تجمـع الرياض - الثــــامن..

السلام عليكم ورحمة الله وبركاته
http://hondaarabia.com/club/picture....&pictureid=351
كيفكم ان شاء الله مبسوطين
ومتجهزين للعيد .. واموركم طيبه
وين ايامنا وين .. وين قضيناها ..

راحت بغمضة عين .. يامحلى ذكراها..
ابكي على الاحباب .. ودمعي على الخدين .. والله ياحباب .. ايامكم مانساها

مانبي نطول بالكلام الموضوع هذا مجرد نقاش واستطلاع

حول وقت التجمع باي تاريخ

وهو راح يكون
الاربعاء-الخميس-الجمعه

ثلاثة ايام الي بيجي من برا ووده ينام مافيه مشكله
وفرنا عنه السكن ومبلغ وقدره
اهل الشرقيه- والغربيه - والشماليه- ان شاء الله بيشرفونا

وان شاء الله التجمع راح يكون قوي وحيكون فيه حاجات كويسه

خصومات-عروض-تركيب-بيع-جوائز

وش رايكم التجمع يكون في

11-10-1430هـ
30-سبتمبر(9)-2009م

او

18-10-1430هـ
7-اكتوبر(10)-2009م

طبعا كلها توافق ويكند

وان شاء الله التجمع راح يكون بجنوب الرياض

والقطه راح تكون
؟؟؟؟

اليوم الي تجي فيه تدفع قطته ..

التصوير والاستعراضات والفعاليات كلها يوم الخميس

نتمنى لقياكم
http://hondaarabia.com/club/picture....&pictureid=348

من الافضل يكون التجمع في
18-10-1430هـ

حتى تتم التجهيزات بشكل افضل

اخيرا ً تجمع الرياض التـاسـع :)

اصوت لتاريخ

18-10-1430هـ

عشان يمديه الواحد يضبط اموره ويخلص اشغاله وبنفس الوقت يكون عنده علم بالتجمع , عشان محد يجي ويقول ماقلتو لي !!

والله انا اقووول في 18 اوكييييييييه

والله يقووويك اخوي محمد .. وكل عام وانت بخير ..

وعليكم السلام ،

وهو الأفضل .. :d

تم التصويت 18 شــــوال ،

وإن شآآآء الله معآآآكـُم ..

الله يوفقكم بتجمعكم
بودي اكون معكم واتعرف عليكم بس هالدنيا مشاغلها ما تخلص
بس ان شاء الله راح يكون تجمعنا بالشرقية في الايام الجاية
(((( ترقبوه ))))
ونتحداكم يا اهل الرياض خلونا نشوف وش احسن تجمع هالسنة

18- 10 وهو كذالك

تووك تقولي ؟؟؟ <<اطلع برا :d

18 افضل وتم التصويت والاطلاع :p

والله يقويك

وعليكم السلام ورحمه الله
18/10هو المناسب وتم التصويت على ذالك وإنشاء الله نشوفكم
وكل عــــــــام وأنتـــــم بــخيـر

اقتباس:

---

المشاركة الأصلية كتبت بواسطة محمد بن عبد العزيز

اهل الشرقيه- والغربيه - والشماليه- ان شاء الله بيشرفونا>>>افا عليك يابو حميد والجنوبيه مالهم رب :d

---

كنت بجي في رمضان الرياض لكن حسبي الله على الوكالة جلست طلبية شريحة البوري تقريبا شهر واسبوع !!!!
وبعد ماجت ركبتها قلت مره وحده يشيكون عليها بعد ماشيكو طلعت السيارة عندها سرطان وجلست عندهم تقريباً اسبوع وكلفتني 4320 ريال وقلت اخر يومين في رمضان مالها داعي افطر في الخط خلها صباحية العيد و كنت اليوم ماشي الرياض بعد صلاة العيد لكن صار ضرف وبمشي انا واخوي بإذن الله يوم الثلاثاء او الاربعاء عاد اذا جيت هناك ان شاء بمركم ونتكي سوا وهذي امنيتي من زمان اني اشوفكم ونتعرف على بعض اكثر..
يارب يسرها..

بتتسهل ان شاء الله

واهل الجنوبيه فيهم الخير والبركه بس ماشفنا احد منهم
>>علشان كذا ماضميناهم باللسته
>>يبي يدور تصريفه:d

يالله شد حيلك ونورنا ياصاحبي

وحياك باي وقت ..

ليش مانسوي قائمة بالأشياء إلي نجيبها

مثل زمان اول شاهي ومكسرات وبارد << بربيكان او وهولستن رمان او فراولة :d << وين جوزيف

وكل يوم من أيام التجمع له قائمة خاصة للي يقدر يجيبه , ( من غير تكلفة على الشخص )

هو راح نرتاح من كثرة الاغراض إلي راح تصير موجوده :)

لاتستعجل ..

باقي خير طال عمرك

والطلبات امرها هين ..

انا اقوول 18\10 حلو
الله يقوييكم
بإذن الله بكوون مووجوود
تحيااتي..

السلام عليكم و رحمه الله وبركاته

كل عام وأنــتــم بخير

وعساكم من عواده


تم التصويت يوم 18/10 / 1430


الله يقويكم وإنشاء الله راح أكون موجود

بس في سؤال : وين في جنوب الرياض ولا ما حددتم المكان ؟

وش ذا الحظ يوم صدمت على الاكورد تبون تسون اجتماع:d

عاد مافيه امل اصلحها هالحين الميزانيه كلها راحت بالعيد واليوم الوطني

مهي مشكله نجيكم على الاوريون بس مهو تكرشوني تراي خويكم بس متنكر:d

انا معاكم في 18 ويا الله التوفيق

اخيرا ً تجمع الرياض التـاسـع

اصوت لتاريخ

18-10-1430هـ

اصوت لتااريخ 18/10/1430 بس وين في جنوب الرياض انا من شرق الرياض

يعطيك العافيه


وشوووف 18/10
احسن
ونكون قدامكم هع هع

أخوي محمد بن عبدالعزيز المكان وين في جنوب الرياض

بالله عليك حدد قبل الموعد بـ 3 أيام علشان نطلعه من الخريطة ههههه

لا أمزح بس حدد الموقع بالضبط لاني من شرق الرياض

قبل الموعد بوقت كويس راح يجيك الوصف

تسلم يا قلبي على أهتمامك

كذا اوكيه من بدري يكون عند الجميع خبر حتى يمدي الشخص يخلص أشغاله الله يوفقكم وإنشاء الله

نحظر معاكم والله ماأعرف حد بس مو مشكله هنادي لعيون بلادي ولعيونكم كمان إنشاء الله بس يكون التجمع زين وبعيد عن الدوريات والحكومه لاني ماأداني حاجه اسمعها حكومه
يلا الله يقويكم ويوفقكم وكل سنه وانتوا بألف صحه وعافيه

^^^^^^^^^^^^^
ماتعرف احد افلقني بعد التجمع هذا ان فووووت تجمع واجد بس بشرط انك قبل ماتدخل الاستراحه توقف على جنب وتنزل الحياء:d وتدخل الاستراحه هذا الكلام مو لك لحالك للجميع :)
ترى اذا استحيت ماراح اخليك تلعب كورة عشانك ماتفهم في الكورة:A6rb.Com_67:
يالله نشوووفكم على خير

السلام عليكم ورحمة الله وبركاته
انشا الله اني معاكم اذا ما تغير شي
تحياتي