ولـنـا مع سيارة ‏B Unique أحلى الذكريات ..

بسم الله الرحمن الرحيم

كيف حالكم شباب .. إن شاء الله طيبين ..

الله يبلغنا وياكم رمضان ويتقبل منا ومنكم ..

الأغلب يعرف وين صار مقر سيارة مشرفنا القدير ‏B Unique بعد الحادث اللي صارله ..

وإن شاء الله معوض خــيـــــــــر ..

اليوم صباح الخميس في تمام الساعة 9:40 .. وفي أحد تشاليح الحاير

وقفت لحظات أقلب فيها صفحات الزمن ..

ابتداء من بداية معرفتي لأخي الغالي ‏B Unique حتى آخر لحظة لقاء مع سيارته السابقة ..

لنا ذكريات .. وليست مجرد ذكريات .. بل أحلى الذكريات .. لنا فيها أيام لاتنسى ..
أيام جملية إن شاء الله تنعاد علينا وعليكم ..

وقلت في خاطري .. لازم أخذ لها صورة قبل أن ترحل كلياً وأبدياً ..
حتى تبقيني على تواصل مع الماضي الجميل ..

أجببت أن تشاركوني هذهـ الذكريات .. لك من عاشها مثلي أو أكثر ..

http://www.7ammil.com/data/visitors/...oooooooooo.jpg

28\8\2008 م

9:41:36 am

وهذي مزيد من الصور !!

كل ما امر التشليح .. اصور سيارتة ... وسيارتي ... :(

وادق علية واقول نفس الدعاء .. وهو يقول امين ..... وهو يقول نفس الدعاء ... وانا اقول امين ...

هذي الصورة قبل ما يبيع السيارة ,,,

http://www.hondaarabia.com/club/atta...1&d=1219942006

وهذي احدى المرارير <<< بالتشليح ..

http://www.hondaarabia.com/club/atta...1&d=1219942006

وهذي اخر مرة كانت انا ومحمد بالتشليح .. وغطيت صورتة :d
http://www.hondaarabia.com/club/atta...1&d=1219942006

الله يكفينا وياكم شر العيون اللي ما تصلي ع النبي ..


.

جبتها عل الجرح وكنك ما دريت يابو عزوز

:(

200 الف كيلو كان لي فيها من الذكريات مالا ينسى
وللاسف كانت نهايتها (مرة) لدرجة اني عشت في حالة نفسية ما يعلم بها الا رب العالمين

ما ادري كانت بسبب الخسارة ولا لاني شفت موتي بعيني ؟!
بعد العناية والاهتمام والتضبيط والحب << ايه نعم كنت احب سيارتي .. راحت تشليح !!

لكن ما اقول الا قدر الله وما شاء فعل والخيرة لمن صبر
الحمدلله اللي طلعني من الحادث بصحة وعافية والحمدلله اللي عوضني بخير منها

http://www.hondaarabia.com/club/imag...a453a42a19.jpg

ابو عزوز ، كوكو كورد مشكورين على الصور
والله يحفظكم ولا يوريكم مكروه

الغالي كوكو كورد والغالي B.U

الحمدلله على السلامة ولا الحديد يتعوض ان شاءالله

B Unique تدري كل يوم احوس هنا أبي أشوف تكملة صور العروسة الجديدة بس للحين مخبيها عنا :d

ماشفنا الا عقد النكاح بس ( المفاتيح ) ..

الله يعوض عليك بسيارة ثانية تهتم فيها وتعدلها على كيفك

انا مثلك اخوي بالضبظ احب سيارتي كثير كثير

يا خوك اقلقتونا .. كل ما صار شي قلتوا عين ..


لا حول .. والله العالم ان العين منكم .. أنا ما يمر يوم وانبهر بسياره الا واقول ما شاء الله

حتى موتري اقرا عليه .. واقول بسم الله عليك لو جاه شي ..وقصم .. :)



وشوفوا ولله الحمد ما فيه الا صدام قدام محكك وصادم به مره .. وقزازتن انكسرت وصلحناها .. وكفرن انفجر وعفط الجنط وبنصلحه اليوم ..
وهوباتي الامامية .. انتهوا مبكر وغيناهم على الضمان .. وطقطقة الديكور .. وحادث قبل امس مع -تسعــــــ كابرسـ1989ـ ــــاوي-
وصوت تررررررررررررررررررررر من مروحة المكيف .. وصوت الـengineـ متغير بالمره .. بس :d


ولا قلت عين .. :d



وعداكم اللاش ..

الحمد لله على سلامتك يا خوي والله شي يحزن :(

كل يوم تمر هل التشليح وتقول في خاطرك سيارتي هنا

الي كانت عند البيت وكنت اعتني فيها

بس اهم شي انك طلعت من الحادث سالم

والسياره بدلها سياره

وان شاء الله تتخطى الحزن :)

تحياتي لك ;)

تعديل

حمد الله على سلامتكم كوكو وb.u وفقير الحظ والله يعوض كل واحد باحسن منها بثلاث مرااات:(

الحمد لله على السلامه والله يعوضكم بالأحسن ان شاء الله

لااستطيع ان اعبر عن مشاعري ابداً اتجااه ما رأيت
فقط يسعني ان اقول .. الحمدلله الذي حفظكم لنا وربي يعوضكم خير منها .. :(

يعطيكم العافيه

الحمدلله على سلامتك يا ‏B Unique

وفي الحديد ولا فيك ... الحديد يتعوض بس الأنسان مايتعوض

والله لما شفت الصور اول ماوضعتها انت بموضوع للبيعها انصدمت وجلست اناظر السيارة وكأنها سيارتي وحزنت عليها ...... وبنفس الوقت فرحت لانك انت الى كاتب الموضوع وهذا يعني انك بأحسن الأحوال وماعليك شر

ومن منا لايعشق سيارته .... والله انا مثلك اعشقها لدرجة اني اتصورها انسان يحس ويتكلم معي :o <<< جن الولد :d

وكل الى حصل مقدر ومكتوب ماحد يقدر يغير القدر ...... والحمدلله انك طلعت سالم ومعافى منها



اخوي فقير الحظ : الحمدلله على سلامتك وماتشوف شر ان شالله
والله يعطيك خير سيارتك الجديدة ويكفيك شرها ان شاءالله

وتقبلو مروري وسلالالامي لكم

:confused:
والله ما اقوول الله لا يعيدها على المسلمين جميعا

والله الصراحه اذكر يوم جاني الخبر كنا بتجمع الرياض الخامس مدري السادس >>> لخبطنا من كثر التجمعات الله لايحرمنا منها :d

لكن الحمد لله على السلامه الله فكك من ذا الحادث وعوضك باللي احسن منها :)

فقير الحظ كل يوم تأكد انك اسم على مسمى :eek: الحمد لله عالسلامه ومعوض حبيبي وان شاء الله انها اخر الاحزان

والله ينعم عليكم جميعا بالصحه والعافيه

الحمدلله على سلامتكم يا B U و كوكوكورد و يا فقير الحظ

ان الله نجاكم من هذي الحوادث

والحديد بداله حديد

الحمد الله على السلامه والحديد بداله حديد

:(

الحمدلله على سلامتكم جميعا. والحمد لله إنها في الحديد ولا بكم الحمدلله:)

اسمح لي يابو عزوز انا لازم اقفل الموضوع لانه الصراحة ما يزيدني الا مرض !!


من يوم اشتركت في المنتدى وانا ما احب مواضيع الحوادث وعزاء السيارات
ومن اول ما صار الحادث ما طرا لي انزل موضوع باللي صار

لاني بكل صراحة اشوف الموضوع ماله داعي ولا له اي هدف

واللي يرفع ضغطي زود يوم يجي واحد من الاعضاء ويقول يا شباب الحقوني اليوم بغيت اموت
وآخرتها تطلع السالفة حكة في الرفرف !!

بعض المواضيع صراحة فيها عبرة للي يقراها ويشوف الصور
لكن المشكلة ان القلوب ميتة والله يرحمنا برحمته ..


الله يحفظكم ولا يقدر عليكم بمكروه
اشكركم على الدعاء والمشاعر الصادقة واسأل الله سبحانه ان يكتبها في موازين حسناتكم


في الاخير ابي اعلق على ردود اثنين :

المباشر

لا تتعب نفسك منتب لاقي صور العروسة
المرة هذي خلاص توبه من عرض الصور بنعلمها تحتشم وتستتر وان شاء الله نسلم من عيال الحرام

:rolleyes:


العضو سيفيك قديمة
civic 98

العين حق وهذا شي ما يختلف عليها اثنين

لكن ماني من الناس اللي ياخذون العين (شماعة) كل ما صابتهم مصيبة ولا طاحوا من الدرج قالوا بس هذي عين ما صلت على النبي !!

مهما كانت الاسباب (عين ، عطل فني ، غشامة ،،،،،،)
كل اللي صار مقدر ومكتوب والحمدلله على كل حال

لكن خلني اوصف لك حالتي مع السيارة من اول يوم شريتها فيه وانت احكم بنفسك


من اول ما شريت السيارة وانا كل اسبوعين او ثلاثة اصدم بالسيارة ولا يجي من يصدمني
واحيان كثير والله العظيم حتى والسيارة واقفة القى فيها دقة او حكة

اهم شي ما يمر علي اسبوعين او ثلاثة الا وانا اتحرى الصدمة من وين بتجيني !!

لكن خلنا من السالفة هذي
احتمال كبير تكون غشامة او اني كنت اوقف السيارة غلط


بعد واحد من تجمعات الشرقية رجعت للشقة ووقفت السيارة تحت
شغلتها اليوم الثاني في الصبح والقى فيها رجه ماهي طبيعية تبدا من سرعة 40 وكل ما اسرع تزيد !!

طبعاً الرجة كان واضح انها من الكفرات بس اللي لحس مخي انها ما كانت موجودة ويوم وقفت السيارة الليلة اللي قبلها كانت معي زي الفل . لكن قلت ما يخالف ان شاء الله الموضوع بسيط ورحت لاكثر من محل ترصيص مشهور

لكن بدون فايدة !!

كل المحلات اللي جيتها يقولون البلا ماهو من الكفرات من الجنوط

طبعاً ما صدقت لين فكوا الجنوط الاربعة وحطوها قدام عيني على مكينة الترصيص
والله العظيم ان الجنوط كلها راحت مثل البيضاوية

قلت طيب شوفوا اللي متضرر اكثر وحطوا الاستبنة محله

يوم طلعوا الاستبنة الجديدة اللي ما قد استخدمتها وحطوها على المكينة طلع فيها نفس الكلام !!

بعدها دلوني على محل اصلاح جنوط رحت له وصلحت الجنوط الخمسة بحدود 700 ريال
والحمدلله سلكت امور السيارة وكل شي صار تمام


لكن خلنا من السالفة هذي بعد

وبأقول احتمال كبير ان البلا في سواقتي واكيد اني اكلت مطبات ذاك الليل وانا مسرع
ولاني دايخ وفيني النوم اكيد ما كنت منتبه للرجة


المصيبة الاخيرة (الحادث)

طلعت من عند عمي في الجبيل الصناعية وودعته على اني بأمشي للرياض ومن هناك بأرجع لمكان عملي في ينبع . اول ما تعديت الجبيل بمسافة بسيطة وانا ماشي بسرعة 170 تقريباً جيت ابي اتجاوز سيارة كانت قدامي وفجأة لف علي الدركسون صوب اليمين وقفل !! وفي خلال اجزاء من الثانية هجت بي السيارة وزحفت وبغيت اشيل السيارات اللي حولي لكن ربي لطف وسلموا مني حتى نزلت السيارة على طرف الخط بسرعتها وجلست تتقلب حتى ردها الشبك !!

طبعاً نزلت من السيارة وانا سليم ولله الحمد لكن من الفجعة ما كنت مصدق اني طيب وجلست اتفقد جسمي وراسي لا يكون فيني ضربة ولا جرح ولاني حاس فيه . وكل من سألني وشفيك نطلت بالسيارة كذا قلت ضرب علي كفر (وانا في نفسي اقول لو طلعت الكفرات سليمة والله انها عين لان قفلة الدركسون ما كان لها اي داعي) !!

واللي خلاني اتيقن انها عين ان الكفرات بعد الحادث ما جاها الا تنسيم من الانقلاب والدركسون يوم جيت ابي اطلع السيارة على ظهر السطحة والله العظيم شغال ولا كأن فيه شي !!


الموقف هذا بصراحة خلاني ارجع بحالتي مع السيارة طول الاربعة سنين الماضية وعرفت بعدها ان السيارة اكيد كانت معيونة لاني بعد الحادث كنت مستأجر فترة ثلاث شهور وكنت اسوق بنفس سواقتي والحمدلله ما شفت شي من ذيك السوالف ابد ..


اللي ابي اوصل له يا سيفيك قديمة من المسلسل المكسيكي اللي فوق
لا تستهبل وتقول اقلقتونا بالعين عشان ما يبتليك ربك وتعرف وقتها ان العين حق !!

الله يكفينا واياك شر العين والحسد
ومالنا الا نذكر الله ونتوكل عليه وان شاء الله ما يصيبنا الا المكتوب