السلام عليكم ورحمة الله وبركاته
شلونكم يا شباب :)
بعد زمان قطعنا عنكم فترة طويلة
للظروف أحكام سامحونا
اللحين عندي مشكلة في الأكورد 4 سلندر 2003
المكيف اذا مشيت فيه فترة طويلة شوية يعني من (20 - 30) كيلو يفصل الكمبريسر ويعطيني هوا مرطب وحار
من أربع أيام على هالحالة
البداية كنت رايح مشوار الظهر وقفت السيارة ونزلت وطفيتها ما طولت أقل من خمس دقايق ورجعت شغلت السيارة بعدين شغلت المكيف يعطيني هوا حار بس، الكمبريسر مو شغال حاولت فيه ما اشتغل
وقفت السيارة وخليتها تقريباً ساعتين شغلت السيارة وشغلت المكيف اشتغل تمام وبارد ثلج ماشاء الله
ثاني يوم نفس الشي كنت طالع مشوار وقفت السيارة وطفيتها وما طولت رجعت وشغلت مرة ثانية نفس الحركة، هم خليتها لثاني يوم شغلت السيارة واشتغل المكيف تمام
أول أمس انا ماشي العصر تمام المكيف شغال 100% بارد ماشاء الله، بنص الطريق فصل وقام يعطي هوا رطب حتى لما احط ايدي جدامه احس بشي يعلق بايدي طنشته وتميت ماشي وخليته دقيقة تقريباً رجع بارد مرة ثانية
سالت الشباب الي اعرفهم واحد قالي غاز والثاني قالي حرارة يفصل الكمبريسر... الخ
رحت الوكالة أمس زحمة، سألته قالي لازم نفحص تعالي بكره
طلعت ورحت عن ورشة خاصة بسيارات هوندا، والمشكلة انه أبيه يفصل المكيف علشان يشوف ما فصل :mad:
ماشاء الله تم بارد شغال نظامي، قلتله على المشكلة وقام يفحص قالي غاز تمام مافيه شي المراوح شغالة قالي كلشي تمام عندك
بعدين قالي يمكن مغناطيس الكمبريسر، ووراني واحد قالي يركب داخل الكمبريسر لونه أسود دائري
قالي بالوكالة بحدود 20 دينار كويتي، ويبي أجرة ايده 20 دينار
نفس الي بالصورة تقريباً على أصغر شوي وأنحف
قلتله خلاص خلني اشوف وطلعت من عنده مافي خمس دقايق وفصل المكيف :d
هم خليته وطنشته شوي ورد بارد مرة ثانية
انا شفت مواضيع بالمنتدى قبل لا أنزل الموضوع كاتبين فيها مشاكل وتم حلها عن طريق تبديل الحساس
فشنو رايكم مشكلتي وشنو حلها
واذا ممكن صورة للحساس
ويعطيكم العافية
