مشكلة بين التعشيقتين الثانية والثالثة (سيفيك 2006) ساعدوني

سلام عليكم اخواني شخباركم وعساكم بخير ..

انا بصراحه عندي مشكلة في سيارتي سيفيك 2006 قير اوتوماتيك .. وصار لي فترة طويلة أعاني منها ..
من بعد 100 ألف يوم غيرت زيت المكينة والقير والسيور والبواجي وفلتر البنزين .. بعدها بفترى مدري اشصار في السيارة
صارت تقطّع بين التعشيقة الثانية والثالثة يعني على سرعة 30 تقريباً .. السيارة تبدأ بين التعشيقتين اتناتع ..
ولا عرفت ليها حل و مشيت عليها 25 ألف ووديتها ابي اشوف حل لها وقالو لي غير زيت القير وغيرته ..
بس للحين المشكلة موجوده مع انها خفّت اشوي يوم غيرته .. و لا أدري اذا أحد منكم حصلت له هالمشكلة واذا يعرف حلها ..
تكفووون يالربع ساعدوني ..

انا زيك يوم غيرت زيت القير طلعت لي السالفه هذي
مدري وش سببها
تطلع لي اذا كنت مهدي طبعا

هذي ياطويله العمر مشكلة في البرمجة

الوكالة تسويها لك ب 250 ريال

السيارة تمشي معاك زي الحلاوة وبعد شهر بالكثير شهرين تخرب البرمجة هههههههههههه

يعني مالها حل صراحة :)

ابو زكي انا نفس حالتك بالتمام قسم بالله طفش:( منها

كأن معي ددسن خربانه البواجي حقته

اذا لقيت حل بالله قولي وخلي المنتدى يستفيد

ياشباب عندي استفسار يوم غيرتو زيت الجربكس (القير)صارت عندكم المشكله ؟؟؟؟؟:confused:<<ردو علي
ممكن يكون من فلتر الجربكس ! او يكون القير يبغاله وزنيه
اتمنئ اني افدتكم:rolleyes:

لا تنسوا تغيير فلتر القير الخارجي مع تغيير زيت القير وهو موجود في السيفيك الشكل الجديد ومكانه مثل الاكورد تقريبا

راجعوا موضوعي عن قير الاكورد للفائده

وياليت احد يغيره وينزل موضوع للسيفيك ويفيد الجميع

للدرجه هاذي محد عااارف حل هالمشكله:(

أنا عندي نفس المشكله بالضبط

والأخ اللي يقول فلتر القير ... سئلت المهندسين ويقولون السيفيك مالها فلتر قير (يوجد فقط جوا القير ويغير في حالة إن القير إنفك أو توظب فقط)

أحب أقولكم إنها كانت عندي قبل سنه وفجأه إختفت (مو متأكد إنه بعد تغيير الزيوت أو لا) ورجعت لي قبل إسبوع بشكل خفيف

السلام عليكم
انا لاحظت هالموضوع لمن غيرت زيت الجير بسيارتي اكورد 2008
ولا غيرت لا فلتر ولا غيرت شي ثاني فقط الزيت
ومن بعدها صار الثاني ينتع لكن السبب مو بالزيت لقيت ان السبب برودة الجو واني لازم اعطي وقت للسياره ترتفع حرارتها قبل لا احرك ولمن اجي احرك ما ادعس فيها عطول لا اعطيها مسافه 30 متر او اكثر تمشي براحتها وتغير براحتها ويكون الار بي ام عالواحد ونص يعني يا دوب اني داعهس بنزين الخلاصه بعدها يصير الجير يغير بسلاسه وسهوله بدون نتعه القصه كلها برودة الزيت بالجير بوكس لازم نعطي القير فرصه عشان يسخن الزيت فيه علشان لا نخرب الجير والتروس حقت الكلتش

حبيب قلبي نفس مشكلتي الي سويته رحت الوكاله وحطيته لمدة اسبوع لاني سويت مشكله معهم وبعدها طلع معي الفني قالي بالحرف الواحد ترا الوكاله ماعرفوا ايش المشكله بس غير الزيت ل3 مرات مابين تغيره وتغيره لا يتعدى ال 1000 كيلو وسويتها والحمدلله راحت المشكله لان على كلامه يتنظف الفلتر كذا

الله يعطيكم العافيه ردودكم توضح نقاط مهمه :
اللي ذكرها الأخ صاحب الأكورد اللي يقول (لآبد السياره تآخذ الوقت الكافي للتدفئه)
واللي قاله mr.m بخصوص تغير زيت القير 3 مرات كل بعد 1000 كيلو مره لتنظيف فلتر القير

شكلي بسويها اغير الزيت 3 مرات انشاء الله يضبط معي بس سعر الزيت 100 وشوي صح :confused:

انا اعرف فيه زيت ينظف المكينه

هل فيه زيت ينظف القير بدل تغيير 3 مرات لزيت القير ؟؟؟؟

لاياخوي مافيه زيت لتنظيف القير لأن "السياره لآبد تمشي عشان يتحرك الزيت"
فأنصحك إنك تغيره ثلاث مرات وقبل كل تغييره تكون ماخذ على السياره مشوار عشان الزيت يكون حار
وبذالك يكون كل شي عالق مع الفلتر ينزل مع الزيت


تحياتي

وبتعطينا افادتك بنجاح التجربه إن شاء الله

اخصائي الله يعطيك العافيه ومشكور على التوضيح بالنسبه للزيت مو لازم تحط حق هوندا او بمعنى اصلي
حط اي سي ديلكو لين ينظف وبعدها حط الاصلي وبالتوفيق للجميع

شكرا لك أخوي
وفرت علينا سعر الأصلي 3 مرات :d

بنجرب ونقول لكم إن شاء الله

انشاء الله راح اسويها واغيره 3 مرااااات:)

وارد لكم خبر فيه لأن يبيله وقت طويل تعرفون

من 1000 الى 3000:dكيلو

هلا حبايبي كلكم مشكورين يالربع على الرد في الموضوع ..
بصراحه انا للحين اعاني من المشكلة وغيرت زيت القير بس مرة وحده وخفّت المشكلة بس بعدهي اتبيّن ومازالت خفيفه لما اتجي اتعشّق ثالث ..
انا عجبني رد مستر ام وان شاء الله راح أطبّقه وأسويه .. ولو ان مافي شي يضمن هالزيت غير الوكاله لأن أخطر شي الواحد يعبث فيه هو الزيت مال المكينة والقير .. لو صار لا سمح الله ما صكت الصرة وصار تهريب بيروح عليك كل شي ..
الورشة الا أغير فيها زيت القير هي تخصصها هوندا وماعرفو الى مشكلتي حل ..
بس يبي لي اجرب وآخذ مرتين زيت أيسي ديلكو وأركبه ليها وامشي عليه 1000 والمرة الثالثة أركب أصلي .. وان شاء الله تزبط ويايي .. اذا كان هو نفس الكلام اللي فهمته من Mr.M ..

السلام عليكم

اسف تأخرت عليكم بالرد:d<<<<<<<<<<بيتسطر

لاني كنت مسافر:o

السلام عليكم

اسف تأخرت عليكم بالرد:d<<<<<<<<<<بيتسطر


لاني كنت مسافر:o

المهم

انا غيرت الزيت 3 مرات لكل 2000 كيلو

وكل تغييره مسكت عليها خط

وانواع الزرزره:d من D الى 3 :d

عشان يتحرك زيت :d<<<<<تفكيرك يبوو


والحمد الله راحت المشكله بالقير

لان فلتر القير داخلي يكون فيه ترسبات

ملاحظه : قبل لا تغير الزيت امسك فيها خط طويل عشان يحتمي الزيت وينزل بسرعه

وعلى طول على غيار الزيوت

السلام عليكم

انا سيارتي 2008 ماا شيه 57 ألف قولو مشاء الله فاكها وكاله
المهم عندي نفس المشكله هل فيه ضرر لو تركتها الين 60 ألف
ولا اغير زيت القير ولما تمشي 60 اسوي الصيانة