السلام عليكم ورحمة الله وبركاتة
ما هي الطريقة الصحيحة في المقاومات للناس إلى عندهم خبرة لأني تفشلت من كثر السيارات إلي تطلع علي وهل للمقاومات أضرار على السيارة أو المكينة أو زيت المكينة
عرض للطباعة
السلام عليكم ورحمة الله وبركاتة
ما هي الطريقة الصحيحة في المقاومات للناس إلى عندهم خبرة لأني تفشلت من كثر السيارات إلي تطلع علي وهل للمقاومات أضرار على السيارة أو المكينة أو زيت المكينة
وعليكم السلام ..
دام عندِك 4 سلندر ،،
وشوله تقاوم :d
وبعدين يا زين الركاده ، بلا سرعة بلا همْ ..
والموديل اللي عندك سلحفاه ما يسرعْ ألا بالموت ..
وشيء طبيعي أنه يقلل من عمر المكينةْ ، انك كل اشوي حارقها حرااقْ ،
وكذلك القير اكيد بيكون عليه تأثيرْ ..
يمدحون d3 واذا انك مرة متحمس ع المقاومات عدل سيارتك شووي وغير الفلاتر والزيوت بشل داايم
اوكييد يضر السيارة بالذات القير
اي شي فيه دعس بينزين كثير اكيد يبي يخرب السياره ^_^
الله يصلحك
اصلا الاكورد مو حقت قومات لا نها ثقيله ...ومو مهياءه اصلا لهذا الامر..
.
.
روح شوف سيارات القومات وكيف يكون هيكلها وبعدين فكر انك تقاوم ..
انا عندي لك حل مافي ازين منها
شغل سيارتك اربط الحزام وحطها في d وتعوذ من ابليس وسوق على مهلك
وربي اليوم شايف شايب معاه ددسن خاش في عمود نص العمود دخل جوة سيارته وتوفى رغم انه ماله ذنب
جات سيارة مسرعه وصقعته من ورا ودخله على العمود اكذب عليك لو اقلك اني مااسرع الا اسرع
لكن بعد هالمنضر وربي عرفت السرعه ماوراه الا الشر وربي ياما ناس فقدوا اعز من عندهم بسب السرعه
ومثلك عارف السرعه وماتسوي
الله يحميك من شر السرعه
ياخي الاكورد سيارة رزه مو مقاومات
خلك من المقاومات لانك راح تكره السيارة
مرة جاني راعي اكورد متهئ الصراحة ويقولي تطلع مقاومة وهو واثق
قلتله يلا ويوم رحت عليه الرجال كره السيارة بعدها
فيها اضرار اكيد .. فيها تاثير ع كراسي المكينة .. والقير ..
انا عني صراحه مااسرع الا اذا عرفت الشارع شبة فاضي ..
بس سرعه بالمعقول ..
مو اصك ال200 ..
والله ياشباب ماراح تحسون بقيمة السيارة واللي بين يدينكم الا اذا فقدتوهـا ..
والله لا يحرمنا اعز مانملك يارب ..
تحياتي لكـم ..
اولا ابي اعرف فائده وحده للمقاومات
السياره وظيفتها توديك مشاوير وتقضي حاجاتك
ثانيا اضرار المقاومات كثيره منها : خطر الحوادث (اعاقات + وفاه) .. كراسي المكينه تودع بسرعه .. استهلاك للمكينه والقير .. . . ....
ثالثا الاكورد غير مهياه للسرعه والمقاومات خصوصا الطرق داخل المدينه ماتساعد + شوي بشر يسوقون كويس ولا يلف عليك الا وهو معطيك اشاره :eek:
و عليكم السلام و رحمة الله و بركاته ....
بالنسبة للطريقة الصحيحة للمقاومات ... فهذي تحتمل حالتين .
طبعا قبل كل شي و بجميع الحالات لازم تفصل الـ VSA .
أولا : القومة ( ارض , صفر ) .
1- تحمّل فرامل و بنزين و تنزل السيارة لـ D1 لكن انتبه . أول شي تكون وضعية القير على الـ N و بعدها تنزل البريك و تعشق السيارة في D1 . هذا هو الصح و غيره غلط .
لأنك لو نزلت السيارة على D1 مرة وحدة و البريك مرفوع و انت داعس فرامل و بنزين راح تسمع صوت طقة قوية بالقير .
2- ترفع RPM حق 2 أو 2.5 بالكثير و ترفع رجلك من الفرامل و تدعس بنزين على الأخير بنفس الوقت . راح تلاقي السيارة تفز معاك بالقومة .
3- إنت طبعا اللحين ماشي بالأول و الـ RPM يوم يوصل قريب الـ 7 لازم ترفع القير إلى D2 و أعتقد الأكورد افضل وقت للتعشيق لها يكون عند 6800 RPM عبال ما تشبك النمرة إللي بعدها يكون وصل لحد الـ Red Line و هو أفضل وقت لرفع النمرة . و تكمل نفس الطريقة لـ D3 و D . لكن من D2 إلى D3 و من D3 إلى D أستنى السيارة توصل حد الـ Red Line و بعدها عشق لأن النمرة تكون ثقيلة شوية و على سرعة عالية فراح تشبك على طول و ما تتأخر .
ثانيا الدحدرة ( لا تدحدر غير 30 أو 40 لأن هذا عز العزم في الأكورد ) .
1- طبعا في الدحدرة راح تكون فاصل الـ VSA و حاشر السيارة في D1 و أنتبه من شي كثيرين يغفلوا عنه و يغلطوا فيه في الدحدرة .
الموضوع و مافيه إن الواحد يجيك على دعسته و مع البوري الثالث يكمل على الدعسة , و هذا غلط كبير و بيضيع عليك المقاومة كلها .
العبرة و الصح إنك مع البوري الثالث تفلت البنزين و ترجع تدعسه كله للأخر يعني ترفع رجلك و تدعس بسرعة مرة ثانية و طبعا لازم توقتها صح مع صوت البوري عشان لا يطير عنك منافسك و بعدها كأنك ماسويت شي و تروح عليك المقاومة .
2- طبعا تطبق نفس الخطوات الباقية زي ماهي بدون تغيير في رقم 3 السابق .
للمعلومية :
من أقوى النمر في الأكورد النمرة الثالثة D3 يعني صفيها لآخرها إلين تلمسها في الـ Red Line لأن هالنمرة طويلة و توصل للـ 180 أو أكثر حسب ما أذكر " ماني متأكد لأني من زمان ماسقت اكورد أوتوماتيك " .
طبعا للمقاومات اضرار على المكينة و منها إنها تنقص عمر المكينة " كثرتها فقط " أما قومة أو قومتين بالأسبوع اشوفها عادي .
و الحرق الزايد على السيارة يضعفها بعد فترة و بتضيع عليك أحصنة لأنك بتحملها فوق طاقتها .
الزيت يبدأ يحترق بسرعة طبعا و يفقد لزوجته في وقت أقصر .
كراسي المكينة و كراسي القير تبدأ تهترئ و تتلف على المدى الطويل .
البواجي تفقد فاعليتها على المدى الطويل .
و ايضا البلوف راح تحتاج وزن بعد مدة .
سيارات هوندا تتحمل المقاومات و الكرف و الدعس و أنا أكبر مثال عندكم , أكثر من 3 سنوات و نصف معايا السيارة و معدل عليها من يوم شريتها و مقاومات و قله حيا و ما اشتكيت إلا من القير بس . حتى ما وضبته بالعكس صار يطلع صوت كأني مركب كام و بنفس الوقت صارت السيارة تفز معاي لأن الفراغات فيه صارت أقصر و النمر صارت مشدودة .
السيارة تتحمل صح لكن لاتزودها معاها إلا إذا برمجتها .
اقتباس:
اولا ابي اعرف فائده وحده للمقاومات
بالنسبة لي هي مجرد متعة فقط و أنا أقاوم و ياما طلعت على سيارات و يا ما سيارات نتفتني , ليست إثبات وجود أو إن سيارتي اقوى و أنا أسوق أحسن .... بالعكس مجرد متعة و هواية بالنسبة لي ما تجي كاهتمام أول عندي . و حاليا معاي ألتيما V6 و أقاوم فيها و أقضي مشاوري و حاجاتي .
و الحمد لله يعني الحمدلله سواقتي كلن بيشهدلها في جدة و الدليل قوماتي مع سيارات مستوياتها اقوى من سيارتي و طلعت عليهم .
أتمنى ما أكون طولت أو خرجت عن الموضوع
المقاومات عندي ليست كل ماخرجت من البيت أدور حرش , هي صح هواية اعشقها لكن مو كل الوقت أو حتى إني أهتم و أتكلم فيها .
أخوي متأكد وعلى كل الأكوردات
إذا كذا بنجرب لأني الصراحة أول ماتوصل لرد لاين أبدل ويخق العزم معاي عــ160اقتباس:
للمعلومية :
من أقوى النمر في الأكورد النمرة الثالثة d3 يعني صفيها لآخرها إلين تلمسها في الـ red line لأن هالنمرة طويلة و توصل للـ 180 أو أكثر حسب ما أذكر " ماني متأكد لأني من زمان ماسقت اكورد أوتوماتيك "
انا طرحت كامري6 سلندر با اكورد 2006 4 سلندر
ومع التيما 4 سلندر قير عادي وانا اوتو لكن الالتيما ماحد اتقدم على الثاني متعادلين
اذا بتطارح من الصفر يعني قومة حط دبل 1 ومن ثم دبل 2 ومن ثم دبل 3 وشوف الطرب
يا شباب أنا عمري ما وصلت 140 في حياتي أنا أتكلم عن قومة لل100 جزاكم الله كل خير ومافي بعدك ياروح
اخوي يعطيك الف عافية عالرد اللي يشرح الصدر وكله معلومات مهمة ماتجي الا من خبرة
وانا قاعد اقرا ردود الشباب قلت وين مراقب قسم التزويد عنهم :)
اثاريك موجود ومنت مقصر و معطيهم العلاج :d
انا عجبني كل كلامك وافدتني كثير بس عندي تعليق على هالجملة
هي حلوة وريحتني شخصيا بس احسن انك اتحمست شوي :d
تبغاني اطبق هالطريقة اللي ذكرتها مرتين بالاسبوع وعادي اجل كيف يعتبر كثير :)