قصتي الكاملة مع صيانة الــ 60000
السلام عليكم ورحمة الله وبركاته
سافرت الى جدة الاسبوع الماضي قلت بالمرة اغير زيت مع الفلتر واغير زيت الجربكس .
يوم رحت الوكاله قلت له ودي اغير زيت مكينة وزيت جربكس .
قال كم ماشية سيارتك قلت له ماشية 58500 قال ليه ما تسوي صيانة الــ60000 افضل لك بدل ما تغير زيوت بـ280 ريال تزيد 340 ريال وتسوي صيانة كاملة لسيارتك بــ620 ريال فقط .
فكرت في كلامه الا والله ان الرجال صادق .
قلت له توكلنا على الله .
وتركت السيارة عندهم بالوكالة ......و..و...
بعدين اتصلو علي قالو لازم نغير الفحمات الخلفية قلت ما يخالف رغم اني متأكد انها سليمة لاني غيرتها على 32000 .
المهم رجعوا اتصلوا علي وقالوا لازم تغير الفحمات الامامية قلت له ليه انت قاعد تشتغل والتلفون في يدك . ليه ما تشيك على السيارة وبعدين تقول لي كل الملاحظات مره وحدة . المهم قلت له ما يصير انا وديتها وهي سليمة يعني ما فيها صوت قال طيييييييييب خلاص بركب لك غيرها وانا بدبرها من عندي (( طبعا بعد ما قلت له ظروفي واني ماعندي امكانية )) .
المهم جيت استلمت سيارتي ومشيت الا وذاك الصوت من قدام والله يجنن كأني امشي على ارض خشنه . رجعت له قال هذا عشان بدلنا الكفرات وركبنا الا قدام ورى واللى ورى قدام .
وقام غيرها ورجعت مثل اول ok .
وكمان لقيتها مو مغسلة وفتحت لهم سالفة وشكلهم كرهوني ..
ودحين صرت اسمع صوت صفير من الكفر من الجهة اليمنى ولا اعرف وش السالفة وما ادري من الامام او من الخلف .
وبصراحة اذا بتودي سيارتك والوكالة لازم تشيك عليها تمام قبل ما تستلمها .
المهم اني خسرت 840ريال ..:)
