عرض للطباعة
السلام عليكم ورحمة الله وبركاته
كيف الحال ياشباب ؟
ياشباب عندي مشكله بالاكورد وهي
لما تكتم للموتر او تدعس دعسه اخف من الكتمه <<يعني تخش وضع تسارع
يوصل انبير ضغط المكينه الين 4ونص او اكثر شوووووي
تختنق المكينه او زي الي تعلق (مدري كيف اشرح)
ويوقف ضغط المكينه على 4ونص
و انبير السرعه على ميه مثلاً
وما يتحرك الين ماترخي الدعسه شوي اوتفكها
بعدها يعشق القير
ومالي فاهم وش السالفه
وطبعاً التسارع بايخ
وش رايكم بالموضوع ؟؟
احد مرت عليه ؟؟
تح يه مع الشكر
معليش كتبت الموضوع على عجل شوي
و عليكم السلام ورحمة الله وبركاته
بالنسبة ياخوي لمشكلة اتوقع انها تعتمد الطريق اذا كانت فيه مرتفعات
مثل ما يحصل لي بسيارتي السابقه
وعليكم السلام ورحمة الله وبركاته
ذي المشكلة صارت مع واحد من أخوياي بس السيارة مو هوندا
والحل كان إنه غير زيت للقير مع الفلتر وضبطت السيارة
ممكن تكون المشكلة عندك نفس المشكلة اللي صارت معه
اقتباس:
المشاركة الأصلية كتبت بواسطة عبد الحق الزرنوقي
لا يخوي الطريق مستوي وتمام التمام
اخوياي يجيبون الطبالين عليه بدون مشاكل
تح يه
مشكور
اقتباس:
المشاركة الأصلية كتبت بواسطة البرنس المتألق
بغير الزيت وبشوف وش يصير
وللمعلوميه لما تحط القير بالـn وتبي تقطع يوصل الضغط الى 4ونص وتحن بس ماتكمل للـ 6 وتقطع
ولما تكون ماشي مشي عادي << على هداوه تعشق وزي العسل بدون مشاكل
تح يه مع الشكر
يمكن الكمبيوتر قافل يبغ له برمجه او شي ؟
انتبه اذا ماشي ع الزيت واجد لاتغيره مره وحده لاتسبب لك مشكلهاقتباس:
المشاركة الأصلية كتبت بواسطة accord_02
والله ياغالي أنصحك تروح متخصص قير أوتوماتيك أحسن لك
شوف هي أحد المشكلتين التاليه
إما : أنه يكون عندك زي ماقال أخونا زيت القير والفلتر <<< إحتمال ضعيف
أو : أنه عندك مشكله بنفس القير يبغاله توظيب <<< الله يعينك عليها
أخوي معاه فورد فكتوريا 95 كانت نفس المشكله عنده
سوالها توظيب قير وصارت ميه الميه
بس أنا أنصحك لا تأخذ بكلام أي واحد
روح ياغالي وأدفع مبلغ بسيط كشف على القير في إحدى المحلات المتخصصه
بالقير الأوتوماتيك أفضل لك وبيعطيك وش المشكله أهم شي تاخذ على شغلهم ضمااااان
عشان لاسمح الله صار شي ماشيات تقدر تصكها بين عيونه ورقة الضمان
إحترامي
وش موديل الموتر ؟؟؟؟؟
وعندك اما حساسات او كلتشات القير لكن الموديل يحكم
وحاول تفحصها كمبيوتر بعد تبديل الزيت والفلتر اذا ماضبطت
الموتر موديله 2002
هل من الممكن يكون من نظام i-vetc
الي يشتغل عند التسارع ؟؟
(((محرك الهوندا اكورد ايضا يتميز بتقنية VTEC الخاص بهوندا وهو التحكم بمدى ومدة فتح الصمامات الا ان هذا النظام في هوندا اكورد يفتح بعد سرعة دوران للمحرك مابين 4800 دورة في الدقيقة و5000 دورة في الدقيقة بلا وجود لنظام داعم اخر)))
^^^^^^^^^^^^^^^
منقوول من احد المواضيع بالمنتدى
يعني لما نكون بوضع تسارع بشتغل هذا النضام(vetc) الموجود بالمكينه
طبعاًَ سيارات هوندا
طيب انا لما يوصل عند 4800دوره تختنق او تعلق المكينه ماعاد تكمل
هل يمكن ان تكون المشكله من هذا النظام ؟؟
وش السوواااات؟
تح يه
ومشكور للي ردو فوق
اخوي مشكلتك في زيت القير غيره مع الفلتر الخارجي اللي وضحه اخوي المتصفح وتضبط امورك باذن الله
بغيره بكره ان شاء الله
وبرد لكم خبر
مشكور لكل من رد على موضوعي او حاول مساعدتي
تح يه واسفين على الازعاج
سؤال ياشباب
اروح الوكاله بكره وأغير الزيت وبس
مره وحده؟
لاني لي تقريباً 80 الف كيلو
ماغيرته
وش تنصحوني اسوي
وللمعلوميه : في احد اهواز القير جرح بسيط
ينزل تقريباً دمعة زيت
فا كل فتره ينقص مقدار نص علبه وازيده من حق البناشر
تح يه
القهر
اني غيرت زيت القير
وزي ماهي ولاكني سويت شي
وش السووات؟
وداري اني ازعجتكم
نح يه
اصلا زيت الجير والفلتر ماله دخل بهالمشلكة هذه :confused:
حتى لوكان الزيت قديم والفلتر معدوم الجير ما يقل اداءه زي اللي صاير معك
ممكن التغييرات تتأخر وتصير ثقيلة بس ما يصير زي اللي صاير معك
اخوي لازم تفحص عن متخصص عشان تعرف العلة
لان لها اكثر من سبب
من بينهم تصفية مكينة وتنظيف بخاخات
او .......... اشياء كثير
او ان الجير في مشكلة
لازم تفحص السيارة
اذا تبغى اراء واسباب نعطيك للصبح
بس انت تبغى سبب المشكلة وهذا الشي مايقدر عليه
الا شخص متخصص ولازم يفحص السيارة
تحياتي لك
اذا المشكلة بسيطة روح لكهربائي خله يفك الحساسات وينظفها وتضبط باذن الله وتكلف حدود 50 ريال اذا كان يبي يلعب عليك فقط:d
اخييو مشكلتك كلها في القير نفسه انا صارت معي في سياره فورد مونديو فيها نفس المشكله للحين>>>موفاضي اصلحها :d
رح ورشه مختصه عشان التصليح يبيله فك القير كله... ولا رح وكاله هوندا
بلال وش تحس فيه:rolleyes: مشكلته في علبه التعشيقاقتباس:
المشاركة الأصلية كتبت بواسطة بلال العلمي
شيك على البواجي واسلاك البواجي قبل مايلعبلك احد في القير احس من كلامك ان المشكله في العزم وتخير التغييرات
هلا والله ياغالي
انا اليوم سويت زي ماسويت انت بالتمام
اني اعطيها الدعسه الثانيه عشان تخش التسارع
يعلق الانبير على اربع ونص بعدين تحس انه زي اللي يعشق للتغييره اللي بعدها
هذا شي عادي جدا لان السياره كانت في وضع التسارع
والمكينه مرتفع الهواء فيها وفي هذا الوقت يغير عشان ضغط الهواء يبدأ بالنزول
ان شاء الله فهمتم شي :d
^^^^^^
بس انا ماتعشق ابد الين ما افك الدعسه
اتوقع المشكله بالمكينه
لان القير تعشقاته زي العسل بس لما تدعس للمكينه كثير تبتدي المشكله
الحين بطلع اشيك على البواجي
مشكور للي ردو فوق
تح يه
اقتباس:
المشاركة الأصلية كتبت بواسطة الاكورداني
صدق او لا تصدق هذه هي المشكلة
صباح الخير اخوي انا ادلك على ورشه والله سيارتي الهوندا كان فيها مشكله مرره طفشتني وكل مارحت ورشه قالولي غير الشي هذا وفي الاخير مايطلع منه الين خسرت حول 3000 ريال وفي الاخير واحد من اخوياي دلني على واحد مجرم هوندا مكينيكي والله بدون مبالغه انه يوقف قدام السياره ويعرف علتها واحد مرررره فنان اسمه ابراهيم باكستاني في صناعيه البديعه وعلى فكره صلح المشكله حقت سيارتي بـــ 100 ريال بس وعنده قطع غيار وكل شي روحله وبتدعيلي
الوصف : الدائري الغربي وانت جاي من المعلق بيجيك مخرج حمزه بن عبدالمطلب رقم المخرج والله مااعرفه بالظبط بس هو من عند سلام مول وهايبر بندة(جيان سابقاَ) اذا دخلت من الخرج توقف عند الاشاره وانتبه تقطعها اذا فتحت روح(ههههه) يسار باتجاه الشمال وتروح تتعدا الاشارات الي يجيك على يسارك البديعه مول وبعدها بيجيك على اليسار مركز الهرم اذا تعديت مركز الهرم وهو على يسارك بتجيك اشارة تسوي يوتيرن من الاشاره وبتجيك الصناعيه على يمينك فيه محل تويوتها لبيع قطع الغيار في الزاويه تدخل من بعد يمين ويصير برضو على يمينك تمشي سيده بيلفبك الشيارع يسار تجي ورشته على اليسار طبعا كثير ورش مكتوب على لوحاتها هوندا وهو مكتوب على لوحته هوندا بس اذا وصلت دق عليه ويوصفك اي وحده ورشته او اسأل عنه ابراهيم باكستاني يتكلم سعودي كويس وهذا رقم جواله : 0553856990
وصف اخر للورشه طريق الملك فهد تمشي الين تجيك اسواق مكه تدخل يمين من عند اسواق مكه وانت جاي من الشمال تصير اسواق مكه على يمينك امش اتوقع 4 او 5 او 6 اشارات الين تجي الورشه على يمينك ومحل تويوتا الي قلتلك تدخل من عنده يمين
يأخوان مشكووووووووور لكل الي ردو علي وحاولوا يساعدوني والله انكم مثل الاخوان
طبعاَ دخلت السياره ورشه بالدمام يمدحونها مخصصه لهوندا
ركب وجرب الموتر وقالي اتوقع من حساسات القير
المهم قالي بسويلك فحص للقير وبردلك خبر اكيد بكره
وقال اي قطعه اركبها وما تتصلح المشكله نرجعها بكرتونها وتخذ فلوسك كامله (عدا قيمة الفحص)
مشكور للي حاولوا يساعدوني حتى لو بقليل
وان شاء الله نعطيكم خبر عن الموتر اول مايطلع
تح يه