أسئلتي كثيرة بس اعذروني

السلام عليكم
حبيت أسأل كم سؤال عن الأكورد 2005
1- شفت في كاتالوج السيارة إن فيه مقياس للحرارة الخارجية وموضعه جنب مقياس المسافات .. لكن ما وجدته في سيارتي .. هل فيه طريقة لتركيبه .. وكم يكلفني من عند الشركة ..
2- فحمات الفرامل الأمامية أصبحت تصدر عندي صفير خفيف لما تكون السيارة تمشي بسرعة فوق الستين كيلو .. رغم إن السيارة ما مشت 35 الف كم .. فهل معقولة عمرها الافتراضي خلص .. خاصة وأنا ما اشتريت الاكورد إلا بعد ما قيل لي إن عمر قطعها طويل جدا .. وتحط وتنسى ..
3- زيت الجيربوكس الأوتوماتيك .. هل يحتاج إلى تغيير .. وكم تقريبا المدة اللي يتم تغييره فيها .. لأني سمعت إنها 100 الف وحاب أتأكد ..
4- يا ترى في طريقة لفصل جرس الحزام .. وجرس السرعة .. لأنها من جد قلق ..
5- حبيت أظلل سيارتي تظليل في كوول عازل للحرارة .. رحت لوكالتهم .. ورفضوا يعطوني أي ضمان إن بغيت أظلل السيارة .. لأن هوائي الراديو في الزجاج الخلفي وتظليل الزجاج الخلفي يمكن يأثر على صفاوة الراديو .. والزجاج الجانبي جلده قوية جدا وراح تتسبب في تمزيق التظليل الشفاف .. حبيت أعرف إذا في أحد مظلل سيارته في كوول يجاوبني عن هالمسألتين ..
6- هل في طريقة لتشغيل أسطوانات mp3 على الجهاز الصوتي بالسيارة .. لأن الأوديو جدا قديم وممل .. وهل يوجد مشغل اسطواناتmp3 يمشي مع ديكور الأكورد ويكون تركيبه مضمون وما يأثر على الضمان .. ( هذي مهمة عندي )
7- متردد كثير في ادخال سيارتي للصيانات الدورية .. ادري ان منها فايدة لكن يا شباب كيف اسعارها .. لانه بصراحه عبدالله هاشم موسه حاد وما يقصر .. :eek:
طولت عليكم كثير حبايبي .. بس تحملوني ..
وبصراحة منتدى رائع .. يزيد عشقنا للهوندا .. وهي والله تستاهل ..

انا ما اعرف اجاوب الا على السؤال الثاني والثالث لأني مريت فيهم

انا عندي فحمات البريك تمام ما ابدلهم الا كل 60 الف كلم انت روح افحصهم وشوف

وبالنسبة لزيت الجيربوكس الاوتو انا سيارتي اكورد 2003 ماشيه اكثر من 130 الف كلم وماغيرته ولا مره كل الي اسويه اني كل ما ابدل زيت المكينه افحص زيت الجيربوكس اذا شفته ناقص ازوده

وسامحنا على القصور

واتمنى ان اكون افدتك

1- لا أعلم

2- لا أعلم لأن سيارتي للآن ماشية 10 آلاف ...

3- نفس الجواب

4- مافي طريقة حتى الآن ..


5- انا مظلل في كول ... بالنسبة للراديو توني أدري ... بس أعتقد كلامهم صحيح ... لكن أنا ما أشغل الراديو ... و بالنسبة للنوافذ تنخدش مع الوقت ... أنصحك تشوف الزيبارت ... نوافذي مرة انخدشت لكن الله يعين

6- في جهاز توضعه في حق السيجارة و يلقط ترددات الراديو معه ميموري تقدر تستخدمه اسأل عنه في محلات الكمبيوترات و سعره يبدأ من 100 ريال حسب حجم الميموري


7- بالنسبة للصيانة أنا أشوف إن مالها داعي ... انا ابدل زيت برة الوكالة ... لكن انصحك بالتشييك الكامل عند ال 30 ألف ...

تبديل الزيت تحديداً بالوكالة أفضل (بالسعودية)، سعره معقول والخدمة جيدة إلا عندما يكون عليك الإنتظار.

1- حسب علمي ان الوكاله ما يركبونه .. لكن فيه محل قوة الاحلام بالرياض
يركبه بـ 700 ريال.
2- حاول تسوي لهم تنظيف اذا ما راح الصوت الله يعينك على التبديل .
3- في وكالة عبدالله هاشم يتم تبديله كل 40 الف كيلو و هو المكتوب بالكتلوج .
4- اذا فصلته بيفصل الايرباق معه , افضل حل هو انك تقص اي بطاقه على حجم الفتحه
و تركبها في فتحه الحزام و ترتاح من الصوت .
5- للاسف ما عندي علم .
6- فيه مسجل mp3 اصلي للاكورد نازل كاكسسوار برا
http://www.cheaphondaparts.com/shop/..._large/673.jpg

ارخص سعر حصلته على الانترنت 322 دولار يعني تقريبا 1200 ريال
على هذا الموقع http://www.cheaphondaparts.com/shop/...+Product_ID+86
تقدر تطلبه .
7- انا مثلك كنت متردد و سئلت كثير , و بالاخير قررت ادخلها كل 40 الف كيلو
عشان تغيير زيت القير بس , و لو زيت القير ما يتغير كان ما دخلتها ابد .

و اذا عندك اي سؤال انا حاضر

أخوي Acc
يعطيك العافية ما قصرت ..
==================
أخوي BLK
أفدتني في سالفة الفي كول ..
يعطيك العافية ..
==================
أخوي Honda
عاد شوف تغيير الزيت بالوكالة أفضل إذا الله حظك بواحد فني راعي ذمة وأمانة .. يشيك على ضغط الهواء بالجهاز .. ويزيد موية الراديتر والمساحات .. وينظف الفلتر .. وأقلك شي .. غيرت الزيت بالوكالة 14 مرة .. ما أكذب عليك .. لكن إلى الآن ولا واحد شيك على زيت الجيربوكس الأوتوماتيكي من غير ما أطلبه غير فني فلبيني - غير مسلم - في فرع عبدالله هاشم بطريق المدينة بجده .. والباقيين صفر على الشمال .. لا اللي في وكالة المدينة ولا اللي في وكالة جده .. لازم تجلس على راسه وشوف كذا وشوف كذا حتى يعطي بأمانة .. وبصراحة عيب كبير في الهوندا .. إن وكيلها سيء جداً .. أنا جربت عبداللطيف جميل والجميح وبالبيد وبامعروف .. مثل تخبط عبد الله هاشم ما شفت .. وترى أي ماركة تطلع بخدمات ما بعد البيع ..
تحياتي لك طولت عليك :D
=================
أخوي accord 06
الله يسعد مساك
700 ريال عشان مقياس حرارة :confused: كثر الله خيرهم ..
يعطيك العافية أخوي
ما قصرت

ما اعرف شئ عن موضوع ..........

اقتباس:

---

المشاركة الأصلية كتبت بواسطة BLK

1- 6- في جهاز توضعه في حق السيجارة و يلقط ترددات الراديو معه ميموري تقدر تستخدمه اسأل عنه في محلات الكمبيوترات و سعره يبدأ من 100 ريال حسب حجم الميموري

---

وين احصله في الغربية ؟؟ اقصد تعرف محل تدلني عليه ؟

تقبل تحياتي , , ,

مساكم الله بلخير
بنسبة لتشيك زيت الجير بكس خلك على جدول الصيانة اللي في الكتاب حق السيارة اما بنسبة للاصوات والاشياء الثانية ممكن تبلغ المهندس ليشيكلك عليها واسعارهم معقولة جدا.
ام بنسبة للجهاز cd ممكن تطلبه مثل ماقال اخوي accord06 .
اما بنسبة للتظليل روح لزيبارت

وعليكم السلام ورحمة الله وبركاته....

هذي اجابات مني لك ان شاء الله انها تفيدك واعذرني على القصور...

1- بالنسبه لمقياس الحراره فهو صحيح موجود بالكتالوج لكن مو موجود بالمواصفات الي نازله عندنا مثلها مثل حركة المايك الي موجوده بالسقف..

2- أنا أتوقع مو فحمات يمكن القماشات يبي لها تنظيف وعلى كلام الاخوان ان الفحمات ماتغيرها الابعد 60000 كيلو...

3- زيت القير مايتغير الا بعد 40000 كيلو وأنصحك بتغييرها عند الوكاله أفضل لك...

4- ما أدري اذا الوكاله يقدرون يفصلونها لك وبالنسبه للحزام فانا حاط بطاقه قاصها على حجم الفتحه وبشرط تكون البطاقه بلاستيك مو كرتون...

5- أعرف واحد مظلل الاكورد بزيبارت وصار فيه خطوط ظعيفه مره ومو باينه مره...

6- ما أدري والله...

7- أنا ما أشيك على سيارتي والحين هي ماشيه 31000 بس أتوقع يروح الضمان علي لأنهم مشترطين التشييك المستمر وأنصحك شيك الحين مادام فيه عندهم عرض أحسن من تدفع 360 ريال وماراح تاخذ وقت كلها ساعه ونص وخالصه...

الله يبارك لك في سيارتك ياغالي,,,

أكورداوي يسعد بتواصلكم معه so0o0o0k@hotmail.com

أخي الحبيب :-

سأجيب عليك جواب شافي على الفقرة الخامسة بخصوص التظليل وعلاقته بالراديو

بعض الشركات تستخدم مادة الكربون كطبقة من ضمن مكونات الفلم وهذه الماده تعمل على حجب الاسلكي فتسبب تشويش لراديو واعاقة الارسال للجوال في الخط السريع فهي تقنية تستخدم المعدن في صناعة افلامها وهذه التقنية توجد بمعضم الشركات مثل الفيكول جونسون سولر جارد لومير ., ولكن هناك شركه قامت بصناعة افلام توفر نفس المواصفات ولكن تخلو طبقتها من الكربون مما يعطي وضوح لراديو وعدم التاثير على الهاتف المحمول

هذه الشركه هي ماديكو وهي الوحيده في العالم التي تقدم هذه الميزه , وافلامها لا يمكن تخديشها بسهوله لان مكونات الفلم تتميز بطبقة خارجية مقاومة للخدوش عكس بقية الشركات ,, يمكنك أخي الاتصال على الشخص المختص بهذه الشركه على هاتفه المحمول 0507549103

اما زيبرت فهي شركه مختصه بحماية جميع اجزاء السياره ولاتصنع افلام عازلة للحراره فهي تستخدم افلامها من شركة سو لر جارد
المعلومات هذى مستقاه من واقع تجربه وبحث قمت به على كثير من المنتجات الاخرى لاني كنت اعاني من هذه الشكله حتى لقيت لها الحل عند ماديكو .


لمزيد من المعلومات لمن يرغب يمكن مراسلتي على هذا الايميل

mrsalami@gawab.com