلة هذي صارت في سيارة الوالد
و ماجلس ولا ورشة الا مر عليها وكل واحد
يجيب لة كلام اخر شي راح لواحد وقال المشكلة
من الخرطوش كل ما اسرعت ينظغط الخرطوش
ويقل الماء وغير الخرطوش وكل شي طلع تمام
لاكن انت تاكد من الخرطوش ادعس بنزين وانت
واقف وشف الخرطوش ينظغط ولا لا
اتمنى اني اكون افدتك
مشكورين على تفاعلكم الجميل معاي
انا مقتنع انو الخراطيش تحتاج تغير من زمان العضو المتقاعد الحمد لله احسك اكدت لي هالشي بس السؤال اللي يطرح نفسه !!
هل يحتاج اسوي تنظيف او تصييخ للراديتر بعد ما اغير الخرطوش ؟؟؟؟؟؟؟
شوف اخوي الزم ماعلى الانسان الحراره والمكيف في هالصيف الجبار لذلك نظف الراديتر وصيخه وزبط الامور وبدل الخراطيش احسن من انك يوم من الايام وانت طالع الظهر مشوار والشمس عاموديه ماتشوف الا الحراره على حرف اتش ههههههههه
مادام انك راح تغير الخرطوش صيخك الرديتر على طريقك
غريبة انه يحتر على السرعات العالية
تأكد ان منافذ دخول الهواء مفتوحة
واذا كنت مغير شبك أو صدام السيارة تأكد من منافذه
وتأكد من فلتر الهواء ان يكون نظيف
وأهم شي موية الراديتر وانتبه تخلط موية حمراء مع موية خضراء
والله يعين
1- صيخ الراديتور مع التنظيف الكامل وصب مويه ممتازه عاد مادري وش الأحسن الأزرق ولا الأحمر مع أقتناعي بالأزرق انه أفضل وشوف قطع غيار الوكالة
2- بدل الخراطيش ( الحرارة هالسنة راح تكون شديده والأفضل تغير كل شي جديد علشان ماتتوهق )
3- غير بلف الحرارة
4- ركب غطاء جديد للراديتور
5- تأكد من الثرموستات
6- مثل ماقالوا الشباب تأكد من المراوح وتوصيلاتها يمكن توقف وتشتغل
وان شاء الله تزين أمورك وتتهنى بموترك :)
لو تغير الخرطوش وتصيخ الرديتر يكون افضل لان الوالد
غير الخرطوش وصيخ الرديتر وطلع كل شي تمام
مشكورين يا شباب على مروركم ومشاركتكم
أبشركم أمس صيخت الراديتر والله لا يوريكم كان مررررررررره وصخ ومسدود
لكن الحمد لله صيخته ونظفته وصار الوضع اوكي ..
العامل الباكستاني شيك على الخراطيش وقال ما يحتاج كويسين وبالنسبه للبلف مغيره السنه اللي راحت .
ايه صح قبل ما انسى غيرت الغطاء وكان تعبااااااااااااااااااااااااان يمكن هذا سبب يخلي الماي ينقص .
واجهتني نفس المشكله
1- المراوح عندك مع السرعه العاليه ما تشتغل مظبوط
2- الرديتر الافضل تغيره اصلي
البلف تاكد منه يفتح ويقفل تمام او لا
3- نظف المكينه من داخل عن راعي الرديترات يطلع الصدا والترسبات داخل
تاكد من طرمبة الماء تقلب الماء بسرعه ولا بطياه
اخوي ك ص ل
انا اقول انه من الخرطوش مثل ما قال اخوي المتقاعد لانه مع السرعه العاليه
الخرطوش ينصفط والمشكله هاذي باغلب السيارات اذا الخرطوش قديم
لانه بعض الخراطيش تجي مبطنه من داخل بحديد على شكل دائري
اذا تقول مراوح وانت مسرع ( اصلا المراوح توقف وانت تمشي بالسياره )
لكن اقول لك شيك على الخراطيش وشيك على غطأ الاديتير
والافضل مع الشغل هذا تنظف الاديتير (تسييخ) وتغيير المويه ( اي سي ديلكو)
لانه الافضل بالاسواق عندنا او اشتر من الوكاله
وياليت اكون خدمتك
اقتباس:
المشاركة الأصلية كتبت بواسطة ك ص ل السعودية 9 2 2
الرجال خلصت مشكلتة بتصيخ الراديتور وتنظيفه :)