بعض اسعار قطع الاكورد والله مهزلة

اترك بين ايديكم هذا الموضوع المنقول وانتظر تعليقاتكم

لتوضيح الظلم الذي تلقيته من وكيل هوندا عبدالله هاشم لكي لا اطيل الموضوع و ما فيه تعرضت سيارتي الاكورد موديل 2005 لحادث و لقيت اضرار في اسفلها اما البودي شبه سليم لم يتضرر الا الصدام و الرفارف الاماميه تحتاج لوزنيه فقط و الباقي سليم و الغريب ان التكلفه الاجماليه مبلغ و قدره 61029
و راح اذكر قيمة قطع الغيار و الاجور في الاسفل
1 _ صدام امامي 1003
2 _ كلبس صدام امامي 8
3 _ كلبس صدام امامي 30
4 _ جلده رفرف يمين 197
5 _ جلدة رفرف شمال 197
6 _ كلبس جلدة رفرف 80
7 _ جلدة ماكينه تحتاني 203
8 _ كلبس جلدة ماكينه 35
9 _ شبك امامي 437
10- كلبس شبك امامي20
11_ زجاج مرايه باب 99
12_ جلدة عتب يمين 782
13_ جلدة عتب شمال 743
14_ زجاج خلفي علما بأن الرجاج مكسور قبل الحادث 1495
15_جلدة زجاج خلفي 82
16_ كلبس زجاج خلفي 20
17_ جلدة زجاج خلفي 14
18_ كلبس زجاج خلفي 20
19_قربة ماء مساحات 285
20_ كمر امامي 2697
21_ كرسي ماكينه امامي 559
22_ كرسي ماكينه عند السيور 328
23_ كرسي ماكينه خلفي 492
24_ كرسي ماكينه عند الجربكس 169
25_ كرسي ماكينه عند الجربكس 87
26_ كرسي ماكينه عند الجربكس 93
27_ مساعد امامي يمين 1106
28_ مساعد امامي شمال 1090
29_ مقص تحتاني امامي 562
30_ مقص تحتاني امامي 562
31_ مقص فوقاني امامي 383
32_مقص فوقاني امامي 383
33_ دنقل امامي يمين 705
34_ دنقل امامي شمال 705
35_ رمان بلي دنقل546
36_عمود دركسون تحتاني 3791
37_ مساعد خلفي 2020
38_ دنقل خلفي يمين 818
39_ دنقل خلفي شمال 818
40_رمان بلي دنقل 1148
41_ كمر خلفي 2608
42_ مقص ميزانيه خلفي 336
43_جرم جربكس وسطاني 2041
44_ مقص فوقاني خلفي 504
45_قربة هواء تحتاني 449
46_ جنط كروم 7368
47_ كفرات دنلوب 1600
48_ بلف جنط 16
49 عكس شمال _ 2434
50_ سنسر امامي 417
51_ سنسر خلفي 444
اجمــــــــــــــــــــــــــــــالي العرض 43029
اجمــــــــــــــالي العرض بعد الخصم 42529
لو اطرهم طراره عاد على شان يخصمون لي 500 ريال بس
و اجور اليد 18000 ريال
و اجمالي التصليح 60529 ريال فقط فقط فقط فقط فقط فقط لا غير
و السياره جديده بحوالي سبعين الف و سيارتي ماشيه 74400 بالضبط
السؤال الجوهري اللي يطرح نفسه
وش رأيكم في اللي يشتري هوندا اكورد ؟؟؟
بحكم استخدامي للسياره سنه و ثمانيه شهور الشهاده لله السياره ممتازه و قياده ممتعه و جوده عاليه بس الخلل مو في السياره
الخلل في الوكيـــــــــــــــــــــــل و لكم الخيار يا اصحاب الاكوردات و يا اللي ناوين تشترون اكورد ..... بس الحمد لله بعت السياره بــ 38000 ريال بحالتها الراهنه و الله يعوض و يخلف ........

اول شي الحمد لله على سلامتك

ثاني شي الله يعوض عليك وتطق لك فياقرا ان شاء الله

هع هع

ثالث شي انا معك 100% بنسبه للسياره فهي حلوه وقيادتها ما عليها
وانا اقول ان اكبر خلل واكبر عيب في السياره هو عبدالله هاشم

والله لو تبوني احلف ان لو يمسك هوندا واحد غير عبدالله هاشم ان تصير علوم حلفت

ما اقول الا حسبي الله ونعم الوكيل يا عبدالله هاشم

اول شي الحمد لله على سلامتك

ثاني شي الله يعوض عليك وتطق لك فياقرا ان شاء الله

ستينج الحمدلله انا سليم وسيارتي سليمة وللة الحمد بس انت قريت وش مكتوب فوق الظاهر انك ما اطلعت على الموضوع زين

أكورد الجنوب ترا موضوعك سحبني مثل ستينج لاكن ولله الحمد إني قريت ردك..........
والله يعوض على المذكور وينتقم من عبدالله هاشم........

يوم اقرأ القطع المطلوبه فهمت شي

ان السياره من تحت سلمت على راعيها >>> يعني يتصور معاها بس

حتى الجنوط راحت

يعني بقى المكينه + البودي >>> حتى الصدام بيغيره

افهمها وبيع تشليح علطول >>> لانه اكيد المبلغ بيطلع مرتفع حتى لو انها سيارة غير الاكورد

خويي معه كابرس 2005 صدم فيها من قدام وصدمه واحد من ورا
راح الراديتر والصدام الامامي والخلفي والرفارف والكبوت والشنطه التكلفه بالوكاله وصلت 38 الف ريال هذا والماكينه ماجاها شي والشاصي ماجاه شي بس بودي وراديتر

الوكالات كلهم يبون يستفيدون

مافية افضل انك تأمن على السيارة تأمين شامل ...

احد اقاربي كان عندة فولكس واجن بيتل , وكان مسرع وطلع على تقاطع ولقى رصيف قدامة ورقاه وهو مسرع وسيارتة اكلت هواء من تحت , تقريبا مثل سيارتك , ويوم حسبو له القطع والتصليح طلعت علية اوفرلووز ,,, يعني تصليحها اعلى من قيمتها , بس لانة كان مأمن شامل عوضوة بمبلغ السيارة كامل .. والحمدلله على السلامة .

اقتباس:

---

المشاركة الأصلية كتبت بواسطة Blue Love

مافية افضل انك تأمن على السيارة تأمين شامل ...

احد اقاربي كان عندة فولكس واجن بيتل , وكان مسرع وطلع على تقاطع ولقى رصيف قدامة ورقاه وهو مسرع وسيارتة اكلت هواء من تحت , تقريبا مثل سيارتك , ويوم حسبو له القطع والتصليح طلعت علية اوفرلووز ,,, يعني تصليحها اعلى من قيمتها , بس لانة كان مأمن شامل عوضوة بمبلغ السيارة كامل .. والحمدلله على السلامة .

---

ياجماعة الخير انا موتري سليم ولله الحمد وراكم انتو مثل سيارتك مثل سيارتك تراكم خوفتوتني

حمدلله على سلامتك أخوي أكورد الجنوب

في الحديد ولا فيك ..

و السيارة تتعوض لكن الأرواح ما تتعوض


<<<< مسوي مصدق :d


ما أقول إلا الله يعين ..... و هذا حالنا في السعودية ...

و الحمدلله إنك بخير و سيارتك بخير عزيزي :)

BLK

شاكر مرورك يالغالي وفي البداية خوفتني بس كويس طلعت فاهم الشغله

ههه معليش اخوي اكورد الجنوب , توني صاحي من النوم وقتها وشبكت بموضوعك

اكثر من 60000ريال والله قهر يعني خلاص قربنا لسعر اكورد سياحي يعني بالمختصر المفيد رح بعها اطلق لك والله يعوض يااكورد الجنوب بس لا تتركنا .

لاحول ولاقوة ألا بالله.
من جد ماني مصدق 60 ألف.

الله يعوض عليه
لكن المشكلة ليست بالوكيل!، الأسعار موحدة بجميع الدول!، حتى أسعار السيارات، يعني المصدر لهذه الأسعار هو مكتب هوندا بدبي أو شركة هوندا الأم فقط !

أولاً الله يعوض على صاحبها ....لكن زي قالوا الشباب المفروض انه يبيعها تشليح أوفر له و خصوصاً أن صاحب السيارة ما شاء الله مقتدر لأنه دفع .....60 الف تصليح

كان باعها تشليح 10 الآف و زود 60 الف و طق له موتر 2006

اخوي اكورد الجنوب حمدالله على السلامه

واحلا تحيه لحماية المستهلك ولوكالة عبدالله هاشم صدق من قال من يملك النقود يملك السلطه

أكورد الجنوب

الظاهر تعقدت من ردود الشباب :)

حالفين انها سيارتك خخخخخخخخخ

الاخطبوط
فال الله ولا فالهم بعدين انت كويس مدمن ببسي وبس

اقتباس:

---

المشاركة الأصلية كتبت بواسطة دحوم

اكثر من 60000ريال والله قهر يعني خلاص قربنا لسعر اكورد سياحي يعني بالمختصر المفيد رح بعها اطلق لك والله يعوض يااكورد الجنوب بس لا تتركنا .

---

لا تقطعنا ولا تتركنا ولا تنسانا :d

لا حول ولا قوة الا بالله

يا رجال الحمد لله ما رحت انت فيها وخلي السياره تروح وتيجي
وتراك ولد عمنا وما بينا حاجه والأخطبوط تكفل بمساعدتك وتصليح السياره بس أهم شيء لا تتركنا لا تخلينا لا تنسانا وتنس الحب وتنسى الأيام الجميله اللي عشناها سوا لا لا لا !!
<========= اللي صدق برمي عليه دحوم..!!:d

خخخخخخخخخخخخخخخ

يبوي شغل الوكاله من يومه نصب × نصب

وكويس انه باعها ولا قزاز مرايه ب 99 ليييييييييييييييييه
والله أكسر مرايه الشايب واربكها عندي<===== اربكها يا ن ك د !! سجل في الدفتر

الله يعين الرجال ويعين الجميع على شغل النصب

مشكور اخوي على الموضوع وما تقصر

مع التحيه

اتوقع الاسعار في جميع الوكالات سواء هوندا او غيره
قبل شهر تعطلت سيارتي في الامارات المهم ضر ب الردايتر سألت في الفطيم وكيل هوندا بالامارات عن سعره تقريبا 2200 والله العظيم
ومن سألت عن سعره في عبد الله هاشم فرع المدينه وصل سعره بعد التخفيض 800 واللي ما يصدق ممكن يتصل ويسأل في الوكالتين
لحمت الردايتر هناك وكملت الصيفيه

والله كنت بطيح في الفخ ... وكنت بأواسيك يابو العبد ... بس قلت الرجال أمس مكلمني ولا قالي شي بالعكس كنا نسولف عنها ولا جاب طاري ... فقريت الموضوع مره ثانيه ...


على العموم الله يعوض راعيها بخير ... وياناس لا تاكلون عبدالله هاشم... تروا كل الوكالات كذا ..

جررررررررررررررررررره الييييييييييييييييييمه على الوجه :eek:

حتى انا مثل الشباب بس اشوى انتبهت بعدين :eek:

اكورد الجنوب خوفتوتني قويه مره عدلها ;)

FuiE لاتصرف بس صايدك صايدك :d

بس اهم شي HONDA ولكم باااااااااااااااااك طولت الغيبه ياهوه ;)

يازين النيسااان والله غاليه ..

لو معي هوندا كان طفرررت من جد هع هع ..

.

اقتباس:

---

FuiE لاتصرف بس صايدك صايدك :d

---

أخيرا صدتك يا بعدي

تسوي تعرف تكتب عنقليزي
اسمي يا بعدي FiuE مو FuiE
هعععععععععععععع

وذلك بتقديم اليوووو وتأخير الأااااااي

صدتك صدتك

ياولد شالسالفه :eek:

انواع الاغلاط اليوم :eek: :eek:

كلللللللللللللللل الشباب اليوم قاعدين لي :( حتى اتش ليييييييييييييييييييييييه؟؟ شكلكم حاقدين علي والله كلللللللللكم تدورون الزله بس يالله
مثل ماقال الاخطبوط : يوم ليك ويوم عليك
بس احس ان الواحد فيكم يقرا الموضوع ربع ساعه عشان بس يصيدني ههههههههههههههههههاي.........
يمكن الاغلاط هاذي عشاني مواصل يومين الى الحين مانمت؟؟؟؟؟<<<<<<عاش مصرف ;)