شباب ابي اسالكم عن الاكورد 2012

السلام عليكم ورحمة الله وبركاته


اول شئ انا اتشرف بوجودي بينكم في هذا المنتدى الرائع والشكر يعود لكم اعضاء ومشرفين. انا انشاء الله راح ادخل عالم هوندا من اوسع ابوابه وابي مشورتكم في الاكورد 2012 فل كامل ست سلندر لا احد يقول 4 سلندر احلى وارخص انا متعود على 8 سلندر وبالنسبه للسوق رحت وشفت الافلون وكنت بشتريها لكن الللي رفع ضغطي فيها هوو تركيب شاشه تلفيق هذا اول شي والشي الثاني تسعيرة عبداللطيف جميل اللي مدري وش تبي بالنسبه لنظام التأجير يعني احسبوا معي سعر الافلون فل كامل 140 الف بعطيهم 70 الف مقدم قالوا لي كل شهر 1950 لمدة 48 شهرا ودفعه اخيره 40 الف ريال =203600 ريال. المهم سحبت عليهم وكان خياري الثاني هو الاكورد واللي عجبني اكثر فيها الشاشه الاصليه مو مثل تويوتا المهم مالكم بالطويله<يزعط ماطولها:d كيف الاكورد بأختصار لاني والله ماعمري ركبت اكورد وولا سقتها بعد بس في الوكاله قالوا لي بنخليك تجربها.الاكورد الفل بـ 138 الف وبالتقسيط 152 الف شوفوا الفرق بس . اذا فيها عيوب قولوا لي وهل الخرابات اللي لاحظتها بالمنتدى لسه موجوده في 2012..؟؟

تقبلوا تحياتي واعذروني اذا طولت عليكم.

السيارة رائعة و ممتازة و اعتمادية و اقتصادية

و حلوا كل العيوب اللي كانت بالموديلات السابقة <<<(على ذمة مشرفنا بلال:d)

السيارة ما يعيبها شيء ما عدا الأشياء التكميلية التشغيل بزر و الدخول الذكي :rolleyes:

و ربي يباركـ لكـ فيها ,,, :)

الله يسمع منك حبيبي وبالنسبه للكماليات ماتهمني اهم شي رساوة الموتر وبعدين عندي سؤال النور هو اتوماتيك يتحرك معى اتجاه السياره مثلا..؟

انصحك ُ تجرب ُ السيآره ,. . . : " )


ومآرآح آمدحلك السياره علشانها مثلآ عندي او شيء مثل كذآ :)

السياره بالرساوة مايحتآج رآسيه ماشالله . . .

بس في مشكله واضاهر راح تصب لصالحكُ . . . وهي

ان نآدر تلقى ورش تعرف تصلح سيارات هوندا . . . يعني افضل لك الوكاله

ولا بقية الورش نادر تلقى فيهآ , , , رحت لوآحد اقوله المكيف خربان .. يقولي المكينه :d

وآستخر وبتوفيق . . . : )

اقتباس:

---

المشاركة الأصلية كتبت بواسطة PrinceOps24

الله يسمع منك حبيبي وبالنسبه للكماليات ماتهمني اهم شي رساوة الموتر وبعدين عندي سؤال النور هو اتوماتيك يتحرك معى اتجاه السياره مثلا..؟

---

اي نعم هاذي في 6 سلندر اوتوماتيك أما 4 سلندر يدوي :rolleyes:

و الرساوة ما يحتاج :cool:

:d لا ماعليك انا كل 50 الف اروح اسوي صيانه وبعد مااسويها بالوكاله لان الوكاله يمشون على جدول الصيانه مايدرون وين اروح وكيف سواقتي وديها احد الورش سوي فحص كمبيوتر بـ 200 ريال وصلحها انت على كيفك... بس هل يوجد بها ستاره خلفيه كهربائيه سمعت يقولون بالاكسسوارات تحصلها.؟

والله مدري وش تحس به ^ ^
الحين تترك الافالون عشان الشاشة التلفيق !!!!!
حتى الفي اكس ار ابو 250الف نفس شاشة الافالون للعلم
والله مع احترامي لك الافالون افضل في كللللل شيء اما الشاشة لا تاخذ بشاشة ملاحه وخذ المسجل اللي يجي من المصنع الاصل
والله الافالون عن تجربة افضل في كلللللللل شيء نصيحة لك خذها افضل من الاكورد والراي لك
مشكلة الاكورد في فراملها وعزلها الارضي والمواااااصفات
مااتوقع فيه ميزة للاكورد 6سلندر عن الافالون الا الشاشة الاصلية+صرفية البنزين

لكن ان كان قصدك في السعر فالله يوفقك
والراي لك اكورد او اوريون :cool:
الاوريون بتنزل شكل جديد متغير كليا بعد كذا يوم اما الاكورد بعد 8شهور تقريبا بينزل موديل 13 اللي بيتغير كليا عن الشكل الحالي


الله يوفقك ويكتب لك الخيرة

مجرب الافلون ٢٠١١
ومعي اكورد ٢٠١٢


الشكل الرساوه العزل القوه الفخامه المميزات و و و ... الخ كلها للافالون

ولو خيروك بين افالون بدون شاشه وبين اكورد بشاشه ( خذ افلون بدون تفكير )

بس لاتستعجل وجرب تسووووووقها الاثنين واحكم بينهم والله الافلون بدوون مناااااااازع

اذا انت راعي تعديل (فلاتر ويايات وهدرزات الخ) عليك با لستة سلندر

اما استعمال طبيعي انصحك بالاربعة

بالنسبه للأفلون انا مجربها وماسك عليها خط الى الامارات بس السعر اللي فرق معي والاكورد ماعمري سقتها بحياتي بس بجرب في الوكاله والله يكتب اللي فيه الخير وبالمناسبه ترى استخرت وقلبي على الهوندا.

والله يالغالي حالك من حالي

حتى انا محتار بين اكورد سته فل كامل ولا افالون

والقلب نفسك يقول اكورد والى الحين متحير

وبالنسبه لسعر الاكورد اللي راح يطلع لك 152 ياليت تفيدني اكثر يعني اقصد كم راح تدفع لهم لان انا اللي حاط براسي انا راح ادفع حول 60 او اكثر,, كم القسط قالوا لك وعلى كم سنه؟؟

واسف ع الاطاله

معلومة مهمة :: حسب كلام الاعضاء ان الاكورد الي بشاشة ماتشغل افلام dvd & vcd يعني مجرد شاشة gps وماعليك من الموظف لو قالك انها تشغل افلام

والحاجة الثانية ردا على الاخ أحبك يالاكورد : ترى اخوي عنده vxr 2010 وشاشته شد بلد بستة سديهات وتحكم بالمكيف حالها حال اللكزس وفيها نظام jbl الصوتي بعشر سماعات تقريبا

تحياتي

الاكورد فئة والافالون فئة اخرى

ومع ذلك الاكورد ارسى من الافالون في الخط لكن الافالون افضل من الاكورد في العزل

مع احترامي لاخوي بلال

بس الي معي اكورد فل ٢٠١٢ واخوي معه افلون ٢٠١١
والله الافلون ارسى خط وعزل وكل شي
الاكورد قاسيه خصوصا بالمطب

اقتباس:

---

المشاركة الأصلية كتبت بواسطة abuziyad

مع احترامي لاخوي بلال

بس الي معي اكورد فل 2012 واخوي معه افلون 2011
والله الافلون ارسى خط وعزل وكل شي
الاكورد قاسيه خصوصا بالمطب

---

اخوي بالنسبه للمطب ما لاحظت ابدا ابدا قساوه في مطب الاكورد سواء موديل 2006 و 2009 اخاف انكم تمشون بسرعه على المطب او الكفرات ناشفه

اختلف الاراء

اقتباس:

---

المشاركة الأصلية كتبت بواسطة عاشق هوندا v6

اخوي بالنسبه للمطب ما لاحظت ابدا ابدا قساوه في مطب الاكورد سواء موديل 2006 و 2009 اخاف انكم تمشون بسرعه على المطب او الكفرات ناشفه

---

ممكن حد يفيدني كيف ممكن تكون الكفرات ناشفة ...؟
وماهو الحل الي ممكن أسويه عشان أحل هــ المشكله ...؟
لأن كفراتي قاسية ...!

انا سبق وشريت الاكورد سبشل لؤلؤي موديل 2008 في وقتها، شريتها واستخدمتها شهرين وبعتها وكنت خلال الشهرين سافرت الى مكة المكرمة شرفها الله ورجعت، ندمـــــــــــــــــــــــــــت اني بعتـــــــــــــــــــــــــها ومــــــــــــــــــــــــدري عقــــــــــــــــــلي كــــــــــــــــــــان يشتغل وقتـــــــــــــــــــــــــــها ولا خارج عن الخدمة مؤقتــــــــــــــــــاً :d :d :d :d ، اولاً سيارة فخمة لون جميل ، وانت راكبها كأنك راكب بي أم، من جوا لونها البيج وشكل المقصورة الداخلية ليست بعيدة عن البي أم، والله ودي اشتري 2012 لكني خايف تتغير 2013 واندم، بصراحة الشكل هذا تــــــــــــــــــوب ، اهم شي صلي صلاة الاستخارة باستمرار ويصلح تخلي صلاة الاستخارة في نفس صلاة السنة الراتبة، اللهم اضف الاستخارة قبل السلام من الصلاة، وراح تجمع بين الأجرين ، الأجر الأول سنة راتبة الأجر الثاني صلاة الاستخارة 2 في 1 الله يكتب لك التوفيق يارب.

يا اخى الفاضل لو جيت على شور الناس والله معاد تشترى حتى دباب اربع كفرات كلن يغنى على ليللاه

لان اصابعك موسوى والاذوق مختلفه وردود تحير انا كنت فى البدليه محتار وجننونى الشباب بلاجابات بس حليت المشكله سقت الاكورد وسقة الافلون وقررت والحمد لله شريت بقناعة نفسى اماوجهة نضري بس لاتخذها بعين الاعتبار الافلن سياره مايختلف عليها اثنين بس المشكله فى سعرها غالى جدا والاكورد سياره جميله وسعرها افضل بس بنضرى انا مجرب الثنتين الافلن تضل افلن برغم انى ماقدرت اشتريها وشريت اكورد الاتبقا الافلن افلن وفى الاخر لاتتشاور وسوق وقرر تقبل مرورى واسف على الاطاله