الحاقا لرجه الدركسون الى حيرت العلماء ارجو الدخول والتعليق

السلام عليكم
الى جميع الناس الكويسه بالمنتدى الفخم هاذا
اخوانى :
طبعا محسوبكم معه اكورد 2008 v6 ممتاز , وكانت ولازالت السياره فيها رجه بالدركسون
اليوم الصباح رحت اغير الزيت بالوكاله بالدمام , وانا قاعد وقالولى موترك بيطول يمكن ساعتين قلت حلو اشوفلى ابن حلال للمشكله الى حيرت العلما ء
وشفت مهندس باكستانى ينقاله ابرار الاسم قوى بس بدون تعليق , الموهم كلمتوه عن المشكله وشرحتله اياها قال طيب نجرب السياره ونشوف مع العلم انو ماراح استقبلها اليوم عشان فقط اليوم هلى هو الخميس تسليم سيارات فقط
قلتله اوكيه خلينا نجربها , وفعلا طلع معى وشاف الرجه وقال خلنى اشوف السياره واسوقها ونزلت وجرب وشافها بعينه وقال فعلا فيه رجه قال هاذا ترصيص كفر قلتلتله استحاله قال الى قلت يعمى جبتها 7 مرات وماحد حولك وشيكت عليها عند يمكن اكثر من 20 ورشه بالخضريه ومكان وزن الاذرعه الى هو القحطانى وكمان وديتها رد كاب ماحد عرف وش العله
تدرون وش قااااااااااااال .
قال عطنى رقم جوالك وبسئل واحد باكستانى ثانى عندوه خبره وبيردلى خبر خلال اسبوع , مدرى ياجماعه الى سواه ذا صح ولى اروح عند مدير الصيانه واقط الموتر عنده ولى وش الهرجه
ثانى شي المشكله هاذى اعانى منها من ال 70000 ايام ماكانت السياره تحت الضمان , والان كملت تقريبا ال 101000 الاف كيلو يعنى خلص الضمان وعندى فواتير تثبت صحت كلامى انى جبتها ب ال 70000 فمدرى
وش السواه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:confused:
تكفون ساعدونى لو بالاراء .

انشب بحلوقهم ولاكن بعيد عن بروره الباكستاني/ه
خخخخخخخخخخخ

بما انها حيرت العلماء ., تتوقع ., نحلها حنا ., :friends:

يعطيكم العافيه , اخوى anh عافاك الله ماطلبت منك حل انا قلت تكفون ساعدونى لو بالاراء .

الصراحة يا اخ حميد وبدون زعل انت حطمت الرقم القياسي لمواضيع المشاكل.
كل مواضيعك عن المشاكل بسيارتك.
الله يعينك, وش رايك تبيعها وترتاح!

طيب جربت تعمل ترصيص أو وزن أذرعه ؟!

الترصيص يمكن تعرفه لمن تمشي مثلا على 140 ترج بس لمن تعدي 180 تروح تقريبا الرجه
أما الوزن قد وزنت أنا بس كيف تكتشف أن العله منه ما أعرف

وطبعا أنا بأكلمك على أساس أن الرجه وأنت ماشي بحال سبيلك ( مو لمن تضغط فرامل )
ورجة الفرامل معروفه هوبات , أخرطها وحترجع بعد فتره وهالهم مجره <<< ألا أذا شفتلك هوبات زي الأوادم

الله يعطيكم العافيه ياشباب ماقصرتم , ويا اخ اكورديانى وش تبينى اسوي هاذا الى الله كاتبه لى انى ابحث عن حل والحمد لله ربالعالمين راضى وربي . بس اكيد لازم لكل مشكله لها حل . اتمنى انى ما ازعجتكم بمشاكلى واذا كان فيها ثقله عليكم انا مستعد من الان اسحب نفسي من المنتدى ولاعاد تقرون اى موضوع لى .
تقبلو مرورى .

اقتباس:

---

المشاركة الأصلية كتبت بواسطة حميد

الله يعطيكم العافيه ياشباب ماقصرتم , ويا اخ اكورديانى وش تبينى اسوي هاذا الى الله كاتبه لى انى ابحث عن حل والحمد لله ربالعالمين راضى وربي . بس اكيد لازم لكل مشكله لها حل . اتمنى انى ما ازعجتكم بمشاكلى واذا كان فيها ثقله عليكم انا مستعد من الان اسحب نفسي من المنتدى ولاعاد تقرون اى موضوع لى .
تقبلو مرورى .

---

لا لا مالها داعي يا اخوان نوصل لقضية اترك المنتدى ومدري ايش وبعدين اخوي اكوردياني المنتدى مفتوح للجميع مشكله تكون عند غيرك راح ترجع بمنفعه لك لأنك راح تشوف المشكله وطريقة الاصلاح وترتاح من نصب هالميكانيكه والمنتدى ما وجد الا لتبادل الخبرات ولا هو منتدى حبيبه ولا شيء ثاني فخلوا صدوركم شرحه واذا ما يلزم الرد مو لازم الرد.!:cool:

اقتباس:

---

المشاركة الأصلية كتبت بواسطة حميد

الله يعطيكم العافيه ياشباب ماقصرتم , ويا اخ اكورديانى وش تبينى اسوي هاذا الى الله كاتبه لى انى ابحث عن حل والحمد لله ربالعالمين راضى وربي . بس اكيد لازم لكل مشكله لها حل . اتمنى انى ما ازعجتكم بمشاكلى واذا كان فيها ثقله عليكم انا مستعد من الان اسحب نفسي من المنتدى ولاعاد تقرون اى موضوع لى .
تقبلو مرورى .

---

افااا بدينا بهالحركات, لا يكون زعلت انا ما كان قصدي اقول انك ثقلت علينا, و مش من حقي اني اقول هالكلام.
ياخي أنا إلي يطلع وتبقى انت.
القصد انك تشوفلك دبرة بهالسيارة والله ما تسوى عليك توها جديدة وفيها هذي المشاكل اجل بعد كم سنة وش بيصير فيها. الشكوى على الله
اذا عندك اي مشكلة مستعدين نساعدك فيها. وانا قريت موضوعك الي تطلب فيه احد يجرب كفراتك والله ثم والله كان ودي اساعدك لكن سيارتي صار لها اسبوعين في الوكالة بعد الحادث.
على العموم الله يوفقك لخير دنياك واخرتك.

اقتباس:

---

المشاركة الأصلية كتبت بواسطة حميد

يعطيكم العافيه , اخوى anh عافاك الله ماطلبت منك حل انا قلت تكفون ساعدونى لو بالاراء .

---

انت تامرنا امر يابعدهم بس انا ابقولك على شغله الترصيص ياحبيبي الحين نظامها على اغلب السيارات نظام لزق يعني الترصيص لزق ماتظمنها يمكن اليوم تركبها وبكره تنفك عليك
انا الحمدلله مافيها رجه الا نادر تطلعلي انت شوف الترصيص وحتى لو الترصيص راكبه على السياره كلها خل يفكلك الجنط كامل ويحطها بالجهاز اللي يشيك على الترصيص يمكن يكون في مكان ثاني محتاج ترصيص .

وبالنسبة لوزن الاذرعه مالها دخل بالرجه الاذرعه اذا كان محتاج لها صيانه بتشوف يافيها حذفه او الدركسون مايل .

واسف على الاطاله

أخي حميد السلام عليكم الاحتمال الأول:
احتمال يكون عندك عفط بسيط في جنط من الجنوط ما تقدر تشوفه بعينك لو دققت فيه واحتمال يكون العفط من داخل الجنط وهذا يحتاج كشفه في محلات ترصيص متميزه يعني عندهم اجهزه تكشف الجنوط بالليزر أنا قد صارت معي وقد رصصت مرات عده في محلات الترصيص ولم يكشفه إلا محل بالرياض للترصيص والوزن اسمه ( إطاري ) اذا فيه عنكم بالدمام روحله وتصليحه اذا كان احتمالي صحيح لازم تخرط الجنط أيضاً مو في أي مخرطة لازم مخرطة عندها أجهزة خرط متطوره على سرعات عالية لأن المخارط العادية ممكن تضبطلك العفط بس الرجه تبقى .
الاحتمال الثاني :
اذا الرجه تكون عند ضغط الفرامل فهذا يحتاج خرط هوبات ايضا مو اي مخرطة تخرطلك كما سبق ذكره .
الترصـيص بالليزر قولهم مأبغى لزق خليه ترصيص كبس ممكن يكلفك عنـدهم 100 ريال .
خرط الهوبات الأربعة ممكن تكلفك مع الفك والتركيب والخرط 150 - 170 ريال
سويها ومنت خسران شي اصلاً هذي امور ضرورية للسيارة ولازم تكون بشكل دوري بغض النظر عن مشكلتك
وآسف على الاطالة ولكن لابد أن نكون في هذا المنتدى أو في أي مكان اخوان متحابين في الله نعين بعضنا بعض .

طيب انت متأكد انك ما اكلت مطب قوي والا شي لا سمح الله ؟
وما قلت لنا اذا الرجة طول الوقت والا بس على سرعات معينة
قد يكون السبب من الكفرات اذا كانت مستهلكه
او جنط مضروب
جرب تبدل اماكن الكفرات قد تخف الرجة

لكل من رد على بالموضوع وفقكم الله لما يحبه ويرضاه واسئل الله جل في علاه ان يرزقكم الجنه في هاذا اليوم الفضيل
انا لم ازعل والله ياعزيزى لاكن هناك ردود فيه ناس ماتتحملها او تزعل منها او تفسيرها بتفسير غير تفسيرها السليم
الموهم , بخصوص الرجه طبعا بقولكم ايش صار معايه باختصار
طبعا ترصيص ورصصت سواءا بالوكاله او خارجها , نوع الترصيص الى سويته عاجى + لزق + ارضى + شي ينقاله مدرى كيف اوصفلكم اياه مثل الشرايط من داخل الكفر
وكمان عملت جميع المحاولات من ضمنها كتبت مره موضوع وطلبت احد يفزعلى بجنوط وكفرات والحمد لله حصلت ناس وماقصرو
فكيت كفراتى وجنوطى وجربت كفرات وجنوط احد الشباب وفعلا الغريب الرجه عندى وعنده بمعنى كفراتى اخذها هو وانا اخذت كفراته اتظح انه عنده رجه وعندى رجه
اخرها رحت الوكاله وطلع معى مهندس وشاف الموتر قال والله ما ادرى بعد ماقالى انو الرجه هاذالى فقط ترصيص , قلت يبن الحلا مو ت رصيص مو مصدق رصص الان واذا طلع فيها رجه تتكفل انت بقيمه الترصيص ذل وسكت وانحرش قالى السياره مافيها صدمه قلتله لا ولله الحمد , قال طيب شوف عطنى رقم جوالك وانا بسئل واحد زميل له وبيشوف قلتله اوكيه واخذت اسمه ورقم جواله , الغريب انو مافتح جوب كارد يعنى فتح امر اصلاح فقط جرب السياره معى على الهاى واى
وبنتظر اسبوهع وبشوف .

انا عندي نفس المشكله اذا مشيت 140 ترج السياره واظطر اني اخفف السرعه .. مع العلم اني مسوي رشه للجنوط الاربعه كان فيها خدوش هل تحتاج ترصيص ولا اروح للوكاله وهم يضبطونها .

اذا باقى الضمان على الوكاله على طول .

السلام عليكم ورحمة الله وبركاتة ...

ياشباب بعطيكم من تجاربي مع الاكورد وخاصة الرجة في الدركسون .. ترى الاكورد حساسة جدا لاي خلل في السيارة ..

* في حالة المشي بسرعات عالية او عادية .. رجة الدركسون تكون من
1- ترصيص كفرات 2- الجنوط تعبانة او مكسورة 3- الكفرات ممسوحة من الطرف وحتى لو كفر واحد وفي الخلف راح ترج السيارة كاملة ( هذي النقطة ما انتبهت لها الا متاخر ) 4- الرمان اللي في الهوب تعبان .

*اما مع الفرامل : الرجة ماتخرج عن الفحمات والهوب ... حاول تركب فحمات اصلية وتخرط الهوب ضروري باذن الله تروح الرجة على طول .. وفية حالات نادرة يكون الهوب فيه انحراف من حادث او شي او انه معدوم من الاستهلاك وكذا غير الهوب .

بالنسبة لي الرجة ما خرجت عن الاسباب هذي وكلها تغلبت عليها ...

اما وزن الاذرعه ماله دخل في الرجة .

يسللموووووووووو لموروك اخ توفي صدقنى كل الى انت تقوله على عينى وراسي بس انا شيكت على كل الحاجات هاذى مالقيت لها حل ياعزيزى .

اخبر شايف موضوع لك من فترة تقول انك اذا فصلت التراكشن تروح الرجه
صح والآ انا غلطان؟؟
معناة ركز على نظام التراكشن لأن هو السبب يعني اذا بتوديها الوكالة مثلاً قولهم ان المشكلة من التراكشن مو تقوله رجه وبس وبعدين كل واحد يفتي من راسه
ومضة: يقول المثل(اجرح صبعك وكلاً بيوصف لك دواء):d

اخوي حميد معليش على المداخله بس مشكلتك زي الي عندي بتمام بس يا ترا هل الرجه تظهر بعد ال 100 او اكثر انا عندي بعد ال 100 واذا طلعت زي الي عندي ادعي الله ينجحك

يسلموووووووووةجميعا عالمرور , ماقصرتو صحيح كلامكم