يا أهل الخبره أفيدوني صوت سماعات الاكورد 2009 موعالي

السلام عليكم

ما لكم في طول الكلام

انا سيارتي اكورد 2009

وفيه مشكله في المسجل الصوت مو عالي مره مدري ليه

ارفع لأخر شيء و الوضع ما يخارج

وما ادري ارجعها الوكاله ولا تعرفون حل لي

افيدوني


اخوكم

عزوز

هذي الاكورد من وكالته صوته مو عالي

لاترجع ولاتوسوس

ركب مضخم
:d

الرجاء كتابة عنوان يدل على محتوى الموضوع

تم تعديل العنوان

جرب أكثر من سي دي
وإذا كان نفس المشكلة فروح للوكالة لأجل تطمن
مع إني أتوقع مافيها شي

غير السماعة الخلفية
ولو تغيير الامامية كمان تسير انت >>> :cool:

كيف يعني مو عالي الى اي درجه تبيه عالي
لان الصوت عندي عالي
عجل شوف سيارة اخويانك اذا عندهم واذا في فرق ودها الوكالة

والله انا اشوف الصوت عالي وروعه كمان ...

عندك في خيار في المسجل وسط وعالي وضعيف يمكن انت مخليه ضعيف وعلى فكره حط في بالك ترى دول سماعات شد بلد مو سماعات شركه

حتى2008 نفس العلم

بخصوص هالموضوع راح يفيدك A C C O R D 0 8 شفت له رد حلو بخصوص السماعات ونوعها وكم واط بس مادري وين الموضوع

http://hondaarabia.com/club/showthread.php?t=17617

سماعات الجيل الجديد من الاكورد ضعيفه جدا .. سواء مقارنهـ بالجيل السابق او بسياارات من نفس الفئه من شركات اخرى ..


قبل فتره رحت الغرابي وغيرت السمااعات الخلفيه بالاكورد لسماعات كينوود 420 واط ..

فرق الصوت شي موب طبيعي .. والوضوح والصفاااوه ممتازه وقوه الصوت بعد شي موب سهل تمنيت اني مسويها من قبل ..

فنصيحتي لكـ .. غير السمااعات ..

موب لازم تسوي زي ماسويت انا .. انا النوع الي شريته لازم له مضخم لان السماعات قويه بزيادهـ ..

في انواع توصل ال 280 واط بدون مضخم ولاشي .. مباشره تفك الوكاله وتركبها .. ونفس المقاس بعد تكون ..


ولو حبيت تغير الاماميه بعد بالمره احسن ..

فيه سوني وفيه كنوود وكلها ممتازهـ بهالمجال ..

ولو اوريك سماعات الوكاله والله ان تضحك .. والله انها خفيفه .. خفيفه .. مالها وزن


بدون مبالغه علبه المناديل اثقل منها ..

فهذا راايي .. وقيمه السماعات اللي بدون مضحم تحصلها بـ 190 .. بـ 180 .. اتكلم عن سوني انا ..


الكنوود مادري والله عنها لاني شاريها من فتره ومركبها بصندوق بالشنطه لكن كنسلت الصنودق وفكيت الخلفيه وركبت اللي عندي محلها..

طبعا الافضل الان بالسوق نوعين .. كينوود ويجي منها شكلين .. الاول قديم 320 واط ولكن مميز ويعيش ..

والثاني 400 واط واقوى من ناحيه الصوت ومن ناحيه البييز :) .. طبعا انا مركبها كلها قبل بالصندوق زي ماقلت لك ..

والافضل 400 واط ..

وفيه البايوينر الاصفر .. هذي نوعيه جدديده انا اسمع انها جيده وبجوده الكينوود ..

وللعلم الكينود لها اسم مميز عن الشباب ( جنز ) :p .. اذا رحت للمحل قله ابي سماعات كينود جنز وهو بيعرف الوضع ..


لكن عشان تكون بالصورهـ ..


الجنز اللي قلت لك هذي هي والبايونير شكلها بيضاوي وسماعات الوكاله دائريه عشان اذا عزمت تركبها لابد انكـ توسع من الحديد ..

الحديد اقصد فيه المكان اللي تركب فيه السماعات .. لان شد بلد موجود مكان دائري لكن تقدر توسع شوي وتركب البيضاويه ..

او اذا ماحبيت تسوي شي تقدر تركب اللي قلت لك بدون مضخم ولاشي وتجي دائريه بعد بس الصوت والاداء موب زي البيضاويه طبعا .


واي استفسار حاضرين :)

جرب قارن صوت مسجل سيارتك مع سياره ثانيه
مع ان اشوف الصوت ماشاء الله قوي ومافيه مشاكل مع اكورد 2009

انا الحمدالله الصوت عندي عندي ممتاز بس انت اوزن الصوت وجرب سيدي واضح
لاني اسستم بسيارتي ينسمع برى يفكروني مركب سستم:d
سيارتي توني ماخذها 2009 وعا جبني الصوت

اكيد بإعدادات الصوت جرب غير وبدل بالصوت مكن تنحل مشكلتك انا معي 8 كويسه الحمد لله