دركسوني متفصخ + سيارتي مزاجيه
السلام عليكم كيف الحال
المشكله ومافيها ان الدركسون متقشع من اوله لاخره البويه ممسوحه وطالع شكله كنه دركسون كرسيدا موديل 80
لدرجة اني اذا ركبت السياره ونزلت منها ولا على ثوبي اثار التقشير الحاصل للدركسون يتفتت البويه تفتيت
اما المشكله الثانيه هي
مره من المرات جيت ابشغل السياره عيت تشتغل يمين يسار فوق تحت ماش مو راضيه ابد فكيت الاصابع ونظفتها وركبتها ثانيه مااشتغلت
خليتها ورحت مع واحد من الربع
جا من بكره ابشغلها لعل وعسى نفس الشي المشكله ان البطاريه والانوار وكل شي حتى الطبلون كله يولع يعني مافيه اي مشكله لكن اذا دقيت سلف مايدق يروح معي المفتاح ويرجع كانه لعبه بدون اي صوت يدل ان البطاريه او الكهرب خربان
المهم جاني الهام من الله وقلت خلني احط القير n
واشغله وتشتغل
وراحت الايام
الحين تقريبا كل اسبوع تصير لي مره واحط القير n وتشتغل وعلى هالحال تقريبا كل اسبوع
وش المشكله ؟؟؟؟
واتمنى انكم تفيدوني من ناحية الدركسون وللعلم سبق وان لبست الدركسون جلد خياطه لكن مع الوقت صار لون الجلد اخضر وتشوه كثير عشان كذا اقدر ارشه ولا وش الحل؟؟ ووين اماكن هالمحلات المضمونه واللي شغلهم ميه ميه؟؟؟؟
موقعي شمال مدينة الرياض بجانب جامعة الملك سعود
ولو محلات بعيده مايخالف المهم شغلهم مضبوط
