-
فزعتكم شباب
السلام عليكم ورحمة الله وبركاته
اخواني انا معاي اكورد 2012 وجيت بسوي لها صيانه 60.000 الا صقعوني بسعر 890 ريال صراحه قلت الموضوع مايستاهل كل هالمبلغ وحسيت ان فيه استغلال قلت له طيب وش تسوون قالي نغير زيت الجرابكس وفلتر الهواء وتغير زيت المكينه مع السيفون وتشييك ع السياره
قلت له انا ابي اغير زيت الجرابكس بس زيت المكينه انا مغيره من اسبوع مع السيفون ومن ناحيه التشييك سيارتي تحت رجلي واعرفها ماتحتاج الحمد لله وبعدين زيت الجرابكس قيمته 40 ريال انحشر الزول قالي الاسعار ارتفعت قلت له طيب مع السلامه ، والحين ابي اعرف الزيت حق الجرابكس شلون اعرف اصلي ولا تقليد
واشكر كل من يتفاعل معاي .
-
وعليكم السلام ورحمة الله وبركاته.
اخوي الصيانه هذي مهمة وخصوصا موضوع تغير زيت الجير
الافضل ونصيحتي لك سويها بالوكالة وريح راسك.
من ناحيه زيت الجير اذا نويت تغيره برا اشتري الزيت من الوكاله على اساس تضمن انه اصلي
وفي النهاية القرار يرجعلك لكن انصحك تسوي الصيانه بالوكاله
دمت برعاية الله.
-
وعليكم السلام ورحمة الله وبركاته
فلتر هواء الأكورد 2007 و 2006 من الوكاله سعره 110 ريال بعد خصم 20%
ما أدري عن موديل 2008 - 2012 .. لكن اتوقع السعر قريب
وبالنسبه لزيت القير
تحتاج 3 علب زيت قير + فلتر قير خارجي
ترى فلتر قير الأربعه سلندر يختلف عن السته سلندر
سعر فلتر القير الخارجي بـ 95 ريال
علبة زيت القير بـ 42 ريال تقريبا × 3 = 126 ريال
مجموع سعر الزيت والفلتر = 221 ريال
شغل يد الوكاله :
تغيير زيت قير 48 ريال
تغيير فلتر القير الخارجي 96 ريال
مجموع شغل اليد = 144 ريال
زيت القير + فلتر القير الخارجي .. خذها من الوكاله وأطلب خصم 20%
ملاحظه :
اقرأ كتالوج سيارتك عشان تعرف كمية الزيت بالضبط + عاير زيت القير بطريقه صحيحه ( تلقاها بالكتالوج )
-
وعليكم السلام ورحمة الله وبركاته
صيانه ال60 الف اهمها تغيير زيت القير والشغله كلها صرة زيت تفكها يفرغ الزيت ويركبها وتعبي ثلاث علب زيت قيرهوندا..
فلتر القير الخارجي تغييره كل 100الف ..
[Output: 5.70 Kb. compressed to 5.57 Kb. by saving 0.13 Kb. (2.21%)]