الفزعه ياشباب يمكن ابيع سيارتي والسبه المشكله

تكفون ياشباب ابي منكم الفزعه عندي اكورد فل كامل 4 سلندر موديل 2006 لها معي تقريبا سنه واربع شهور ماشيه 59000 كيلو المشكله بدت من 40000 كيلو المشكله هي السياره تصير فيها رجه في السياره كلها المشكله ان الرجه هذي ماتكون بشكل مستمر يعني تجي بشكل :confused: متقطع يعني كل5 ثواني5 تجي وخاصه عندما تكون في P او N وتشتد عندالدي كلمة الوكاله بخصوص المشكله ماقصروا غيروا كراسي المكينه على 40000 كيلو لكن المشكله مازالت موجوده مع العلم اني مواصل على الصيانه الدوريه اخر صيانه سويتها هي 58000 كيلو وعلمتهم على المشكله انها ماانحلت وبرضوا ماقصروا غيروا لي كراسي المكينه ثاني مره طبعا على الضمان مع الاسف المشكله لازالت موجوده الى يومكم هذا اللي خايفه منه هو ان الضمان باقي عليه 1000 كيلو ويخلص يعني يااما احصل على الحل او اني اضطر اني ابيعها فتكفون ياشباب دلوني على الحل وبسرعه واذا كانت عاديه وموجوده في الهوندا تكفون علموني وريحوني لان تبون الصراحه خلاص الخميس منزلها للمعارض ابي ابيعها :confused:

ولكم مني خالص التحيه والشكر

أولا أعانك ربي على مصيبتك ,,

بصراحه هذي مشكله غريبه الله :confused:

وحبيت أسألك هل انت راعي سرعه وصرف حفر ومطبات ؟

وبعدين سيارتك منزله ولا لا ؟

اذا كانت الإجابات بلا ,.

فراجع الوكاله واذا كانت من كراسي الماكينه أيضا بلغهم انك غيرتها مرتين وخلهم يشوفون لك حل وخلك شديد معهم لعلهم يغيرون السياره بأكملها ,,

الله يعينك

المفروض انت ما تستلم السياره من الوكاله الين تروح المشكله

هذا الملف ممكن يفيد لو تطبعه و توديه لورشه يشوفون وش المشكله

http://www.driveaccord.net/forums/at...tachmentid=720

مادام انك ناوي تبيع ..اقلك ايه روح بيعها ..لاتعذب نفسك بنفسك ...

الله يوفقك .
بس السياره جديده !!!!!

شغل موثّق بالأوراق الرسمية

حركااااااات يا accord 06

:cool:

عز الله من حطك مشرف على قسم المشكلات والحلول انه عرف يختار الرجل المناسب ويحطه في المكان المناسب

الله يعطيكم العافيه ياشباب على الرد والتفاعل لكن ماجوبتوا على كلامي في الاخير انا سالت اكثر من واحد عنده اكورد 4 سلندر يشتكي من نفس المشكله وانا كان عندي كامري موديل 2002 قبل الاكورد كانت ماكينتها فيها رجه ولما سالت قالوا كل 4 سلندر لازم يجي فيه رجه فهل الكلام هذا صحيح ولا لا ولكم مني ارق تِحيه

كلام جرايد يارجال لا يهمونك .. :)

أخوي هذي الرجة ميزة من مميزات الأكورد وأحد الأخوان كان حاط هالموضوع وفي احد قاله كان عندي هوندا موديل السبعينات على ماأذكر وفيها هالرجة :d

المهم حتى سيارتي فيها هالرجة انا اكوور د 2003 وطبيعية جداً ورحت الوكالة على سيرفس ال60 الف وقالي الكراسي سليمة ومانقدر انسوي شي

طبعاً الرجة تزيد إذا كنت واقف على ال D بس على ال P أو N لازم مايصير في رجة، إلا إذا كنت واقف ومشغل التكييف وكل خمس ثواني معناها كل ماتشتغل المراوح والكمبريوسر

الأمر عادي جداً

تحياتي :)

هذي الرجة عادية في كل سيارات هوندا الاكورد لان عندي نفس المشكلة ورحت للوكالة من زمان وتهاوشت معهم وكشفوا عليها ولاحصلوا فيها شي وحصلت في الوكالة ناس عندهم نفس المشكلة واتوقع ان هذى المشكلة عادية في كل الهوندات لانه كانت في سيارتي الاكورد 2001 وكذلك في سيارتي الثانية الاكورد 2005

الله يعينك

الله يعطيكم العافيه ياشباب على الردود وتبون الصراحه ريحتوني من ناحية المشكله وابشركم خلاص ماني بايع السياره حتى يتغير شكلها ويكفيني فخر اني عضو في المنتدى والف شكر

اقتباس:

---

المشاركة الأصلية كتبت بواسطة اكورد الرياض

الله يعطيكم العافيه ياشباب على الردود وتبون الصراحه ريحتوني من ناحية المشكله وابشركم خلاص ماني بايع السياره حتى يتغير شكلها ويكفيني فخر اني عضو في المنتدى والف شكر

---

احنا والله الي لنا الشرف

هلا اخوي انا جاني وسواس من السيارة اكورد 2006 مثل مشكلتك بالضبط و انا اربع سلندر ما خليت مسئول ما دشست علية و لا فيه فايدة كل لهم يقولون الشي طبيعي بس بعدين مر على صديقي و قلت له المشكلة اهو يشتعل هناك قال لي انا باخذ السيارة و بشوف لك حل و عطيته اياه و رجعة صدق في فرق في الرجة مااختفت ولكن افضل من قبل قلت له شنو بالضبط سويت ؟ خل بالك هني ( قال كل 10000 الاف كيلو في شي يسمونه (ثروتر بدي) هذا مثل الفلتر فلتر هواء ينظف بعناية فائقة يعني مو كل واحد ينظفة و خلاص لا بعناية و اذا نظفتة بعناية تروح الرجة و صحيح ضبط لي المشكلة ما اقول لك راحت الرجة بس افضل من قبل بكثير اذا عندك مشكلة تروح الوكالة وتقول ليهم نظفو لي لثروتر بدي اي فلتر الهواء وراح تشوف الفرق و اي انا حاضر لك

كفيت وفيت والله يعطيك العافيه على الكلام اللي كتبته وانا راح اروح للوكاله ان شاء الله الاحد واقولهم الكلام اللي قلته وراح ان شاء الله اكتب اللي راح يصيرلي معاهم مع العلم السياره ماشيه الحين 59600 كيلو