مشكلتي مع الزنزون هل لها حل...منكم نستفيد

السلام عليكم ورحمة الله وبركاته..

اخوني عندي مشكله وابغي اشوفلها حل عندكم

ركبت زنون علي اكورد 2008 وحصلت المشاكل التاليه:

• والسياره بارده وبعد التحميه تشغل النور تطفي ويشتغل المفتاح الاخضر (السكرتي) ولمبة المكينه الصفره وما تشتغل السياره الا بعد ما اخرج المفتاح من السويتش وارجع اشغلها واشغل النور عادي بعد كذا بس تبقي لمبة المكينه شغاله لمدة يوم كامل.
• بس المصيبه الكبيره يوم شغلة النور وانا رايح في اجازه لسوريا بين عمان سوريا والجو بارد تعرفون كيف وبسرعة 140 مادريت الا السياره تطفي والسكرتي يشتغل والمفتاح الاخضر في الطبلون يولع المهم ما بقي شي في الطبلون ما اشتغل تقول عندهم زواج:d والطاره ثقلة المهم الله ستر وقدرة اجنب واخرج المفتاح واشغل من جديد لانه ما تشتغل الا لما تخرج المفتاح وترجع تحطه وتشغل.

ملاحظه:
تركيب بدون اضافات بدون كتاوت بدون تجريح اسلاك .

وش الحل بنظركم اخواني.

.

.

هلا اخوي احتمال ما هو من الزنون خلال مصنعي بالسياره انت جرب فك الزنون وركب شمعات الوكاله اذا ضبط الموتر معك قأن الخراب من الزنون والعكس
اذا من الزنون اقلع امه وافتك..
واذا ماهو من الزنون ودها اقرب فرع للوكاله ..

هذا الحل باختصار..

وانتظر ردود الشباب يفيدونك اكثر..

ما اتوقع الزنون بس تبي الحل فك الزنون ورجعه زي ما كان ودي السياره الوكاله وقولهم ممكن تكون برمجه او شي لا تسكت ولا تجيب طاري الزنون ابدا عشان ما يروح الضمان عليك

سيم سيم

.
.
.

اولا اشكركم علي تفاعلكم مع المشكله اخواني وما هي غريبه علي ابناء هذا المنتدي

انا رجعت كل شي مثل ماكان والمشكله انحلت بس الزنون غير علي السياره يعطيها نكه مثل نكهة الكمون والفلفل الاسود مع الشطه علي البليله:d

مادري اركب كتاوت والا اصرف نظر واكتب علي كل شمعه زنون واريح نفسي;)
بخصوص الشركه رحت واعرف واحد هناك استغرب من المشكله وقال لسه السياره جديده يا خبر بفلوس بكره بلاش اذا واجهتنا مشكله ثانيه بعلمك واذا ما في مشكله يصير العيب في جهاز الزنون اللي عندك:confused:.
.
.
.
.

يمكن تكون من برمجة المفتاح لانة تولع لمبة المفتاح ولازم تشيل المفتاح

يبدو والله أعلم ان المشكلة من الزينون وليست من السيارة

طيب وشهو نوع المحول اللي تستخدمه للزينون ووين ركبته؟؟

.
.

اشكركم اخواني علي المساعده في حل هذي المشكله

والحمد لله المشكله انحلت بعد ما سئلت مهندس كهرباء في صيانة هوندا واخبرني بأنه لابد من وضع كتاوت خارجي وانه هو السبب في المشكله للحمل الزائد الذي يسببه جهاز الزنون علي الكمبيوتر او منظم الكهرباء
والحمد لله تم عمل الازم وانحلت المشكله .

.
.
.

معقوله في احد يركب زنون بدون كت اوت للكهرباء وقاعده فيوز مستقله ؟

انتا شكلك تبي الظفيره تجيب العيد

سلام