حلو كل عيد يجي تطلع المشاكل؟؟؟؟

أولا: كل عام والجميع بخير


ثانيا : نعتذر عن ا|لإنقطاع ( والله ما أحد داري عنك ههههه)


ثالثا سافرت سفرة بسيطة وجايبلكم بعض الأسئلة والإستفسارات البسيطة ؟؟؟؟؟؟



1- عديت صيانة 1.000 بــ600كيلو زيادة هل فيه مشكلة؟

2- فيه ريحة تطلع من تحت السيارة تشبه ريحة قطعت بلاستيك محروقة أو قطعت نايلون ( واحد يقول من الفرامل) بس ما أذكر أني اضغط فرامل بقوة؟

3- هل فيه شي اسمه دعسه ثانيه تقوم السيارة بقوة يعني بعد مثلا140؟ ( تيربو) لأني وأنا مسافر لما أجي اتعدى شاحنه وأنا ماشي130 ادوس بنزين بقوة شوي بقوم السيارة لكن ما عندك أحد على مهلها ؟ وهل لو حطيتها بـd3 بعد130 تقوم معاي السيارة ؟ وهل يمكن يكون السبب بنزين91.؟


طبعا السيارة اكورد2008 فل 4سلندر

وآسفين على كثرة القلق والأسئلة؟؟؟؟ لكن علشان الجميع يستفيد بالمشاكل اللي تصير على أعضاء المنتدى؟؟؟

2- الشكمان تلاقي لاصق فية كيس بلاستك او ماشابة ..
3- ادعس زي الناس وتستجيب معك ، الرخيص 91 = مخيس ،، غير للـ 95 تشوف العزم كيف يضبط ،،

لا بواجي ولا هم يحزنون

خل التانكي لمن يولع اللمبه

وعب فل 95

وانا سويت كذا ولي 3 اشهر ولا صاار شيء

خيوو تحيتي

اقتباس:

---

المشاركة الأصلية كتبت بواسطة CIVIC 2008

1- ؟؟؟؟؟؟؟.
2- الريحه هذي تجي من القير أذا كنت دايم تدعسله تطلع الريحه لأني شايف واحد تطلع
معه نفس الريحه واذا سألته قال من القير والتشخيط (التدعيس) وهو على فكره معه فرد
1999 وايضن واحد معه كورد 2004 تطلع مع الريحه واذا سالته قالي نفس الكلام .
3- لاتغير البنزين انتبه خله 91 مثل ما قالوا لك الوكاله لأنك اذا غيرت البنزين كذا راح تتعب
المكينه ويمكن تبوش (تخرب) لكن اذا كان ودك يعني تغير البنزين وانت وكيفك الموتر
موترك اول شي تخلي السيارة لين شوي وتطفا يعني مافيها بانزين ابد ثم رح غير البواجي
ثم عب السيارة 95 كذا انشاله مايضرها .

---

أقول الله يستر منك .. ردودك بصراحه ماتطيح القلب بس .. الا تشقلب أم المعده :mad:

يارجال تطمن سيارتك مابها خلاف ان شاء الله ,, وارجع لرد أخوي كوكوكورد :rolleyes:

2- تلقا في كيس لاصق تحت بالشكمان اذا ماوصلت له خله حتى يتأكل وينتهي

3- بنزين غير على راحتك والله اني مره لقيت المحطات مافيها 95 وعبيت 91 خليته كوكتيل ماصار شي بس الافضل 95

وبسألك سؤال انت قبل الاكورد كان عندك سيارة 6 سلندر او 8 سلندر اذا انت كان عندك سيارة مثل ماقلت فراح تشوف عزم الاكورد تعبان وانا مثلك يوم شديت عليها على 140 لقيتها تعبانه بعكس السيارة اللى كان عندي قبلها بس بعد فترة تعودت وصرت اتجاوز وانا عارف قدرات الاكورد وما انصحك انك ترجع السيار في d3 كثيير الا للضرورة يعني لاتقلبها قير عادي وحاول تتعود على عزمها

اقتباس:

---

3- لاتغير البنزين انتبه خله 91 مثل ما قالوا لك الوكاله لأنك اذا غيرت البنزين كذا راح تتعب
المكينه ويمكن تبوش (تخرب) لكن اذا كان ودك يعني تغير البنزين وانت وكيفك الموتر
موترك اول شي تخلي السيارة لين شوي وتطفا يعني مافيها بانزين ابد ثم رح غير البواجي
ثم عب السيارة 95 كذا انشاله مايضرها .

---

كلام فارغ لا اساس لة من الصحة ،،
شخصياً انا مجرب على اكثر من سيارة ،،
احداهم كنا ماسكين خط الامارات وخلص البنزين حقنا 95 وعبينا بـ10 ابو كلب 91 لين اقرب محطة فيها 95 بدون اي مشاكل ،،
ايضاً المشرف الهادف كان مسافر لدولة ما وعبا خلال هالفترة 3 انواع مختلفة ،
ايضاً مرة في قطر عبينا 95 ومن الطناخة عبينا 97
اسئل مجرب ولا تسئل وكيل همة زرف فلوس الشعب ،

مشكورررررررررررررررررين على الردود

بس أهم شي السؤال الثالث والأول

وهل D3 يقوم السيارة هنا السؤال؟؟؟؟؟

أما البنزين والله هجوله؟؟؟؟؟

شوف زي ماقالوا الاخوان ..

غير البنزين .. ومرن الموتر صحـ .. اما تيربو ماتوقع ..

والريحه من بلاستيكـ .. اوكي لاصق

بالنسبة للصيانة فما عندك مشكلة لو تتعداها بـ 2000 كيلو !!

الـ D3 على سرعة 140 ممكن يعطيك شوي عزم حتى الـ 180 وبعدها تبدا تقطع السيارة لان هذا آخر حد له بس لا تتوقع اكثر لان الاربعة سلندر ما تجمل كثير من الناحية هذي . اما اذا جربت الستة سلندر بتحس بالفرق !!

;)

والله فادك كوكورد

وانا اايده بالنسبه لنوع البنزين 95 افضل

بالذات لحقين السفريات ومسك الخطوط

6 سلندر بس :cool:

انا مرة سويت حركة على طريق الدمام رجعت d3 وكنت ماشي 160 كنت بدي اتجاوز عن لومينا 2006 وفعلا زاد عزم السيارة بشكل كبير بس الحين اقول بصراحة كانت حركة غبية سيارتي 2004 4 سلندر ودمتم

اقتباس:

---

المشاركة الأصلية كتبت بواسطة dryeyes

انا مرة سويت حركة على طريق الدمام رجعت D3 وكنت ماشي 160 كنت بدي اتجاوز عن لومينا 2006 وفعلا زاد عزم السيارة بشكل كبير بس الحين اقول بصراحة كانت حركة غبية سيارتي 2004 4 سلندر ودمتم

---

مشكور أخوي بس بسألك هل رفعت رجلك عن البنزين وقت ما غيرت لـd3