أبان و الاخوان اللي يبغون يردون بس

:d

0-0-0-0-0

كراون فكتوريا ( سبيشل اديشن ) نفس الاستاندر بالضبط اللهم في فروق ( جناح + شبك نيكل و من ورا مختلف ) بـ( 83.000 ) الف . 2008 طبعا

:p

0-0-0-0-0

أكورد ( نص فل ) فتحه + جنوط بـ( 83.000 ) الف . 2008 .. واذا زودني ابوي شوي ( فل كامل مخمل ) بـ( 87.000 ) الف .

:)

0-0-0-0-0

كامري ( Glx ) فل كامل ( فتحه + جنوط + تخشيبة داخلية ) بـ( 83.000 ) الف , واكيد 2008 .. و اللي عاجبني السعر مع التخشيب

:cool:

0-0-0-0-0

تريل بليزر ( Lt ) فل كامل ( بـ( 88.000 ) الف ) , وبصراحه الشكل ما دخل مزاجي .

:(

0-0-0-0-0 === 0-0-0-0-0

( الفضل عائد الليك اخ ابان بعد الله عز وجل ) :

سمعت نصيحتك ورحت الوكالة وشفت كل سيارة على حدة و الفضل راجع لكـ بعد الله سبحانهـ وتعالى ..

الفكتوريا > بصراحه مريحة ورائعه لكن سعرها لو نزل شوي تطلع تمام لأنها ما تغيرت ابد ..

الاكورد > اقتنعت فيها صراحهـ واستقبلتني بـ( مقاعدها الحاضنه ) من جد , وريحتها المميزة << ريحة الجديد ..


الكامري > رشيقه ورياضية << مصدق الاعلانات ;) . ورهيبة صراحه لكن مدري كيف اقارنها بالاكورد .. وراح تبقى المقارنة قائمة بينها وبين الاكورد

=--=-=--=

الاكورد > بديت اقتنع بالمقاعد ( اللينه صراحه ) , واعجبتني , مشكلتها الوحيدة الانتفاخ اللي ع الكفر الامامي << احس انكـ ما تقدر توزن السيارة الا بعد تجربة ..

الكامري > مشكلتها الوحيدة خفيفه يعني اي صدمه الله يخلف . وفيها شكل عجيب وما ننكر ..

كراون فكتوريا > شكل قديم ومافيها تطور << طابت النفس منها بعكس يوم قلتلكم الشكل ما عليه غبار .

=--=-=--=

:confused:

شوفوا >> فيهـ شخص غالي علي واحبهـ حب ماحد يعلم بيه الا الله, انا راح استشيرهـ ,, وانا حاس انه بيقلي اكورد وراح اخذهـ وخليهـ يركبها ويركب الكامري ويقلي كيف !

وبصراحه اذا قدر يقنعني بأن الكامري أفضل فاكامري كامري , قلي اكورد افضل اكورد اكورد .. لو بس استلف من البنك اهم شيء رضا النفس

=--=-=--=

اعتذر عن الاطالة و عن الازعاج اللي سببته لكـم ,, تحملوني لين اطلع السيارة
__________________

نسيت اقلكـ اخ ابان او اذكرك انت والاخوان ( ان الميزانية نقصت وصارت 80 الف فقط ) طبعا لا قلي هالشخص فل مخمل مافي الا تسليف ..

صدقني ان بأذن الله ما راح تاخذ الا الاكورد .. انت نفسك فيها بس ما ادري وش فيك .. راجع نفسك .. شوف حتى توقيعك حاط الاكورد ... حتى كلامك انك تبي الاكورد ..

الكراون فكتوريا .. خلاص من 1998 ما تغيرت .. من 10 سنوات .. يعني من يوم ما كان عمري 12 لليحين ما تغيرت !!! يؤ .. كان عمري 12 !!

الكامري .. بس ابي اسئلك عن شعورك لما تاخذ كامري ... وقدامك 10 تكاسي .. وجايك مفحط معة كامري ... واحد خاطف حدث معة كامري ... ودورية سرية كامري .. و4 لموزينات كامري .. ((( وين موقعك من الاعراب ؟ وين موقعك من العالم ؟ وين التميز؟؟؟ ))))

اقتباس:

---

مشكلتها الوحيدة الانتفاخ اللي ع الكفر الامامي << احس انكـ ما تقدر توزن السيارة الا بعد تجربة ..

---

هل جربتها وجربت قيادتها ؟

طيب وش رايك تطيع شوري وتروح لوكاله مازدا وتشوف الـزوم الجديده ؟

رح شفها بس واسأل عن اسعارها .. وانا شبه متأكد انك تبي ترمي جميع الخيارات اللي فوق على ورى

خصوصا ان ميزانيتك الجديده ماتسمح تاخذ به حتى السبشل من الاكورد

نرد ع الاخ ( كوكوكورد ) :
كلامكـ حبيبي عين العقل , ووالله ثم و الله يوم شراها ولد خالي ( وسقتها ) حسيت اني اسوق سيارة من جد ياخي شيء غريب كذا << لا وسبيشل بعد .

وسؤالكـ جاوبت عليهـ فوق ( الجواب هو نعم ) بس انا ما سقتها وسط زحمة , ياخي شفت وحدة بجدة مدقوقهـ شوي وتدمع عيني جا اخوي قال وش فيك قلت ابد ماكو شيء . هي انا معك كل السيارات منفخه والاكورد يمديك تروض انتفاخاتها لكن بعد تجربة ..

---

92.000 : كيفك ياخوي ..
المازدا طال عمركـ مي خاشه مزاجي ابد ووالله لو تجيني بلاش ما اخذتها و الله ..
واعتذر على ردي العصبي ( هع ) , العذر و السموحهـ ..

=====

بصرآحهـ زي ما قال حبيبي ( كوكو كورد ) , انا ناوي اكورد لكني مو عارف << فيهـ لحسهـ ..
ومن جد تخيل وتخيل << خخخخ << فطست ضحك الله يهديك خصوصا الخاطف ..

---

و اللي ما دخل ولا رد ( حسبي الله ونعم الوكيل ) ..
انا قلت اللي بيردون (( بس )) , مو من هب ودب

وشكرا على ردودكم احبائي

حبيبي باختصار كامري ماتقارنها باكورد
واسال مجرب
واذا بتقول لي الكامري اللي كانت معك موديل قديم اقولك في واحد اعرفه تحمس وباع كامري موديل 2006 وشرا الشكل الجديد وتحسف عليها بعدين <<يقول القديم احسن
وانا اقولك القديم مايقارن في الاكورد ;)
<<قال كامري قال

الفكتوريا <<خذها اذا كنت شايب <<تراها سيارة شيبان ويقولون بيغيبرون شكلها<<ماضنيت:d

البليزر حلو <<بس صار قديم من 2002 ماتغير الا شي بسيط يعني مافي تميز سياره جديده ان اخذته;)

الاكورد نصيحه مجرب اكورد وبس وحاول حاول قدر المستطاع تاخذ الفل <<واذا ماقدرت السبيشل حلو

تحياتي لك
وموفق في اختيارك

أشوف أفضل خيارين:
الأكورد أو التريل بليزر، والناس أذواق بالنهاية :)

وعن ميزانيتك اللي وصل 80 ماحيوقف عند 3 آلاف :) ماشاء الله تبارك الله

اقتباس:

---

المشاركة الأصلية كتبت بواسطة Honda

أشوف أفضل خيارين:
الأكورد أو التريل بليزر، والناس أذواق بالنهاية :)

وعن ميزانيتك اللي وصل 80 ماحيوقف عند 3 آلاف :) ماشاء الله تبارك الله

---

عين العقل أفضل خيارين الأكورد والبليزر
الأكورد أفضل من الكامري بعدة أشياء ولا هو تحيز للهوندا لكن نلاحظ الداخليه حقت الكامري ما تقارن بالأكورد نهائياً لا من ناحية ترتيب واناقة ولامن ناحية الأوبشن بس كسيارة خدومه تقارن بالأكورد والشكل الخارجي حلوة بس بصراحه الأكورد وخصوصاً الفل اوبشن ومقابض الأبواب النيكل شي ابداااااع والبليزر كسياره دفع رباعي تنفع وحلوة كشبابيه والله يوفقك

وقبل هذا كله انت ترغب الأكورد وأفضل حل انك تصلي ركعتين وتستخير الله

اذا تبي رايي ..


خذ لك أكورد فل مخمل و اذا ما قدرت على الفل لا تاااخذ سبشل لأنك راح تموت قهر على مواصفات الفل <<<اسأل مجرررررب


و البليزر حلو و يمشي الحاااااال :)

و ابعد عن شي اسمه كروان فكتوريا لان راح اذا سقتها راح تحس انك تسووق فيل من ثقلها
و هذا غير الشكل اللي من 700 سنة ما تغير:p

اقتباس:

---

الكامري .. بس ابي اسئلك عن شعورك لما تاخذ كامري ... وقدامك 10 تكاسي .. وجايك مفحط معة كامري ... واحد خاطف حدث معة كامري ... ودورية سرية كامري .. و4 لموزينات كامري .. ((( وين موقعك من الاعراب ؟ وين موقعك من العالم ؟ وين التميز؟؟؟ ))))

---

:cool: جبتها يا كوكو كورد صح :cool:


خاصة وين موقعك بالاعرااااب هههههههههههههههههه

خخخخخخخخ
مشكورين ع المرور

واسف ع الازعاجات المتكررة

بين الي قلته كله الاكورد افضل

أتوكل على الله وخذ الأكورد وعلى مسؤليتي:d<<<أمزح
عندي أكورد 2005 وما شاء الله تبارك الله زي العسل
إن شاء الله ماراح تندم
والف مبروك مقدما<<قبل الزحمة:d
تحياتي;)