زيت الماكينة ينقص عندي وسيارتي اكورد 2007

سيارتي اكوورد 2007 وماشية 43000 كم عندي مشكلة مع زيت الماكينة انه ينقص عندي مع اني استخدم زيت الوكالة لكن بمجرد ان السيارة تمشي فوق الـ 2000 كم يبتدي ينزل عن النقطة العلوية لانه مثل ماتعرفون المعيار فيه نقطتين علوية وسفلية واذا مشيت فوق الـ 4000 كم ينقص تقريبا ربع المسافة بين النقطتين وكلمت الوكالة وقالوا طبيعي الزيت يحترق فهل هذا معقول لاني اشوف السيارات الثانية لوكالات ثانية يمشي 4000 كم بالراحة ولاينقص الزيت .
تكفون ابي الفزعة ومساعدتي في هذه المشكلة ياشباب وهذي
وهذي اول مشاركة لي بعد ماسمعت عن منتدى هنادي وتعونه مع اعضائه
:confused:

هلابك اخوي
اتوقع انه طبيعي يكون بين النقطتين

نسمع باقي الاعضاء

المفروض ان الزيت ما ينقص
طبعا هذا بالنسبه لسياراتي الكثير اللي اشتريتها
لاكن لو نقص المفروض ما ينقص الا قليل مرررة
لاكن الظاهر انه عندك تهريب من مكان ما ولازم يشوفون حل لك
ترى انا مدير فيع في وكاله الله يستر عليها
لاكن لا تغتر بإسم وكاله ترى التلاعب كثير
وانا قد تكلمت عن وكالات في فضايح لها:)


في امريكا الناس ما تغير الزيت ,كل ما ينقص يزيدوه , طبعا هذا كلام شوووف كم الف يمشونه
انا اقولك يمشون على الزيت الى ما لا نهايه يعني اولوووووووف
هنا الزيت ينحرق اما ينقص نادرا او قليل
انت راجع دورة التبريد كمان علشان ما يكون فيه خلل في تثبيت درجه حراره المكينه مما يؤدي لتبخر الزيت
طبعا هذا لو كان مافي تهريب

اخوي ما اعتقد انه من الطبيعي الزيت ينقص الا اذا كان في تهريب راجع الوكالة وبالعين الحمرا بعد :mad:

اخوانى مشكورين على ردودكم
لكني وديت السيارة في تشييك الـ 30000 كم والـ 40000 كم
وفي كل مرة يقولون لي طبيعي ولافي تهريب
وفي تشييك ال40000 كم قالوا شق اصلا على شان تتاكد تعال وشوف كم الكمية اللي بنزيده ولا شي اصلا وجاب غطاء بيبسي القارورة وعبأها في نص الغطاء وصبه في الماكينة وظلينا اشوي وسحب المعيار وصار الزيت كامل طبعا هذا كان السيارة ماشية فوق الأربعة الاف كيلوا
فهل هذا طبيعي لاني سئلت واحد من اصدقائي معه اكورد 2004 وقال لي نفس الشي حتى هو وكل مرة يصير معاه هالشي وسحب المعيار قدامي ونفس الشي اللي عندي مع انه محافظ على سيارته ولا يمشي بها كثير تقربيا ماشيه 55000 كم
واليوم زميلي في العمل معه 2006 وكنت مابقى اقوله عشان هو كله يفتخر بسيارته ويعتني فيها بزيادة ونوكلت على الله وقلت له وطلع يعاني من نفس المشكلة .
ايش العمل طيب اعطوني حل لاني بصراحة في حيرة من امري.

لايوجد بسيارتك اي مشكله نقص الزيت فيها طبيعي ناتج عن إحتراق الزيت
وانا معاي اكورد 2007 وينقص الزيت شوي بعد 4000 ومثلك زرت الوكالة وقالوا كل السيارات ينقص زيتها
ودخلت على اكثر من فرع لشركة هوندا عن طريق الانترنت
وسالتهم وجاوبوا انة سيارتك سليمة مية في المية.

ولك كل الود

انا لدي اكورد 2006 واعاني من نفس المشكله ورحت سويت تشييك على 80000 الف قبل يومين
وكلمته على النقص وجاب لي دليل الاستخدام لسياره وفتح عليه وكان مكتوب نقص الزيت يدل على ان المحرك مضبوط وبمعدل 1 لتر كل1000 الف كيلو وانه طبيعي والله استغربت وجلست معاه في نقاش حاد وقلي ارسلنا لشركه في اليابان وردو اميل راجعو ا دليل لمستخدم ؟؟؟؟؟؟؟؟؟؟؟؟؟؟

اخوي انا سيارتي اكورد 2007 V6

ماغير زيت الا بعد 6000 كيلو ومرات 7000 كيلو حسب الميزانيه والسياره مافيها الا العافيه ووديتها الوكاله فحص 40000 الف وعلمتهم اني ماغير الا بعد 6000 كيلو عشان يشيكون على المكينه وطلعت السياره من الفحص وقالولي كل شي ممتاز عندي

يعني اذا انت مره حريص احسبلها 4000 كيلو وغير عشان ترتاح نفسيا وحط ببالك ان سيارتك جديده وراح تكرف معاك فتره اهم شي الصيانه الي اشوفها من وجه نظري الخاص حقت 40000 و 60000 و80000 الي من بعد الاربعين الف واحسب بعدها كل عشرين الف وان شاء الله ماقدامها الا العافيه

واتمنى لك حياه سعيده وهنيئه بدون نقص في الزيوت :)

شي مخيف ينقص بالهسرعه ممكن الزيت اللي تستخدمه يتبخر بسرعه

اسمع المشكله هذي في النيسان ايضا لكن الحل في زيوت اخرى في السوق نسبه التبخر فيها قليله ممكن تجرب تستخدمها وتشوف كيف الفرق صدقني ممكن تنحل المشكله
لانه مرت عليا وغيرت زيت نوع ثاني والحمد الله الصرفيه قلت كثير لانه نسبت التبحر في الراس كبيره مقارنه بسيارات ثانيه

عااااااااااااااااااااااااااااااااااااااااااااااااا اااااااااااااااااااااااااادي لاتخاف وانا اخوك طبيعي لاحظ الحراره ياخوي على الثلث دايما وماتبي الزيت يتبخر عادي انا معي اكووووورد 2006 ماشيه 125000(كثير صح ههه) وزي العسل الفين بالضبط ويبدى العيار ينزل بين النقطتين عاااادي بس لاينزل عنها وانا خطوووووووووووووووووط امشي بكل معنى الكلمه و170-200 امشي على الخط. الحمد لله الاكورد زي العسل رساوه وثقل بس الفصله اللي على 220 هي المشكله بس وغيره. حط في بطنك بطيخه صيفي
ارجو اني افدك ......................
ربي يوفقك؟؟؟

اخوي حياك الله ...
بالنسبه نقص زية المكينه بعد 200 ك دليل بأن السيارت فيها خلل تهريب زيت اورشح بالمكينة
وهذا بل أمكان معرفته عن طريق اقرب مكنيكي لكشف أسفل السيات .

او أن قيادتك لسيارت بشكل سريع وعلى طرق طويله باستمرار اي بسرعة 160ك واكثر وهذا يعتبر
نقص زيت المكينه طبيعي هذا والله أعلم تحياتي اخوك aaa33

فيه شي مو مضبط بموترك ؟؟ :confused:

موتري موديله 2004
من شريت الموتر وانا ما اغير الزيت الا كل 10000 كلم ( موبيل 1 )

ومع ذلك ما عمري اشتكيت من نقص الزيت ( ولله الحمد ) .

والله بضرب في راسي عرق كل واحد له راي اقول الي يقولون سياراتهم مافيها نقص احترم رائيهم بس بحلف انه مايقيس زيت السياره ولا يشيك الابالوكاله ولهم مت الاحترام والتقدير ياخي انا اشترين كثير من انواع السيارات فورد تويوتا بي ام مرسيدس متسوبيشي ماتنقص بس هوندا اراهنك انها تنقص ومن على خروف ان واي واحد (واحد ماسكه فيه البداوه )والله ونعم

لاتحلف يابن شافي .... موتري واعرفه اكثر منك .

اقتباس:

---

لايوجد بسيارتك اي مشكله نقص الزيت فيها طبيعي ناتج عن إحتراق الزيت
وانا معاي اكورد 2007 وينقص الزيت شوي بعد 4000 ومثلك زرت الوكالة وقالوا كل السيارات ينقص زيتها
ودخلت على اكثر من فرع لشركة هوندا عن طريق الانترنت
وسالتهم وجاوبوا انة سيارتك سليمة مية في المية.

---

تمام

انا بعد مثلك

اخوي لاتخاف عاديه ترى

طبيعي جدا ناتج عن إحتراق الزيت
أشتري علبة زيت مكينة من النوع إلي يتقفل وكمل الناقص
تحياتي;)