باركولي يا شباب

السلام عليكم

كيفكم شباب والله اني ولهان للمنتدى من زمان مادخلت

المهم انا شريت اكورد وبعد تردد كبير على الالوان وتحير بين الرمادي والاسود قررت الاسود عشان الداخليه الحلوه

المهم
انا الصدق اول مره اطلع موتر وفي داخلي قرار انه سيراة العمر
طلعت اكورد 2006 وراحت تشليح
وطلعت ربع عند باب المعرض زعقه وهو جديد

فابيكم تفيدوني وش اسويلهاعشان احافظ عليها

ووش يعطوني الوكاله مع السياره غير الطفايه وادوات السلامه

ووش افضل بنزين لها 91 ولا 95 مع العلم ان عباس شفيق عاشق (حق الوكاله) يقول 91

وقالي ان السياره في جدة ويبيلها اسبوع عشان تجي ويبي تجي كل الالوان بما فيها الؤلؤي

وبعدين الى ركب البلاستيك الي تحت يقولي وش فؤائده ووش عيوبه

واسف على الاطاله

مبروك اخوي الله يعطيك خيرها ويكفيك شرها

البنزين الأفضل لها 95

ما ادري وش قصدك من المحافظة عـليها من اي ناحية

انا اقولك من ناحية المكينة:-

عدم السرعة المبالغ فيها
وتغيير زيت و سيفون كل 2000 او 5000 (على حسب مشاويرك)
5000 زيت و سيفون .......10000 زيت فقط.......15000 زيت و سيفون وهكذا

المحافظة على على اكسسورات السيارة

مثل الكراسي اذا كانت جلد حط تظليل عازل عن الحرارة عـلى شأن جلد الكراسي لا تخترب
الأصطابات ركب لك برقع او الحماية عن العج

ان شاء الله اني افدك بعض الشي


وتقبل تحياتي ابو الريش

ألف ألف مبرووووووك

الله يعطيك من خيرها ويكفيك من شرها

عشان تحافظ عليها :rolleyes:


حم السياره قبل ما تمشي

خف عليها بالسواقه

انتبه من الحفر اللي بالشارع

انتبه من الإكسسوارات التقليد

.. إلخ

ما يعطونك شيء غير الطفايات وادوات السلامه

البنزين جرب بنفسك واحكم

البلاستيك :p ما انصحك فيه :p

رح لأقرب مغسله وخله يغسل لك السيارة وقله يقرطس الدعاسات

أفضل لك من البلاستيك :p


بالتوفيق ولا تنسانا من صور سيارتك :cool:

الف الف الف مبروك الله يعطيك خيرها ويكفيك شرها

من ناحية بنزين مايضر 95 او 91 لكن عب نوع واحد واستمر عليه ..
انصحك 91 مجرب وزين ورخيص وطبيعي مره ولا تشيل هم ابد ابد من ناحية البنزين اوك ..:)

وبالنسبة للون ملكي ما يحتاج الله يوفقك انشاالله :cool:

وبالنسبة للاشياء الاخرى الي سالت عنها والله لو عندي خبر كان قلتلك لان معي 2005 وماعطونا مثلكم :mad:>>>اللهم لاحسد .. :d

أعتني فيها نظف ولمع ... ومطبات خلك رقيق عليها ... مشيتك خلها مشيه خفيفه ولاتداعس ...

وأول ماتروح تستلمها حط فيها قران ...

وبس ... السيارة الواحد اذا مايداعس بها وأنتظم في تبديل الزيت والسيفون

تحياتي

مبرووك والله يعطيك خيرها ويكفيك شرها

والشباب ما قصروا معاك

اجل السياره راحت تشليح امممممممممممم

اممممممممم تصدق كل اسبوع اشوفها ع الدائري
اكورد 2006 لؤلؤي هـ ل ن 818

مادري اللوحه انباعت او السياره تصلحت وانباعت

لاني شفتها مع اكثر من شخص

مره واحد سمين ومره واحد ابو عيال ومره واحد شبابي

المهم ماعلينا


مبروك عليك السياره

الله يعطيك خيرها ويكفيك شرها

مبروووووك
الله يعطيك خيرها ويكفيك شرها
وعلى طاري الربع اخاف اللي زعقت بوجهه هذي حووووبته :d:d:d:d:d:d

مبروك عليك السيارة
وربي يعطيك خيرها ويكفيك شرها

الف مبرووووووووووووووك ويعطيك خيرهه وتكفيك شرهه
وانا لو منك ماأفكر اني اطلع سياره من الوكاله بس تستاهل كل خير واعتني فيهه مثل ماقالولك الشباب

الله يبارك فيكم جميعا

انا عقب ما شريتها قالولي بعض الناس ان الاسود يخرب مع الوقت يعني حق سنه صدق ولا لا


accord2002 اي دائري بس واي وقت خل اروح ارسله صورها وهي مقبوعه

مبروك السياره الله يعطيك خيرها ويكفيك شرها

اقتباس:

---

المشاركة الأصلية كتبت بواسطة هـ ل ن السعوديه 818

الله يبارك فيكم جميعا

انا عقب ما شريتها قالولي بعض الناس ان الاسود يخرب مع الوقت يعني حق سنه صدق ولا لا


accord2002 اي دائري بس واي وقت خل اروح ارسله صورها وهي مقبوعه

---

أنا أعرف واحد معه 2006 سوداء ويغسلها بثلاث شهور مرة وهي أفضل مما يكون