عرض للطباعة
السلام عليكم ورحمة الله وبركاته
أخباركم ي شباب عساكم بخير
م ودي اطول في المقدمات ف ندخل ع طول :d
في الوقت الحالي انضغطت وقررت اخذ سيارة :p
بغيت سيارة سعرها بحدود 90 - 85 ألف لآني ناوي اغيرها بعد حوالي 5 سنوات تقريبا
صراحة عجبتني الأكورد بشكل مجنون خاصة اللون البني - الككاوي - :o:rolleyes:
بس المشكلة أخاف آخذها واتوهق :(
ي ليت أهل الخبرة يفيدونا هل السيارة تستاهل ؟
وهل فيه خيارات أفضل من الأكورد مثل / الكامري - السوناتا - ...... إلخ
بالانتظآر ....
و عليكم سلام و رحمة و الأكرام
بإعتبار ان ميزانيتك من 85 الى 90
انا انصحك بأكورد 2011 فل ابشن بشاشه راح تلقاها بحدود ثمانينات
و إذا كنت تبغى شي جديد على يدك ماتبغى سياره مستخدمه
خذ لك اكورد 2012 (4) سرندل سبيشل بـ 95 في الوكاله و بـ 92 في المعرض زد على فلوسك شوي و خذها
و إذا ماقدرت خذ لك اكورد 2012 ستاندر سياحي بـ 85 الف في الوكالة و بـ 80 في المعرض
الموتر ماعليه كلام رآسي في طريق و قوي و ثقيل و مشاكله بسيطه و قليله
ملاحظة :
نصيحتي لك ابعد عن تويوتا الكامري طاحت هيبته ماهو مثل اول حجمه صار صغير و داخليه عاديه مافيها زود
و ابعد عن الكوري .. سوناتا شكل داخلي و مواصفات كشخه افضل من الأكورد من ناحية المواصفات فقط .. لكنها مجرد شكل ماهي قويه مثل الأكورد
نصيحه إذا تفكر في الاكورد انتظر 2013بتنزل قريب وشكل جديد علشان ما تحسف
م قصرتوا ي شباب الله لا يهينكم
بس وشي مواصفات السبشل ، لآني مابي الا جنوط وفتحة :d
ووش الفرق بين الوكالة والمعرض ، مو المفروض يكون المعرض اقل من كذا ولا ؟:confused:
مواصفات الفل كامل :
- شاشه
- ديفي دي
- اسيات جلد
- جنوط 17
- فتح تنده
- تخشيبه
- مكيف اللأكتروني ( باللمس )
- مكيف خلفي
- تسخين مقاعد ( تدفئة )
- تشغيل 6 سيديات
- سفقط المرايات بضغط الزر ( باللمس )
- ازياج
- جناح
مواصفات نص الفل ( سبيشل )
- اسيات مخمل
- جنوط 16 او 17 مو متأكد
- فتح تنده ( فتحت سقف )
- مكيف يديوي عادي
- مكيف خلفي
- تشغيل سيدي واحد فقط
- سفط المرآيات باليد ( يدوي )
- بدون تسخين مقاعد
- بدون تخشيبه
- بدون شاشة
- بدون ديفي دي
- مواصفات الساتندر ( سياحي )
- مكيف عادي
- تشغيل سيدي واحد فقط
- اسيات مخمل
- بدون جنوط ( اطياس )
- بدون فتحة سقف
- بدون تخشيبه
- بدون شاشة
- بدون ديفي دي
- بدون تسخين مقاعد
- سفط مرايات يدوي
الفرق بين المعرض و الوكالة :
مميزات الوكالة :
- تعطيك كوبونات و عروضات مثل : حماية طبلون + حماية وجهيه
- تعطيك اغراض سياره مثل : القلم + الصيدلية + العفريته + العدة
- ريحة الوكالة تكون موجوده
- ممشى العدا اصفار 00000
عيوب الوكالة :
- السعر اغلى من المعرض بـ 5 الالف
- التأخير في استلام السيارة
مميزات المعرض :
- السعر ارخص من الوكالة بـ فرق 5 الآلف
- استلام السياره بأسرع وقت
عيوب المعرض :
- ماتضمن اغراض السياره موجوده او لا
- بدون عرض ولا كوبونات
- ممشى سياره من المستحيل يكون اصفار 000 الا نادر
اخوي شوف هذا الرابط ادخل عليه و راح تعرف كل شي خاص بـ الأكورد 2011 الى 2012
http://www.hondaarabia.com/club/t57347/
الاسبيشل في 2011 مقاس الجنط 16 و 2012 مقاس الجنط 17
في 2011 مافيه كشافات في 2012 فيه كشافات
والمعارض اقل من الوكالة بحدود من 1000 ريال لحد 3000 ريال ويمكن اكثر
ياخي خذها وكاله وريح دماغك كلها الفين او ثلاثه او حتى اربعه ولو وصلت خمسه ماتفرق وناخوك الوكاله اضمن لك وخذ 2011لنها ياباني اما 2012 فهي امريكي افتح باب السواق تحصل صناعتها على اليمين مكتوب انها ياباني او امريكي
ملاحظة :
2012 قطع يبانيه 100% لكن التجميع امريكي
2012 ماتفرق عن 2011 ولا قطعة
2011 افضل من 2012 في اشياء بسيطه مثل :
- الزينون
- حساسات
- لون اللؤلؤي
كل هذه متواجده في 2011 و غير موجوده في 2012
إذا بتاخذ 2011 ماراح تلقى الا مستخدمه فقط مافي جديد
خذ الاكورد ولا تشاور
واحلى لون بعد الي اختارته
بما ان معي أكورد 2008
أنصحك نصيحة تروح تستأجر أكورد وتجربها اذا اعجبتك زين
بالنسبة لي ما أعجبتني
مافيها عزل أرضي تحس انك تمشي على الشارع
لو إني مكانك شريت أفلون 2009 ولا لكزس is 2008
بنفس ميزانيتك
طبعا هذا رأيي وأحتفظ فيه لنفسي
والله يكتب لك الخير في قرارك
ومبروك مقدما
والله يعطيك خيرها ويكفيك شرها
انا مثلك راح اشتري سياره و متوهق و الميزانية مو بعيد من ميزانيتك،، أنصحك تنتظر شهر واحد فقط لإنه راح ينزل الشكل الجديد للأكورد 2013 و شكلها جدا رائع و في نظري افضل من الاكورد الحالي بمراحل و لا يزعلون علينا اصحاب الاكورد الحالي. و بعد ما تشوف الاسعار للشكل الجديد انصحك تزود ميزانيتك شوي بس و تشتري الاكورد جنوط و فتحة و كاميرا و تشغيل ذكي يمكن تجي بحدود 94 الف. انتظر الشكل الجديد لإنك بتدفع قيمة كبيرة و بعد شهرين يجي شكل جديد يخرب عليك ما تقدر تكشخ بسيارتك و معلومة مهمة على حسب مراجعة مواقع اجنبية للسيارة ان نظام العزل في موديل 2013 تطور و صارت السيارة هادئة جدا من الداخل أحسن بمراحل من الاكورد الحالي و هذا شي يحسب لهوندا و في الموديل الجديد ناقل الحركة cvt يعني ما تحس بالتعشيق في السيارة بالعكس تحس بسلاسة قيادة السيارة هذا اللي عندي و انصحك تستخير قبل كل شي و بالتوفيق