زيارتي لمعرض هوندا -جدة - طريق المدنية( أسعار السيفيك)

السلام عليكم

كيفكم يا شباب .. اتمنى ان تقرأوا موضوعي وأنتم في أتم صحة و عافية يارب ..

الحقيقية يا اخوان انا معزم اشتري سيارة سيدان صغيرة

وجا في بالي عدة سيارتين : كورولا - سيفيك

ومسكت طريق المدينة بجدة مريت اول شي على معرض تويوتا .. وركبت الكورولا ..

والحقيقة قلت في نفسي لا احكم عليها الين ما اركب السيفيك واروح معرض هوندا ..

و رحت لمعرض هوندا -جدة - طريق المدنية

عموما اول ما دخلت الا واحصل عروض رمضان قلت كويس .. وفرصة للشراء بسعر ممتاز

واتفاجأ ان عرض رمضان على اكورد فقط ..

وذلك بعد اخذ المعلومات من ممثل المبيعات ..

ركبت السيفيك 2010 الفل كامل و اللون الابيض بريميوم اللؤلؤي

وكأنها والله عروسه :d روووعه بكل ما تعنيه الكلمة من معنى

ويمين بالله فرق كبير بينها وبين الكورولا ..:p

وأخذت المعلومات والفرق بين الفل كامل والنص فل

قال الفرق بينهم في الفل بس

مثبت سرعه

و 8 ايرباج

ومصابيح امامية للضباب << قلت له ليش لا يكون بجدة ضباب :d

ومكيف الهواء باللمس وبينما في النص فل يدوي

طبعا فتحة السقف متوفرة في الفل والنص فل

وايضا مقاعد جلد للفل

والتعشيق عند الدركسون

تقريباً هذي اهم الاشياء ومدري والله اذا نسيت شي ..

المهم و الأهم نجي للسعر ..

الفل .. VTI

وسعرها : 86.900 الف ريال سعودي

------------------------------------------

والنص فل .. EXI

وسعرها : 78.400 الف ريال سعودي

فوراً قلت له : يابويه أنت من جدك :eek:

هذي سيارة صغيرة ماهي اكورد ..!!

قال انا اعرف ان السعر مبالغ فيه واحنا نعترف ولكن ترى سعرها مرتفع

بسبب اننا نجيب منها كميات محدودة.. :confused:

احنا مركزين اكثر على الاكورد ..

قلت له طيب .. هل تتوفر عندكم شي قال والله السيفيك مخلصه :(

تحطيم :mad:

المهم قال اعطينا رقمك واذا جت سيارات نتصل عليك ..

قلت له سؤال اخير .. متى تنزل موديلات 2011 السيفيك ؟:rolleyes:

قال تقريبا ببشهر 11 ومدري والله هو قصده هجري ولا ميلادي ..

فا مدري يا شباب بعد هذا التقرير وش رايكم؟؟

اصبر الين اشوف الموديل الجديد ؟؟ يمكن يكون احلى ؟

او اني اشتري 2010 مع نزول 2011 واكسب انا نزول السعر على 2010 ؟

اخيراً : فيه سؤال نسيت اسأله لممثل المبيعات ..

هل يتوفر بالسيفيك الحساسات ؟

وهل صفط المرايا كهربائي؟

وأعتذر كثيرا على الإطالة

بس اعذروني والله اني ابي اشتري سيارة بأسرع وقت ..:(

اقتباس:

---

---

اقتباس:

---

الفل .. VTI

وسعرها : 86.900 الف ريال سعودي

------------------------------------------

والنص فل .. EXI

وسعرها : 78.400 الف ريال سعودي

---

وربّي مآخذين مقلب هههههه

الكآمري GLX بـ 77 والـ se بـ 88 !!!


ضحّكتني أضحك الله سنّك :d أوّل مره اعرف باسعار السيفيك والله ، تعجبني وآجهتهآ بس خلفيتها وضيّقه شوي هع ..
وتوقّعت انها غاليه بس مو للدرجه ذي ..

< باللهي شباب السيفيك هدّو شوي بلآش تجلدوني ههههه

اخوي انا سيارتي شريتها من الكويت موديل 2008
فيها حساسات بس هنا ما شفت فيهم حساسات

وعليكم السلام

صحيح ان اسعار السيفيك مبالغ فيها شوي

لكن مايقدرها الا الي يملكها !

يعني يااستاذ نايف الكامري فئه والسيفيك فئه مع ان السيفيك بدءت كل سنه تتفوق عن السنه الي قبلها بالمنافسه

شوف مواصفات السيفيك وبعدين احكم جلد طبيعي + نظام الـ vsa + نظام الـ abs+ebd + ثمانية ايرباقات + التحكم من خلف المقود , غير الرساوه الي ماتتوقعها بسياره صغيره ماشاء الله , والحين قولي الكامري فيها هالمواصفات ؟

انا ماقلت هالكلام عشان عندي سيفيك بس الواحد مايتكلم عن شي من غير تجربه !:)

السعر مبالغ فيه بل سعر فلكي اذا ما قورن بقيمتها في أمريكا :(

اقتباس:

---

المشاركة الأصلية كتبت بواسطة doabil

السعر مبالغ فيه بل سعر فلكي اذا ما قورن بقيمتها في أمريكا :(

---

كلامك سليم بس السوق الامريكي يختلف عن السوق الياباني من ناحية الشكل والمواصفات والايدي العامله والسوق الامريكي يصنع لنفسه فقط :)

هلا أخووي أول شي السيفيك ما تتقارن بالكورولا السيفيك أفضل بكثير ولا يعرف قيمتها ألا ألي جربها وربي أعشقها بجنون:d الله يخليها لي
وبنسبه لسعر صحيح سعرها مبالغ فيه لكن أنصحك تاخذ نص فل وبتوفيق.

اقتباس:

---

يعني يااستاذ نايف الكامري فئه والسيفيك فئه مع ان السيفيك بدءت كل سنه تتفوق عن السنه الي قبلها بالمنافسه

شوف مواصفات السيفيك وبعدين احكم جلد طبيعي + نظام الـ vsa + نظام الـ abs+ebd + ثمانية ايرباقات + التحكم من خلف المقود , غير الرساوه الي ماتتوقعها بسياره صغيره ماشاء الله , والحين قولي الكامري فيها هالمواصفات ؟

انا ماقلت هالكلام عشان عندي سيفيك بس الواحد مايتكلم عن شي من غير تجربه !:)

---

أخي الكريم ، احترم وجهة نظرك .. وأعترف بخطأي يوم قارنت فقط بالسعر .. ~

بالنسبه للحجم سعر السيآره يجيب لي سياره أكبر منها بالحجم ولهآ حجمهآ ومكآنتهآ بالعالم كلّه " الكآمري " !! صحيح الموآصفآت للكآمري " وسط " .. مع ان الجي ال إكس .. تجي جلد وشاشه وكآم وabs وحآجآت حلوه .. باستثنآء الرساوه اللي اتفق معك فيهآ ..
لكن برضو لازم نرآعي للتدرج بالاسعآر .. !! لو مآ رآعينآ السعر أخذنآ is .. !! أحلى وأفخم .. والحجم مو بعيد ..

سيآره مثل السيفيك صغيره مآ أتوقع بأي حآل توصل للسعر هذا .. !!

أولا وأخيرآ تويوتآ رائعه و معروفه بالصيانه والرخص والسعر عند البيع .. والهوندآ بالجوده والرساوه ..

تبقى الشركتين مآ ينتمون للسيآرآت الفخمه .. ليش فرق السعر كذا .. !!

قآرنهآ بالكورولآ .. يعني لو سعرهآ مرتفع شوي أوكي مو مشكله ..

مثلآ الكآمري لمّن أقآرنهآ بالأكورد .. الكآمري الجي ال اكس .. تقريبا 85 الف ..

الأكورد الاربعه سلندر فل فوق الـ 90 .. يعني حزّتهآ أدفع فرق السعر وانا فرحآن .. :)

لأني حصّلت صحيح أغلى .. بس مو وآجد الفرق .. ومواصفات أفضل .. ~

إختلآف الرأي لا يفسد للوِد قضيّه

اقتباس:

---

المشاركة الأصلية كتبت بواسطة Dr.Naif

أخي الكريم ، احترم وجهة نظرك .. وأعترف بخطأي يوم قارنت فقط بالسعر .. ~

بالنسبه للحجم سعر السيآره يجيب لي سياره أكبر منها بالحجم ولهآ حجمهآ ومكآنتهآ بالعالم كلّه " الكآمري " !! صحيح الموآصفآت للكآمري " وسط " .. مع ان الجي ال إكس .. تجي جلد وشاشه وكآم وabs وحآجآت حلوه .. باستثنآء الرساوه اللي اتفق معك فيهآ ..
لكن برضو لازم نرآعي للتدرج بالاسعآر .. !! لو مآ رآعينآ السعر أخذنآ is .. !! أحلى وأفخم .. والحجم مو بعيد ..

سيآره مثل السيفيك صغيره مآ أتوقع بأي حآل توصل للسعر هذا .. !!

أولا وأخيرآ تويوتآ رائعه و معروفه بالصيانه والرخص والسعر عند البيع .. والهوندآ بالجوده والرساوه ..

تبقى الشركتين مآ ينتمون للسيآرآت الفخمه .. ليش فرق السعر كذا .. !!

قآرنهآ بالكورولآ .. يعني لو سعرهآ مرتفع شوي أوكي مو مشكله ..

مثلآ الكآمري لمّن أقآرنهآ بالأكورد .. الكآمري الجي ال اكس .. تقريبا 85 الف ..

الأكورد الاربعه سلندر فل فوق الـ 90 .. يعني حزّتهآ أدفع فرق السعر وانا فرحآن .. :)

لأني حصّلت صحيح أغلى .. بس مو وآجد الفرق .. ومواصفات أفضل .. ~

إختلآف الرأي لا يفسد للوِد قضيّه

---

ولكن السيفيك اكبر من الكورلا من ناحية الحجم وكان بالسابق عندنا كورلا والله فرق السماء والارض بينها وبين السيفيك

طيب نقارنها بالكورلا الفل وسعرها حاليا 76.000

لكن لو جينا نقارن الكورلا بالسيفيك من ناحية مواصفات رساوه وامان صدقني لاتقارن وحتى سعر الكورلا اعتبره غالي عليها

يعني بمواصفات الكورلا واكثر اتكلم من ناحية الامان اخذ لي سيفيك وسط مو شرط اني ادفع للفل بما اني ماحتاج هالاشياء الي فيها مع العلم ان السيفيك الوسط من 2009 نزلو فيها فئه يوجد بها 8 ايرباقات وتخيل انباعت اخر وحده بالدمام بـ 72.000 وكانت مواصفاتها 8 ايرباقات + abs + ebd + vsa + مثبت سرعه + التحكم بالصوت من المقود جنوط مقاس 16 + فتحه + كشافات اصليه طبعا هذي المواصفات الاساسيه

بينما الكورلا مافيها مواصفات امان الا 2 ايرباق + abs والمواصفات الاخرى معروفه

انا مو متعصب لسيارتي ولكن هذا الكلام عن تجربه

ولاتنسى ان السيفيك الوسط 2009 الي تتوفر بـ 8 ايرباقات مواصفاتها نفس الفل 2008 ماعدا انها بدون جلد وتم اضافة نظام الـ vsa بموديل 2009 - 2010 يعني تعتبر كانها فل والاضافات الي بالفل عن الوسط 2009 -2010 كانت زينون + قير تبترونك + زيج جانبي نيكل + جلد حتى الطلب قل عليها واكثر الطلبات على الوسط الي بـ 2 ايرباق والوسط الي بـ 8 ايرباقات

احترامي لك ولوجهة نظرك :)

^^^^^^^^^^^^
كلامك سليم يا ميشوو
وانا بصراحه لو خيروني بين كامري أو سيفيك
ماني قارب للكامري اول شي اكرهه وشكلها سقيم:d ومواصفات 0%.

اخوي بصراحه من وجهة نظري انك تأخذ اكورد نص فل و عليها عرض

أصلا لا يجوز قياس الكورولا على السفيك

لأنه كما يقولون قياس خمر على لبن :d

أصلا آخر شيء ممكن توصله الكورولا هو أن تكون

سيارة مقاضي لا أكثر وممكن أقل :p

يآلبى السفك

عساها مليون الف تستاهل كل ريال يروح لها

اشكر الجميع على التفاعل والرد على الموضوع

ولكن للأسف اشوف بعض الردود خرجت عن الموضوع و توجهت للمقارنات

انا سؤالي التالي :

اقتباس:

---

المشاركة الأصلية كتبت بواسطة تركي العسيري

فا مدري يا شباب بعد هذا التقرير وش رايكم؟؟

اصبر الين اشوف الموديل الجديد ؟؟ يمكن يكون احلى ؟

او اني اشتري 2010 مع نزول 2011 واكسب انا نزول السعر على 2010 ؟

اخيراً : فيه سؤال نسيت اسأله لممثل المبيعات ..

هل يتوفر بالسيفيك الحساسات ؟

وهل صفط المرايا كهربائي؟

---

اعتذر منك يالغلآ عن الخروج بصلب الموضوع ولكن لابد من توضيح بعض الامور المهمه

2010 تقريبا بدآ ينفذ واذا بيبقى شي وقت نزول 2011 بتحصل الفئه الفل لانها ماتمشي بشكل كبير مع ان عددها قليل , وموديل 2011 راح يتغير كليا عن الجيل السابق

وحاليا بموديل 2010 لايوجد حساسات + صفط مرايات

بصراحة أنا رحت معرض هوندا إللي في طريق المدينة في جدة
وقاااااااااااااال الشكل ماحيتغير في الموديل الجديد :d
بس فيه شي استتغربت منو :confused:

نزلو سيفيك موجين بس الكيت متغير اما الماكينة زييييييييييماهيا:mad:
وسعرهاااااااا 125,000 :mad:

اقتباس:

---

المشاركة الأصلية كتبت بواسطة majnoon-soso

بصراحة أنا رحت معرض هوندا إللي في طريق المدينة في جدة
وقاااااااااااااال الشكل ماحيتغير في الموديل الجديد :d

---

فعلاً انا قال لي نفس الكلام

بس انا عارف ان القصد منها هو غرض انه يمشي الموديلات ويصرفها بقدر الامكان واقناع الزباين ان الشكل ما راح يتغير..

وانا اعتقد ان السفيك راح تتغير بشكل كبير في 2011 ..

اشكر الجميع على التفاعل ..

السيفيك 2011 100% راح تتغير كالعاده كل 5 سنوات شكل جديد , والله يهدي بعض حقين المبيعات همهم الاول الفلوس وبس مايحسون ان الواحد بيدفع تعب عمره .

خذ اللي يعجبك مدامك بتاخذ هـونـدا:d

السلام عليكم

وجهة نظري اصبر شهرين وراح يتغير الشكل إن شاء الله وفي ذاك الوقت قرر

والصبر زين والعجلة مذمومة ..

كل شي اللى السفووووكه لا تغلطون عليها :mad:

يالبى يالبى:a_liverpool2:

لانتهاء الغرض من الموضوع , ولكي لايحصل بين الاعضاء جدال

يغلق الموضوع

احترامي للجميع

:)