زيت قير الاكورد 2011

شباب عندي اكورد 2011 باسمي من الوكالة ومنتظم على غيار زيت الوكالة ... المهم في الاوانه الاخيرة اصبحت ارسل اخوي الصغير يغير الزيت خدمة سريعه وانت ماشي ولكن تفاجات اني ماغيرت زيت القير والسيارة ماشيه هالحين 76000 الف وحسب مافهمت ان تغير زيت القير 60 الف وجلست اوسوس علما ان السياره مافيها اي ملاحظة وشغلي عليها بس للدوام يعني ما سبق ان سافرت عليها او كرفتها.. والحين وقفتها تماما عشان اغير زيت قيرها اول من باب الاطمئان المشكله موعدي يوم الاربعاء الجاي يعني بعيييد فهل اوديها غدا خدمة سريعه يغيرونه ... وما رايكم تكفون والله اني وسوست وهل تتوقعون بيحصل شي للقير ارجووووكم

رحت صناعية ام الحمام ورشة رقم 20 المتخصصه في هوندا قالي لازم تروح الوكالة ... والله متخوف الله يستر

لاتوسوس وانا اخوك اعرف لك واحد مشى على زيت القير 120000ولا صار لموتره شي .. وانت ماشي قليل جدا 76000

شكرا اخ وليد ... الله يجزاك خير سؤالي خويك غير زيت وصار الوضع عادي او ماغير وشكرا .. وسوسوا فينا حقين المنتديات يخبط القير وقصة حط علبه وبعد اسبوع علبه هذه ماني مقتنع فيها بغير زيت وعلى الله يا اسود يا ابيض ... شكرا وننتظر مزيدا من الاراء

ياخوي لاتوسوس ولاشيء والوضع جدا عادي
لو ترجع لكتالوج الأكورد من الشركة الأم بخصوص زيت القير يقول لك غيره كل 100 الف كيلو
لكن هوندا عبدالله هاشم تغيره على أقل من كذا

يعني توكل على الله وغيره وماراح يصيب القير شيء بإذن الله
لكن اللي ماشي على الزيت أكثر من 120 الف لازم يغيرها على دفعات عشان يتعود القير على اللزوجة الجديدة
لكن في وضعك غير الزيت عادي جدا لإنك مو ماشي كثير على الزيت

ملاحضة : خويي شرى أكورد 2007 من صاحبها وهي ماشية 170 الف بدون مايتغير زيت قيرها
ومشى عليها خويي 80 الف يعني ممشاها الحين 250 الف كمان بدون تغيير زيت القير
وهو الحين رافض يغير زيت القير عشان سالفة تخبيط القير علما إنه القير يعمل طبيعي بدون مشاكل

يعطيك العافيه اخوي سلطان ... اليوم رحت الوكالة وسلمتهم السيارة وكتبوا علي شرط ان تغيير زيت القير تحت مسئولية العميل اخذت وعطيت معه وقالي اجباري علينا نكتب كذا حسب تعليمات الادارة وبالنسبة لخراب القير مليون في المائة تحصل ... وتوكلت ع الله ووقعت وربنا يجيب العواقب سليمه ان شاء الله