للأســــــــــــــــــف........مافيه عيد!!!!

بصراحه ياشباب بأختصر الموضوع

السياره مافيه امل تخلص قبل العيد

رحت الوكاله امس بالليل وشفتها بصراحه طلعت الضربه قويه رحت لقيتهم معلقين السياره والرجال شغال عليها طلعت الضربه مؤثره على الحديد اللي داخل بعد مو الحديد الخارجي وقالوا لي لو انه الرفرف بس من برا كان تخلص بدري بس الضربه داخل بعد وطبعا لها اسبوع ونص تقريبا والعيد جاي بعد ولا بيفتحون الا بعد العيد بأسبوع وعاد انتوا شوفوا متى بتخلص لاومن زين الوجه ماخذ اجازه انا ووجهي وابغى اعيد بها الله يقطعها

لاهذا وانا دافع لهم عربون بعد وبالنسبه للتكاليف فيه ناس سألوني وقلت لهم بعدين بانزلها في موضوع والظاهر اني باقول كل شي الحين لانه خلاص ماعاد لي خلق بشي ولاعاد لي خلق بمواضيع ولا قلق بعد.

المهم السياره كلفت ياشباب 17000 ريال والتأمين مايغطي بس بيعطوني 11000 ريال والسبب اللي طيح قيمة السياره هو راعي المعارض الله لايوفقه اذا انه ظلمني وانا من جيبي بأدفع 6000 انا ماهمني الفلوس ولاشي اهم شي ان الزفت تطلع بدري بس خلاص مافيه امل تطلع يعني راحت نص اجازتي على الفاضي وبأعيد من دونها قلعتها.

بس تدرون وش الغبنه ؟؟؟؟

انك تهتم بالسياره وتدلعها وتحافظ عليها من ناحية الغسيل واللا المشي واللا التضبيط واللا من اي ناحيه وآخر شي تروح غلطة واحد غشيم قلط عليك واللا اي سبه او بلوى

مااقول الا حسبي الله ونعم الوكيل على هالدنيا انواع المصايب جتني في شهر واحد ماكأن في الدنيا الا انا.


لاحول ولاقوة الا بالله

اخوي نكد شف مصيبة غيرك وتهون مصيبتك

وقل الحمدلله ، يمكن خيررررررره !!

الحمد لله على كل شي

انواع المصايب اليومين ذي

هلا وغلا ..

اخوي نكد والله ماتلام واذا تبي المكس تتعيدبها حلالك من جد ....

.

ارض بقضاء الله ..


<<< خويكـ نفس القصة ..



حادث باللومينا بأول يوم بالأجازة شفت القهر ..


واحتمال ما تقضى الا بعد العيد ..



القهر متحمس انا ووجهي اول عيد لها ..



بس الحمد لله خيره ..

اخوي ن ك دى احمد ربك والله تهون مصيبتك اذا شفت غيرك...,

ودام انك جبت الطاري صدمت يوم الاربعاء 19/9

وبغيت اخش في الصبات وعامود كهرب لكن ربك ستر وجت في الصدام واللوحه راحت ملح يعني بعيد بدون لوحه بجيب كرتون واكتب عليه هههههههههه

هونها وتهون

مكتوب يانكودي

وش يدريك يمكن لو ماسويت الحادث وعيدت بالسياره يصير لك شي اشد من كذا >> الخيره فيما اختاره الله

هونها وتهون وخذ الماكس حقت ابوعابد عيد فيها وخله هو يطقها كعابي :d

(ماأصابك لم يكن ليخطئك وما أخطأك لم يكن ليصيبك) >>> ماسكه معي حكم اليوم :d

الحمد لله على كل حـال ..

أحمد ربكـ أنت تشوف سيارتك قدام عينك و تدري وش اللي فيها بالضبك .. غيركـ مسروقة ولا يعرف عنها شيء هي مصدومة هي مشلحه هي .... الله يكون بـ عونه ويلقى سيارته ما فيها شيء ..

أما بـ خصوصك يا ن ك د فـ و الله مصيبتك بعد مصيبه .. لكن خلها ع ربك و مـأجور ان شاء الله ز.

و تبي نصيحتي طق لك أكـورد 2007 أجـار أو كـامري 2007 أجـار و أنبسط فيها بـ أيـام العيد لـين ما تطلع هـ المـزيزنه :d ..

اقتباس:

---

المشاركة الأصلية كتبت بواسطة أبـوعـابـد

هلا وغلا ..

اخوي نكد والله ماتلام واذا تبي المكس تتعيدبها حلالك من جد ....

.

---

تسلم لي يالغالي ماتقصر

بس حلاة العيد بسيارتك بس يالله والله هانت مصيبتي ياولد لقيت الناس كلهم مثلي حوادث الله يستر

بس خلنا نشوفك يالزين :d

اقتباس:

---

المشاركة الأصلية كتبت بواسطة ROYALE V8

ارض بقضاء الله ..


<<< خويكـ نفس القصة ..



حادث باللومينا بأول يوم بالأجازة شفت القهر ..


واحتمال ما تقضى الا بعد العيد ..



القهر متحمس انا ووجهي اول عيد لها ..



بس الحمد لله خيره ..

---

الله يعينك والله واذا تبي مساعده تراني جاهز

تدري وش رايك نعيد انا وانت سوا؟؟؟ :d

اقتباس:

---

المشاركة الأصلية كتبت بواسطة A C C O R D

اخوي ن ك دى احمد ربك والله تهون مصيبتك اذا شفت غيرك...,

ودام انك جبت الطاري صدمت يوم الاربعاء 19/9

وبغيت اخش في الصبات وعامود كهرب لكن ربك ستر وجت في الصدام واللوحه راحت ملح يعني بعيد بدون لوحه بجيب كرتون واكتب عليه هههههههههه

هونها وتهون

---

يؤيؤ والله الشعب ماغير حوادث

عاد تصدق ماقلت لكم يوم دخلت السياره الوكاله ذاك اليوم انواع الاكوردات مصفطه اللي معدومه واللي بيبان واللي خلفيه ولا يوم شافوني قالوا حتى انت اليوم الوطني طلع الشعب كلللللللللللهم قاشعين من اليوم الوطني
اجل كرتونه هاه روقنا بس لاأحد يفشل الاكورد خلها من دون لوحات
خلاص اجل انا وانت وroyal نعيد سوا باستأجر بانوراما حقة ماما ونعيد سوا وش رايك؟؟

اقتباس:

---

المشاركة الأصلية كتبت بواسطة الاخطبوط

مكتوب يانكودي

وش يدريك يمكن لو ماسويت الحادث وعيدت بالسياره يصير لك شي اشد من كذا >> الخيره فيما اختاره الله

هونها وتهون وخذ الماكس حقت ابوعابد عيد فيها وخله هو يطقها كعابي :d

(ماأصابك لم يكن ليخطئك وما أخطأك لم يكن ليصيبك) >>> ماسكه معي حكم اليوم :d

---

صحيح قدر ومكتوب بس تعرف الواحد يجيه خبر بعدين يتفاجأ بخير عكس الأول ينصدم ومايدري وش يقول اليوم الفجر جيت البيت طفشاااااااااااااان قلت مافيه احد افضفض له مثل الشباب اللي في المنتدى هم اللي بيشيلون همي ويريحوني شوي وقلت اطلع لكم انتوا اولى من غيركم وتفاجأت بالشعب كلهم قاشعين وهانت علي مصيبتي شوي والله يعين اكورداوي اهم شي وان شاء الله يحصل سيارته والله هو اللي متبهذل من جد الله يعينه

طيب ليه ماأخذ الأكورد حقتك واعيد بأزرار التحكم بالمسجل اللي ركبتها انت ;)

هههههههههههههههههههاي

يارجال كل تاخيرة وفيها خيرة

وسع صدرك

تحياتي

أقول أخوي نكد يمديك تطلع موترك قبل العيد ..

وانا بعلمك الطريقة رح وانشبلهم نشبة اليمه من جد كل يوم رحلهم ..

قردن الهنود مدري الفلبينية وعطهم فلوس 50 ولا 100 كل واحد الي يشتغل فيها بس ..

وصدقني راح تخلص قبل العيد زي السلام عليكم جرب وتراني مجربها قبلك والله ان يستانسون ..

ويطيرون بموترك واسال مجرب وجرب هالطريقة ولاتستحقرها ..

.

اقول اخطبوطي فاتك عدد مشاركاتي




:cool: :cool: :cool: :cool: :cool:

افاااااااااااا الموضوع ماشاء الله تعدى 10 ردود وانا توني ارد لالالا مالك داعي يا ن ك د كان دقيت علي .

بالنسبة للسيارة لو تروح لهم ذا الايام وتنشب لهم ممكن يخلصونها يعني هي شركة واتوقع ماتقفل إلا 28 يعني قدامك 4 ايام اضغط وشب عليهم .

والله مشكلة مثل كذا اهو اللي قاهرني في الموضوع الإجازة اللي خذيتها لكن اقولك مالك إلا حل واحد اول مايجي العيد اول ليلة العيد استأجر سيارة هوندا اكورد او كامري الجديدة 2007 صحيح ان اجارها غالي لكن فدى الوناسة وساعة الصدر لمدة ثلاث الايام الاولى .

وإن شاء الله مأجور والله يصبرك ويعنيك كلنا عندنا بلاوي في هذا الشهر الكريم ماادري ليه الله لايبلانا بكثرة ذنوبنا ومعاصينا .

اقتباس:

---

المشاركة الأصلية كتبت بواسطة جنرال الهوندا

الحمد لله على كل حـال ..

أحمد ربكـ أنت تشوف سيارتك قدام عينك و تدري وش اللي فيها بالضبك .. غيركـ مسروقة ولا يعرف عنها شيء هي مصدومة هي مشلحه هي .... الله يكون بـ عونه ويلقى سيارته ما فيها شيء ..

أما بـ خصوصك يا ن ك د فـ و الله مصيبتك بعد مصيبه .. لكن خلها ع ربك و مـأجور ان شاء الله ز.

و تبي نصيحتي طق لك أكـورد 2007 أجـار أو كـامري 2007 أجـار و أنبسط فيها بـ أيـام العيد لـين ما تطلع هـ المـزيزنه :d ..

---

الحمد لله على كل شي ويمكن خيره

والله يبعد عنك كل مكروه حبيبي

H 4 Ever على قولك يمكن خيره

ابوعابد والله مرت الحركه على بالي ودايم اسويها بس انا عارف ذي المره مافيه امل تضبط روح شوف الزحمه اللي عندهم وبعدين ماأدري احس انها رشوه والا انا غلطان؟؟

دحوم حبيبي والله معليش كنت طفشااان ولا ادري وش اسوي؟؟ بس زين شفت الموضوع

اقتباس:

---

انك تهتم بالسياره وتدلعها وتحافظ عليها من ناحية الغسيل واللا المشي واللا التضبيط واللا من اي ناحيه وآخر شي تروح غلطة واحد غشيم قلط عليك واللا اي سبه او بلوى

---

ايه و الله قهر :(


سيارتي انحكت قبل اسبوعين

و احد حكها و هي واقفه و مشى و كأنه ما سوا شي :mad:

فيها رفرف امامي ايمن و الصدام و بتكلف 1500 ريال في ورشه معروفه

و الى الحين ما صلحتها

الله يعينك حبيبي accord 06 كلنا في الهوا سوا

انا ما اقول الا الله يعينكم كلكم

عبودي والله من كلامك

احس انك تقول وش ذا المنتدى اللي كلهم عاهات انواع المصايب :eek:

كل واحد يقول الزود عندي ;)

ههههههههههههههههههههه

الله يبعد عنكم كل مكروه ويرجع لكل واحد حقه ان شاء الله

هلا وغلا ..

طيب جرب يانكوده وش وراك بس خلاص جاء العيد الاهر مايميدك ..

.

اقتباس:

---

المشاركة الأصلية كتبت بواسطة أبـوعـابـد

هلا وغلا ..

طيب جرب يانكوده وش وراك بس خلاص جاء العيد الاهر مايميدك ..

.

---

امس كنت عندهم حبيبي :(

مافيه امل :(

وبعدين وش فيك ماتدخل على الماسنجر :mad:

اقتباس:

---

المشاركة الأصلية كتبت بواسطة أبـوعـابـد

هلا وغلا ..

طيب جرب يانكوده وش وراك بس خلاص جاء العيد الاهر مايميدك ..

.

---

صدق ليش ما تجرب:d