فلتر المكيف في البحرين أرخص من السعوديه بفرق كبير
السلام عليكم ورحمة الله وبركاته ..
انا جيتكم اليوم يالربع وعندي ليكم شي ..
اكتشفته صراحه .. ومن عقب ما اكتشفت هالشي ما اتوقع اتعامل ويا عبدالله هاشم بعد اليوم ..
لأن سألت صاحبي الروح بالروح الا عنده محل قطع غيار هوندا .. قال ليي لا تتعامل ويا عبدالله هاشم دامك تروح البحرين ..
السالفه ومافيها يالربع .. ان انا ادرس في البحرين في الجامعه العربيه ..
وكل خميس موجود في البحرين ..
تدكرو يمكن يوم حطيت موضوع عن سعر الفلتر مال المكيف حق السيفيك 2006 وطالع ..
قالو ليي قيمته اهني في الوكاله 290 ريال بدون التخفيض .. ومع التخفيض يمكن يطلع 280 او 285 ..
ماعلينا .. انا اروح وكالة الهوندا في البحرين احيانا .. وداك اليوم قلت الى صاحب يالبحريني يروح ويكلمني من عندهم ويعطيني المسؤول عن قطع الغيار وسألته عن الفلتر هذا ..
وقالو ليي يالربع السعر الا ماتوقعته ..
وهو ان قيمته 19 دينار و 900 فلس .. يعني 199 ريال بدون التخفيض .. ولاحظو الفرق اكثر من 100 ريال ..
عاد سألتهم هل هو موجود قالو ايه موجود ..
قلت ليهم باجيكم اسبوع الجاي ..
وفعلاً الاسبوع الا بعده رحت ..
واخذت الفلتر ومع التخفيض طلع عليي سعره 175 ريال انا صراحه ماصدقت ..
وجيت البيت وركبته و اتفاجأت انه مايركب وغير اشوي عن الأولي ..
ورحت الاسبوع الا بعده عشان ارجعه ليهم .. لأن هالغلط مو مني انا ..
فطلع في فلترين ..
واحد يركب على فئة الــ vti الا مثل سيارتي فل ابشن وواحد ايجي الى السياحي ..
فاذا رحتو انتون لا تغلطو هالغلطه لأن المفروض هالغلطه من العامل المفروض يسألني ويش فئة سيارتي ..
على العموم انا صورت الفلتر بس جوالي خربان وكنت بشرح ليكم طريقة تركيبه رغم انها بسيطه ..
الا نستفيده يا شباب من هالموضوع ..
ان الفرق بين عبدالله هاشم ووكالة البحرين مو فرق قليل .. وثاني حاجه ان لو رحتو اهناك اتأكدو ان الفلتر يناسب فئة سيارتكم ..
اتوقع ان اسعار اشياء وايد في البحرين ارخص من وكالتنا .. والحين باشوف كل ما احتاج الى شي من الوكاله .. بتأكد من وكالة البحرين بعد ما اشوف سعره في وكالة السعوديه ..
وهذا الا عندنا حالياً ..
ومشكورين على حسن الاستماع ..
وتحياتي ليكم ..
