تشييكات الوكاله

السلام عليكم

كل عام ونتو بخير ومن العايدين الفايزين :)

عندي كم سؤال اذا احد يعرف لا يبخل علينا

عندي اكورد جديده وبغيت اعرف وش تشيكات الوكاله لل 1000 كيلو و 5000 و 10.000 والكيلوات اللي بعدها اذا تكرمتو

لان صراحه مابي اروح الوكاله اللي تدفعه برا مثلا 100 ريال وتخلص سيارتك في نص ساعه بتدفع للوكاله 300 ريال وبتخلص سيارتك بعد يوم كامل او 6 ساعات :d

ياليت اللي يعرف السرفس حق الوكاله يعلمني وشكرا لكم
.................................................. ................

وعندي سؤال عن فلتر الزيت هل فيه فرق بين ال 6 سلندر وال 4 سلندر ؟ واذا فيه فرق هل هو في الشكل ولا المواصفات؟ وكيف اعرف حق ال 6 سلندر؟ لان رحت اتسعر عن الفلاتر واحد يقولي فيه فرف وواحد ثاني يقولي مافي فرق ههههههه :d

.................................................. ................

بالنسبة للتشييك يشيكون على تقريبا 33-34 نقطة في السيارة وتستمر الصيانة لمدة ساعتين هذا بالنسبة للموجدين في الرياض .

هذا اللي عندي وان شاء الله الشباب مايقصرون .

مشكور اخوي دحوم

بالعكس تماما بالشرقية ؟؟؟؟

السيارت تنام برا البيت وتكون عادة في الصيانه .... انا اخر مرة ابي اوديها صيانة 5 الاف وانا اروح الجبيل يوميا وارجع يوميا >>> اكيييد

اروح لهم يوميا ويقولو مشغولين ....

اخر مرة خطرت ببالي فكرة مجنونة ..... <<<<<<< ياقاهرهم:p

ركبت زنون بالريوس .... وعلى طول احترق الفيوز وطبعا انا خفت ورحت الوكالة على طول وقلت لهم حالة طوارئ بالعلم انه كل شي من السيارة داخل ما يشتغل ...
فطلع معاي المهندس الى السيارة <<<<< كأن السالفة طولت:d
المهم دخل السيارة عشان يشوفو المشكلة .... وانا ولا كأني عارف .... وقلت له الله لايهينك... صيانه 5000 .....
تغيييير فيوز واحد ... وتغير زيت وخربطه اخذت يومين كاملين ....
والله حرام عليهم ... لو ما الضمان ... كان ماشافو وجهيي
واسف على الاطالة ,,<<<<< ماخذ راحته

تشييك 1000 زيت وفلتر بمبلغ 76 ريال على مااذكر

5000 الصيانه الاولى بعدها 10000 بعدين 20000 بعدها 30000 ثم 40000 وهلم جرا

بس اذا وصلت 15000 او 25000 او 35000 او 45000 وهلم جرا تغير زيت بس وين ماودك بالوكاله برا الوكاله

انا دخت من الرد كيف اللي بيقراه :d

الصيانه الصح هي كل 40 الف كيلو

و فيها تغيير للبواجي و فلتر الهوا و الزيت القير و تنظيف بخاخات و .....

اما باقي الصيانات فهي تشييك عادي مع تغيير زيت و فلتر

عشان كذا انصحك تدخلها كل 40 الف

1000 - 40 الف - 80 الف - 120 الف .....

وفيه صيانة 20 الف انصحك فيها لان فيها تغيير مجاني للفحمات الاماميه و الخلفيه .

عاشق هوندا اكورد :

مشكور على الرد وزين سويت فيهم والله يعينك على خط الجبيل :(
.................................................. .......................................
الاخطبوط:

مشكور على ردك ههههههه ولا مايدوخ الوصف واضح من عند الاشاره لف يمين ههههههه :d
.................................................. ......................................
اكورد 06 :

مشكور على ردك وعلى التوضيح الممتاز لان بصراحه انا مو مقتنع باني اوديها كل 5000 ولا كل 10000 ابدا مو مقتنع "زرف فلوس الاوادم على الفاضي تحت مسمى تشييكات الوكاله" يعني كل 20 الف او 40 الف هذي معقوله لان يكون فيها تبديل اشيا كثير ولازم تغيرها بالسياره ..
مشكور اخوي اكورد 06 مره ثانيه ... :cool:
.................................................. .......................................

وعلى طاري التشييكات سيارتي كملت 1000 كيلو وسويتلها احلى تشييك وكاله عند احلى بنشري ابو يمن في الثقبه هههههههههه وخلال اقل من 30 دقيقه .. :d
جبتلي فلتر اصلي من محلات قطع الغيار ب 15 هذا سعره؟ اكورد 6 سلندر
و5 علب هوندا ب 11 ريال الحبه بس يمكن اغير للنوع الموبيل ون لا كملت 5000 وشرايكم فيه موبيل ون اللي يطول؟ اضن كل 10 الاف تغيره غالي بس كل الناس تمدحه. احد جربه ولا سمع عنه؟

انا استخدم زيت فوكس كل 5000 كيلو ...

وتشييك الوكالة كل 10 الاف كيلو لين ضمانك ينتهي وبعدها اسحب عليهم سيفون :)

مشكور اخ بلو لوف ...

سلملم شوف حبيبي

سيارتي من شريتها الى يومك مافيه تشييك الا وديتها والحين ماشاء الله عليها ماشيه 104000كلم ماعدا تشييك 70000<<<< المهم انه تشييك واحد بس اللي ماوديتها
بس نظيييييييييفه ماشاء الله بسبب وش بسبب الصيانه الدوريه المهم انا باقول لك وش يسوون وانت بكيفك

طبعا التشييكات حقتهم

1000 كلم طبعا هذي لازم تمر عليهم وتشيك عليها <<< بصراحه فيه ناس اقابلهم ويقولون ماله داعي السياره جديده وماله داعي تشيك وهذا كلام فاضي لاتسمعه

5000 -10000-20000-30000-50000-60000-70000-90000 كلم : هنا طبعا يغيرون لك الزيت والسيفون وينظفون لك الفلاتر كلها ويشيك لك على الزيوت كللللللللللللها بعدين يشيك لك على المكيف والكهرباء واي شي عطلان يصلحه بعدين يجي على الفرامل يشيكها زين ثم ينظف الهوبات ويبدل الكفرات واذا تحتاج وزن وزنها لك وتربيط للسياره من الى واشياء كثيره مااذكرها لو اوراق الصيانه عندي كتبتها بس في السياره

40000-80000 كلم : هذي طبعا اهم التشييكات او نقول اكثر اهميه هذي بيسسون كل ماذكر اعلاه بس بيزيد عندك تغيير لزيت القير والبواجي وتنظيف للبخاخات وتغيير لفلترالهواء <<< مثل ماقال accord 06 وتغيير فحمات السياره ( اذا احتاج )

100000 كلم لازم لازم توديها لانه بيسوون كل ماذكر في صيانة 40000-80000اضافه الى تغيير بعض السيور اهمها سير الماكينه <<< انا غيروه لسيارتي

المهم معليش على الاطاله بس هذا اللي حبيت اوضحه

وشكرا................

اقووووووووولك اكبر نصااااااااااابين وكالة هوندا وما عندك احد !!! والله لا يشكون ولا شي بس يدخلوون السياره ويصلحوون للك فلم وهم نصابين "" الا اذا في السيا ره ح ااجه خربانه يصلحوونها "" يعني خذها من قاصرها وغير عندهم الزيت والفلتر بس >> وغيرها لا تعطيهم وجه >>#