السلام عليكم ورحمة الله وبركاته
اليوم راح انقل لكم تجربتي مع حماية النانو سيراميك من شركة نانو شيلد بعد تجربتها لأكثر من 3 شهور
وتم وضع الحماية والسياره ماشيه 500 كيلو فقط
وكانت من ضمن شغل الشركة في العازل الداخلي وحماية الأنوار والقزازه الأمامية
في البداية ما كنت ملاحظ مميزات الحماية
على اساس ان الموتر جديد وطبيعي بيكون فيه لمعه
ومع الوقت بديت الاحظ ان الغبار ما يمسك على الموتر خاصة بعد الكشتات يومين وثلاثة ايام
وبما اني راعي خطوط والموتر الحين ماشي فوق ال 9000
فأكيد ان اي موتر يمسك خط بيلاحظ صاحبه وجود الحشرات وأوساخ على الصدام والوجهيه كامله
وللأمانه ............. اصبح الوجه ما يعلق فيه الا يمكن 20 % او اقل من السابق بعد ثلاثه او اربعة ايام من الغسيل
وبعض الأحيان ما يمسك شي خاصة اذا الموتر مغسول له يوم او يومين
وبدون مبالغة بعض الأحيان اذا جيت من البر يكون الموتر فقط محتاج لغسل الكفرات والداخليه
والخارجي ما يحتاج ما شاء الله تبارك الله....................ما عدا القزاز الأمامي لأن ماعليه حمايه
فتحصل عليه بعض الحشرات
طبعا فيه شغله حلوه وهي انهم حطو طبقة النانو على تلبيسة الصدام والشمعات فصار البلاستك نااعم ولا يمسك الغبار بعكس اللي بدون نانو
فالعاده تحصل اول شي يغبر في السيارت العازل الموجود في الصدام والرفارف والكبوت ويطلع مشوه للموتر
اما مع النانو فما عاد يمسك وهذي ميزه لحالها بصراحه
وكل يوم يزيد اعجابي بالحماية بصراحه ولله الحمد والمنه
والشباب اللي اقابلهم دائما ملاحظين الفرق
ولا حبيت اعطي انطباعي الا بعد التجربه ومرور الوقت
وبصراحه .................. أحييهم على هذا المنتج
وانصح اصحاب السيارات الغامقه بوضعه لأنهم اكثر فئة تحتاجه
والجميل في الموضوع ان للحمايه صيانه دوريه كل 6 شهور او حولها
و الضمان بلا حدود
وهذي صور للموتر يوم وضع عليه النانو سيراميك
http://www.mediafire.com/convkey/672...20295n896g.jpg
http://www.mediafire.com/convkey/d8e...n0ydoq066g.jpg
http://www.mediafire.com/convkey/b1d...f0ojr2rr6g.jpg
http://www.mediafire.com/convkey/30f...dk5j2pvd6g.jpg
http://www.mediafire.com/convkey/6f5...pweb7ncs6g.jpg
http://www.mediafire.com/convkey/4d9...r2ha6u5n6g.jpg
http://www.mediafire.com/convkey/118...lvuw58z46g.jpg
http://www.mediafire.com/convkey/dbf...6bm7ttli6g.jpg
http://www.mediafire.com/convkey/774...4194kvn76g.jpg
http://www.mediafire.com/convkey/e40...j7dsdmx16g.jpg
http://www.mediafire.com/convkey/ba2...fp5cmtbm6g.jpg
http://www.mediafire.com/convkey/a02...sxqm339s6g.jpg
http://www.mediafire.com/convkey/879...h0pknnc26g.jpg
