الاكورد تتعب بالشتاء ولا ايش ؟؟!!

صباااحكم خير يا جماااعة
انا بدخل بالموضوع على طووول .. انا عندي اكورد 2003 ماشيه ميتين الف .. المهم السياره لها 4 ايام موقفه جنب البيت مو راضيه تشتغل يعني كلش ما تدق سلف والبطاريه نوني مغيرها ... :confused: فياجماااعة الله يعافيكم دلوني ايش الحل معاها ايش اسوي هل السالفة فيها فيوز ولا الدينمو ولا السلف ولا ........... ايش بالظبط :confused: ... وانا ساكن بالدمام ياليت لو تعطوني ورشة عدله متخصصه بالهوندا
مع العلم انو قبل ما تخرب السياره بفتره كانت تشتغل بصعوبه شوي وكنت لما ادق سلف يطلع صوت زي الحرفشة عند دقة السلف :(
والمشكله زادت لما اول ما دخلنا بالشتاء
تكفووووووووووووووووووون ساعدووووني تراني متوهق لا اقدر اطلع ولا اروح ولا اجي يعني محبووووس بالبيت :mad:

صباح النور والسرور

قبل ماتخسر وتشيل السيارة على ورشة جيب لها كهربائي خله يفحص السيارة وقبل كل شي افحص الفيوزات بنفسك اذا تقدر

وماوضحت لنا أكثر هل الماكينة تدور والسيارة ماتشتغل ولا مررره ماتشتغل الانوار وماتدق ولا وش سالفتها ..

واذا تأزمت أمورك شيلها بسطحة وودها للخضرية في ورشة أسمها السعادة فيها مهندس مضبوط ماشاء الله عليه أسمه أقبال

هذا رقم جواله ودق عليه قبل تروح له علشان يعطيك الوصف وتسأله اذا عندهم كهربائي بدال ماتجيب واحد ويضبطونها مرة وحده

الجوال : 0508931743 ان شاء الله ماغير جواله

يبيلها كهربائي

يعطيك العافيه يااخ المباشر وتسلم على الرد ولا تهون يا اخ عيوووني :)

انا بشوووف بكلم هذا اقبال وبحاول معاه انشاء الله

عندي استفسار ثاني .. كم اسعااار كراسي المكينه كلها حق اكورد 2003 ؟؟

معليش على المداخله <<ملقوف
شوف من الي قاله العضو المباشر عشان نفهم المشكله مكنيكيه ولا كهربائيه
وبالنسبه للكراسي والله يخوك سعرها بين 1500-2000 طبعا مع التركيب

السلام عليكم ورحمة الله ، قد تكون الإجابة على سؤالك اخي الكريم هي : نعم....لماذا : لأنه سيارتي أجتها نفس الحالة النفسية تبع سيارتك ، بالأول 10 مرات تشتغل ومرة لأ ، وبعدين زادت النسبة إلى أن وصلت إلى ولا مرة - طبعاً إهمال مني -ثم أخذتها إلى ورشة اسمها ( الجنوب ) - بالرياض - وطلعت المشكلة من فحمات السلف وقمت بتغييرها وتغيير البوجيات معها - بما إنها صارت واصلة الورشة - .
وكذلك زميل لي معه هوندا 1998 نفس مشكلة التشغيل ولكن بعد الفحص وجد أنها بحاجة لتغيير السلف كله، طبعاً هذه المشاكل ظهرت مع بداية البرد... ربما صدفة!!

وممكن من الدقمة (دقمة السلف)

شف يا حبة خال:

قــد صــارت معي نفــس المشكـــله سيارتي ما تشتغل الا بشتراك

فقطــ المهم رحت و ديتها عنــد كهربائــــي في الخــرج قال عـندك

البطاريــــــــه ما لها 7 شهور رحت سلمك الله البيــت اريح بعـــد

العصر شفلت الهنادي على الرياض عند الضمان حق البطارية قالي

ما فيها شي:( واعود عند الكهربائـــــــي:mad: و اعصب عليــــه رحت

بعده عند حق البطاريات قالي الدينمو يسحب كهرباء غير الدينمو كامل

قلت أيش :confused:

قالــــــي وده عند الكربائي قلت توكل على الله أحسلكـــــــ :a046:

المهم مسكت معي اوديه الوكاله هوندا قبل الصناعية القديمه

واروح و اقابل عمر الهندي و اعرض له المشكلة قلت افحص الكهرباء

قالي خلاص بكره تعال قلت خلاص اتصل علي قالي البطاريــه خربان

قلت :a0381: واروح عند البطارية قلت خل اجـــــــرب صادقين حقين

الوكالــــه و أخـــذ يواسا واعطيه الرجيع ايسيدلكو المهم و اركبه ما

شاء الله زي القمــــر:d

بعد اسبـــــوع رجعت نفس المشكلـــهاللي صارت !!

1/ لعبو علي حقين الوكالــــه قالو البطاريــه
2/ 150 ريال فحص راحت هباء منثوره
3/ البطاريه اللي قبله ما فيها شي

يجي الوالد يقولي أزهلها قلت بيض الله و جهـــــــك:cool:

ويوديــها عند كهربائـــــــي خطـــــير :Jumpy:بمعنى الكلمــه@

وقال عندكــــــــ الدينمو فيها (الكتاوات و موبينه) واروح الرياض عند

قطع الغيار النعمانـــي قال ما قد جبنها مره أعطاني رقم القطعه و

اروح عند المصري حق القطع الوكالــه تدرون كــــم قالي هذي

القطعـــــه بس (3700) وشوي :sleepy:قاعد اناظر في القطعة قلت و الله

ما تستاهل الى 150 ريال.

قلت ميد المصري أجـــل كــم الدينمو كامـــل قالي (4000) وشوي

قلت باجيك رحت كلمت بره اصرفها و قلت الله يخلي تشليح حـــــائر


و اقابل يمني قلت كم الدينمو كامل قالـــي (400) ريال بس نظيف

علــى الشرط قلت حطه في الكيســـ بيض الله و جهك

واتجه إلـــى الخرج عند الكهربائــي وقت الصباح الساعة 10

قالي تعال بعد العشـــاء و أجي و أستلم السيارة ما شاء الله 100%

شغل أوكــــــــي:012: و الحمد الله حبيت أبييلكم يمكن عندك،، نفس المشكلـــــه!!

ما شاء الله عليكم يعطيكم العافيه ما قصرتو يا شباب على الردود اللي تبرد القلب :d

بس حبيت اضيف شيء اني لما ادق سلف السياره فيها كهرب واقدر اشغل المسجل ولكن المكينه كلش ما تشتغل

الشيء الثاني حق الاخ المباشر ... كيف هذا إقبال هل هو نصاااب ولا محترم ولا انتهازي :( (ادري ان بعض الضن إثم بس شسوي زهقت من كثر الميكانيكين اللي نصبو علي)

ومشكووووورين يا شباب على ردودكم :rolleyes:

وأقبال روح له وانت مطمئن وتراه كان شغال بالوكالة مهندس بالصيانة

انت مغير البطارية مثل ماتقول ...والسياره فيها كهرب بس مافيها صوت تشغيل ....!

اجل احتمال كبير تحتاج تنظيف وتغيير فحمات السلف روح للورشة الي دلك عليها المباشر وشوف

انا ساكن في الدمام جنب نادي الخليج .... يعني الخضريه للسيارات مره قريبة :d (اصلاً نص اللي يشتغلون بالخضريه حافظين رقعة وجهي :d) بس اغلبهم نصاااااااابين :mad:

وكلمت إقبال وقال لي اجيب السياره له بكرى الصباح علشان يكشف عليها ويقووول ايش فيها

يعطيكم العافيه ما قصرتو كلكم والله وانشاء الله تنحل المشكلة :rolleyes:

واشكركم كلكم بدون استثناء :cool:

بالتوفيق يارب

ولا تخاف الرجال ثقه وفاهم شغله ماشاء الله عليه وسبق وأرسلت نسيبي له وطلع موتره من عنده مستانس وراضي

وماشاء الله مشرفينا القدامى مضبطين سياراتهم عنده وماعرفنا أقبال الا منهم ومن خبرتهم الله يعطيهم العافية

فتحت الصفحه جيت برد //شفت صورتك الرمزيه نسيت!
:eek:

لحقوووو علي قالو لي ان السياااره تحتاج تغييير سلف كامل

طبعاً قيمة السلف 2500 رياااال :p (إيش رايكم اغيره ولا اشوووف لي حل ثاني :confused:)
ويقوولون ان البحرين قطع الغياااار فيها ارخص من السعوديه (ياليت لو فيه احد من البحرين يسأل لي قطعة السلف حق اكورد 2003 كم قيمتها :))

ابو يوسف <<<< لا تخااااف ترى شكلي احلى من الصوره وتظاريس وجهي محترمه :d

مشكووورين

خذ لك من التشليح اذا كان رخيص بدل ماتخسر نفسك

وتأكد مع اقبالووه هل تغيير كامل ولا ممكن تكون قطعة لوحدها

ونصيحتي شوف التشاليح اصرف وخذ شي عليه ضمان ولو اسبوع مايهم المهم انه يشتغل وان شاء الله يطول معك

واذا مره مره معزم خذ القطع من البحرين ووفر شوي :)